నా భార్య వల్లే అది నేర్చుకున్నా... చాహాల్ పోస్ట్‌కి రషీద్ ఖాన్ క్రేజీ కామెంట్... పగలబడినవ్విన హార్ధిక్...
భారత జట్టు వరల్డ్ టెస్టు ఛాంపియన్‌షిప్ ఫైనల్ ఆడేందుకు ఇంగ్లాండ్ వెళ్లింది. అయితే పరిమిత ఓవర్ల క్రికెట్ స్పెషలిస్టులు మాత్రం ఇక్కడే ఉండిపోయారు. వచ్చే నెలలో జరిగే శ్రీలంక టూర్ కోసం ఎదురుచూస్తున్నారు. వీరిలో భారత స్పిన్నర్ యజ్వేంద్ర చాహాల్ కూడా ఒకడు.
ఐపీఎల్ 2021 సీజన్‌కి అర్ధాంతరంగా బ్రేక్ పడినప్పటి నుంచి ఇంట్లోనే ఉంటున్న చాహాల్, భార్య ధనశ్రీ వర్మతో కలిసి ఫుల్లుగా ఎంజాయ్ చేస్తున్నాడు. సోషల్ మీడయాలో తెగ యాక్టీవ్‌గా ఉంటూ ఫన్నీ ఫన్నీ వీడియోలతో అభిమానులను అలరిస్తున్నాడు...
తాజాగా తన భార్య ధనశ్రీవర్మతో కలిసి చేసిన ఓ ఫన్నీ వీడియోను సోషల్ మీడియాలో షేర్ చేశాడు యజ్వేంద్ర చాహాల్. టిక్ టాక్‌లో వీడియోలు చేస్తూ, ప్రేమలో పడి పెళ్లి చేసుకున్న ఈ జంట, ఆ యాప్ బ్యాన్ అయిన తర్వాత మరో వీడియో మేకింగ్ యాప్‌లో అకౌంట్ ఓపెన్ చేశారట.
ఈ విషయాన్ని ప్రమోట్ చేసేందుకు ఫన్నీగా... ‘దోస్తో... నేను అనుకుంటున్నా... ప్రతీ స్పిన్నర్ కచ్ఛితంగా పెళ్లి చేసుకోవాలి?’ అని కామెంట్ చేశాడు. దానికి ధనశ్రీ ఆశ్చర్యపోతూ... ‘పెళ్లి ఓకే... కానీ ప్రతీ స్పిన్నర్ ఎందుకు?’ అని ప్రశ్నించింది. ‘ఎందుకంటే నేను పెళ్లైన తర్వాత గూగ్లీ వేయడం నేర్చుకున్నా’ అంటూ కన్నుకొడుతూ చెప్పాడు.
యజ్వేంద్ర చాహాల్ చెప్పిన గూగ్లీ వేయడం అనే దాంట్లో ఎన్ని మీనింగ్స్ ఉన్నాయో తెలీదు కానీ, ఆఫ్ఘాన్ యంగ్ స్పిన్నర్ రషీద్ ఖాన్ ఈ వీడియోకు స్పందించాడు. ‘భాయ్... పెళ్లికి ముందు నుంచే నాకు గూగ్లీ వేయడం వచ్చు’ అంటూ సిగ్గు పడుతున్నట్టు ఎమోజీలను కామెంట్ చేశాడు రషీద్ ఖాన్.
రషీద్ ఖాన్ పెట్టిన కామెంట్‌కి భారత ఆల్‌రౌండర్ హార్ధిక్ పాండ్యా... ‘పగలబడి నవ్వుతున్నట్టుగా’ ఎమోజీలను రిప్లై ఇచ్చాడు. యజ్వేంద్ర చాహాల్ చెప్పిన గూగ్లీకి రషీద్ ఖాన్ ఒకలా అర్థం చెబితే, హార్ధిక్ పాండ్యా ఇంకోలా అర్థం చేసుకున్నట్టు ఈ కామెంట్లను చూస్తే అర్థమవుతోంది.
ఐపీఎల్ 2021 సీజన్‌లో సన్‌రైజర్స్ హైదరాబాద్ తరుపున ఆడిన రషీద్ ఖాన్ 7 మ్యాచుల్లో 17 వికెట్లు తీసి అదరగొట్టాడు. సీజన్‌లో 6.14 యావరేజ్‌లో బౌలింగ్ చేసి ఒంటరి పోరాటం చేశాడు. యజ్వేంద్ర చాహాల్ ఈ సీజన్‌లో పెద్దగా వికెట్లు తీయలేకపోయినా మంచి ఎకానమీతో బౌలింగ్ చేశాడు.
ఐపీఎల్ 2021 సీజన్‌కి కరోనా కారణంగా బ్రేక్ పడే సమయానికి యజ్వేంద్ర చాహాల్ తల్లిదండ్రులు కూడా కోవిద్ బారిన పడ్డారు. ఐపీఎల్ వాయిదా పడకపోయి ఉంటే, తాను తప్పుకునేవాడినని వ్యాఖ్యానించాడు యజ్వేంద్ర చాహాల్. కొన్నిరోజుల కిందటే చాహాల్ తల్లిదండ్రులు కరోనా నుంచి కోలుకున్నారు.
కొన్ని రోజుల క్రితం తన చిన్ననాటి ఫోటోలను సోషల్ మీడియాలో షేర్ చేశాడు యజ్వేంద్ర చాహాల్. క్రికెట్ కంటే ముందు చెస్ ప్లేయర్ కూడా అయిన యజ్వేంద్ర చాహాల్ చిన్ననాటి ఫోటోలు.
క్రికెట్ కంటే ముందు చెస్ ప్లేయర్ కూడా అయిన యజ్వేంద్ర చాహాల్ చిన్ననాటి ఫోటోలు.
క్రికెట్ కంటే ముందు చెస్ ప్లేయర్ కూడా అయిన యజ్వేంద్ర చాహాల్ చిన్ననాటి ఫోటోలు.
క్రికెట్ కంటే ముందు చెస్ ప్లేయర్ కూడా అయిన యజ్వేంద్ర చాహాల్ చిన్ననాటి ఫోటోలు.
క్రికెట్ కంటే ముందు చెస్ ప్లేయర్ కూడా అయిన యజ్వేంద్ర చాహాల్ చిన్ననాటి ఫోటోలు.
క్రికెట్ కంటే ముందు చెస్ ప్లేయర్ కూడా అయిన యజ్వేంద్ర చాహాల్ చిన్ననాటి ఫోటోలు.
క్రికెట్ కంటే ముందు చెస్ ప్లేయర్ కూడా అయిన యజ్వేంద్ర చాహాల్ చిన్ననాటి ఫోటోలు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
