Yearender 2023: శుభ్‌మ‌న్ గిల్ నుంచి రింకూ సింగ్ వరకు.. టాప్-10 భార‌త క్రికెట్ రైజింగ్ స్టార్స్

Yearender2023-sports: భారత్ క్రికెట్ లో కొత్త స్టార్స్ పుట్టుకొస్తూనే ఉన్నారు. మరీ ముఖ్యంగా ఐపీఎల్ పుణ్యామా అని కొత్త వారికి అవకాశాలు దక్కడంతో భారత్ నుంచి పలువురు క్రికెట్ భవిష్యత్ స్టార్స్ గా గుర్తింపు సాధించారు. అలాంటి వారిలో 2023 లో భారత్ నుంచి వస్తున్న టాప్-10 వర్థమాన రైజింగ్ స్టార్స్ లో శుభ్ మన్ గిల్ నుంచి రింకూ సింగ్ వరకు కీలక ప్లేయర్లు ఉన్నారు.   

Shubman Gill

శుభ్‌మ‌న్ గిల్: 

ఈ 24 ఏళ్ల స్టార్ ఓపెనర్ లేకుండా రైజింగ్ స్టార్ లిస్ట్ పూర్తి కాదు. గిల్ వన్డే జట్టులో తన స్థానాన్ని సుస్థిరం చేసుకున్నాడు. ఈ ఏడాది అంతర్జాతీయంగా 2,000 పరుగులు చేసిన మొదటి బ్యాటర్‌గా నిలిచాడు. ఈ ఏడాది 29 వన్డేలు ఆడిన అతను 5 సెంచరీలు, 9 హాఫ్ సెంచరీలతో రాణించాడు. 17 ఐపీఎల్ మ్యాచ్‌లలో 59.33 సగటు, 157.80 స్ట్రైక్ రేట్‌తో 890 పరుగులు చేశాడు.

Yashasvi Jaiswal

యశస్వి జైస్వాల్

ఈ 21 ఏళ్ల లెఫ్ట్ హ్యాండర్ నిర్భయ బ్యాటింగ్ క్రికెట్ ప్రపంచాన్ని షేక్ చేసింది. 14 ఐపీఎల్ మ్యాచ్‌లలో, అతను 48.08 సగటు, 163.61 స్ట్రైక్ రేట్‌తో 625 పరుగులు చేశాడు. ఈ ఏడాది ఐపీఎల్‌లో సెంచరీ కూడా చేశాడు. ఇక టెస్టు క్రికెట్ లోకి అరంగేట్రం చేసిన మొద‌టి మ్యాచ్ లోనే సెంచ‌రీతో అద‌ర‌గొట్టాడు. 

Tilak Varma

తిలక్ వర్మ

ఇటీవ‌లే వ‌న్డే క్రికెట్ లోకి ఎంట్రీ ఇచ్చిన తెలుగు కుర్రాడు క్రికెట్ లో రైజింగ్ స్టార్ గా ఉన్నాడు. చక్కటి వ్యక్తిత్వం, ఈ 21 ఏళ్ల మిడిల్ ఆర్డర్ మాస్ట్రో తో రాణిస్తున్నాడు. ఈ ఏడాది 164.11 స్ట్రైక్ రేట్‌, 42.88 స‌గ‌టులో ఐపీఎల్ లో రాణించాడు. పరిపక్వత, ఒత్తిడిలోనూ దానిని ఎదుర్కొంటూ సునాయాసంగా బ్యాంటింగ్ చేయ‌గల సామర్థ్యం అతన్ని భవిష్యత్ స్టార్‌గా చేస్తాయి.

Rinku Singh

రింకూ సింగ్.. 

ధ‌నాధ‌న్ బ్యాంటింగ్ తో అద‌ర‌గొట్ట‌గ‌ల ప్లేయ‌ర్. కాంపాక్ట్ ప్యాకేజీలో ధ‌న్ మ‌ని పేల‌గ‌ల‌డు. 26 ఏళ్ల రింకూ సింగ్ సిక్స్ కొట్టే పరాక్రమం అతన్ని చూడదగిన వైట్-బాల్ స్పెషలిస్ట్‌గా చేసింది. ఈ సంవత్సరం కోల్‌కతా నైట్ రైడర్స్ (KKR) లో మ్యాచ్ విన్న‌ర్ గా నిలిచాడు. తాజాగా అంత‌ర్జాతీయ వ‌న్డే క్రికెట్ లోకి అరంగేట్రం చేశాడు. 

Tushar Deshpande

తుషార్ దేశ్‌పాండే

ఐపీఎల్ లో చెన్నై సూప‌ర్ కింగ్ త‌ర‌ఫున అద‌ర‌గొట్టాడు. ఈ 28 ఏళ్ల స్పిన్నర్ చురుకైన ప్రవర్తన వికెట్ టేకింగ్ యంత్రాన్ని దాచగలదని నిరూపించాడు. అతను ప్రస్తుతం ఐపీఎల్ లో టాప్ 5 బౌల‌ర్ల‌లో ఒక‌టిగా ఉన్నాడు. కొత్త బాల్ తో పాటు డెత్ ఓవర్లలో బౌలింగ్ చేయ‌డంలో దిట్ట‌. 

Mukesh Kumar

ముఖేష్ కుమార్

ఈ 25 ఏళ్ల లెఫ్ట్ ఆర్మ్ సీమర్ దేశవాళీ క్రికెట్‌లో నిలకడగా రాణిస్తున్నాడు . అతని స్వింగ్ బౌలింగ్,  కీలక వికెట్లు తీయడంలో నైపుణ్యం అతన్ని అనుభవజ్ఞుడైన స్వింగ్ బౌలర్‌లకు సంభావ్య వారసుడిగా మార్చాయి. 

Jitesh Sharma

జితేష్ శ‌ర్మ‌

ఈ 27 ఏళ్ల వికెట్ కీపర్-బ్యాట్స్‌మన్ తన ఫినిషింగ్ స్కిల్స్, క్లీన్ హిట్టింగ్‌తో ఆకట్టుకున్నాడు. చివరి నాలుగు ఓవర్లలో అతని స్ట్రైక్ రేట్ ఆకట్టుకుంటుంది. ఖచ్చితంగా  ఇత‌న భార‌త్ రైజింగ్ స్టార్స్ లో ఒక‌డిగా ఉంటాడు.

Ruturaj Gaikwad, Image credit: PTI

రుతురాజ్ గైక్వాడ్

రుతురాజ్ గైక్వాడ్ స్థిరమైన ప్రదర్శనకు పెట్టింది పేరు. ఈ 25 ఏండ్ల కుడిచేతి వాటం ఓపెనింగ్ బ్యాట్స్‌మన్, ఐపీఎల్ లో చెన్నై సూపర్ కింగ్స్ తరపున తన స్థిరమైన ప్రదర్శనలతో తన ఉనికిని చాటుకున్నాడు. భవిష్యత్ సూపర్ స్టార్‌గా మారడానికి సిద్ధంగా ఉన్నాడు.

Ishan Kishan

ఇషాన్ కిష‌న్

ధ‌నాధ‌న్ బ్యాట‌ర్. వికెట్ కీపర్-బ్యాట్స్ మాన్ ఇప్ప‌టికే అద్భుతమైన ఇన్నింగ్స్ తో అల‌రించాడు. ఈ ఎడమచేతి వాటం టాప్ ఆర్డర్ బ్యాట్స్ మెన్, వికెట్ కీపర్ అయిన ఇషాన్ కిషన్ తన శక్తివంతమైన స్ట్రోక్ ప్లేతో క్రికెట్ ఔత్సాహికుల దృష్టిని ఆకర్షించాడు. ముంబై ఇండియన్స్‌తో లో అడుతున్న హై-ప్రొఫైల్ ఐపీఎల్ వేలం ప్లేయ‌ర్ గా కొన‌సాగుతున్నాడు.

Arshdeep Singh

అర్ష్‌దీప్ సింగ్

ద‌క్షిణాఫ్రికా టూర్ లో అద‌ర‌గొట్టిన బౌల‌ర్ అర్ష్ దీప్ సింగ్ భార‌త్ భ‌విష్య‌త్ సూప‌ర్ స్టార్ అవుతాడ‌ని చెప్ప‌డంలో సందేహం లేదు. నైపుణ్యం కలిగిన లెఫ్ట్ ఆర్మ్ ఫాస్ట్ బౌలర్.. ఐపీఎల్ లో పంజాబ్ కింగ్స్‌కు ప్రాతినిధ్యం వహిస్తున్నాడు. నిలకడగా వికెట్లు పడగొడుతూ.. భారతదేశంలోని అత్యుత్తమ యువ ఫాస్ట్ బౌలర్లలో ఒకరిగా గుర్తింపు సాధించాడు.