వచ్చే పదేళ్లు అతడివే.. వన్డే వరల్డ్కప్ లో భారత ఓపెనర్ కూడా.. జట్టులోనే లేని యువ ఆటగాడిపై యువీ ప్రశంసలు..
ఏడాదికాలంగా రోహిత్ శర్మకు విశ్రాంతినిస్తే తప్ప వన్డేలలో శుభమన్ గిల్ కు ఈ ఫార్మాట్ లో అవకాశాలు రావడం లేదు. కానీ తనకు వచ్చిన ప్రతీ అవకాశాన్ని గిల్ సద్వినియోగం చేసుకుంటున్నాడు.
టీమిండియాకు వన్డేలలో శిఖర్ ధావన్ - రోహిత్ శర్మలు ఓపెనర్లుగా ఉండగా టీ20లలో రోహిత్ - రాహుల్ లు బరిలోకి దిగుతున్నారు. కానీ యువరాజ్ సింగ్ మాత్రం జట్టులో చోటు దక్కించుకోవడానికే తంటాలుపడుతున్న యువ ఆటగాడు శుభమన్ గిల్ వన్డే ప్రపంచకప్ - 2023లో భారత జట్టు ఓపెనర్ గా భారత ఇన్నింగ్స్ ఓపెన్ చెబుతున్నాడు.
తాజాగా పీటీఐకి ఇచ్చిన ఇంటర్వ్యూలో యువరాజ్ మాట్లాడుతూ.. ‘శుభమన్ చాలా హార్డ్ వర్కింగ్. పరిమిత ఓవర్ల ఫార్మాట్ లో తనకు వచ్చిన అవకాశాలను సద్వినియోగం చేసుకుంటున్నాడు. నాకు తెలిసి వచ్చే పదేండ్లు అతడివే. వైట్ బాల్ ఫార్మాట్ లో గిల్ నిలకడగా ఆడుతున్నాడు.
వచ్చే ఏడాది భారత్ వేదికగా జరగాల్సి ఉన్న వన్డే ప్రపంచకప్ లో గిల్ తప్పకుండా టీమిండియా తరఫున ఇన్నింగ్స్ ఓపెన్ చేయబోయేందుకు గాను స్ట్రాంగ్ కంటెండర్ (పోటీదారు) అవుతడాని నేను భావిస్తున్నా..’ అని చెప్పాడు.
ఏడాదికాలంగా శుభమన్ గిల్ వన్డేలలో బాగానే ఆడుతున్నాడు. రోహిత్ శర్మకు విశ్రాంతినిస్తే తప్ప గిల్ కు వన్డే ఫార్మాట్ లో అవకాశాలు రావడం లేదు. కానీ తనకు వచ్చిన ప్రతీ అవకాశాన్ని గిల్ కాపాడుకుంటున్నాడు. ఈ ఏడాది గిల్.. 12 వన్డేలలో 638 పరుగులు చేశాడు.ఇందులో నాలుగు హాఫ్ సెంచరీలు, ఒక సెంచరీ కూడా ఉంది. వెస్టిండీస్ తో పాటు జింబాబ్వే టూర్ లలోనే గాక స్వదేశంలో దక్షిణాఫ్రికాతో సిరీస్ లో కూడా గిల్ రాణించాడు.
మొత్తంగా గిల్ 15 వన్డేలలో 687 రన్స్ సాధించాడు. ఇక భారత్ తరఫున 11 టెస్టులు ఆడిన అతడు.. 579 రన్స్ చేశాడు. టెస్టులు, వన్డేలలో అప్పుడప్పుడు అవకాశాలు దక్కించుకుంటున్న గిల్.. టీ20 లలో మాత్రం కనిపించడంలేదు. ఇటీవల న్యూజిలాండ్ పర్యటనలో రెండు ఫార్మాట్లకు ఎంపికైనా కేవలం వన్డేలకే అతడి సేవలను వినియోగించుకుంది టీమ్ మేనేజ్మెంట్.
యువరాజ్ దేశంలో క్రీడాభ్యున్నతికి పాటుపడతానని తెలిపాడు. భవిష్యత్ లో ఏం జరుగుతుందో తనకు తెలియదని కానీ తనకు వీలైనంతలో దేశంలో క్రీడా రంగానికి సాయం చేస్తానని యువీ చెప్పుకొచ్చాడు. అది క్రికెట్ మాత్రమే కాదని.. ఇతర క్రీడలకు కూడా తన ప్రోత్సాహం ఉంటుందని వివరించాడు.