ధోనీకి బర్త్ డే విషెస్ చెప్పని విరాట్ కోహ్లీ, రోహిత్ శర్మ... అసలు కారణం ఇదేనా...

ఎక్కడున్నా సరే మహేంద్ర సింగ్ ధోనీ బర్త్ డేకి అతన్ని వెలిసి కలిసి సెలబ్రేట్ చేయడం రిషబ్ పంత్‌కి అలవాటు. 2021లో దుబాయ్‌కి వెళ్లి, మాహీ బర్త్ డే సెలబ్రేట్ చేశాడు రిషబ్ పంత్...

2022 డిసెంబర్‌లో తీవ్రంగా గాయపడి కోలుకుంటున్న రిషబ్ పంత్, ఈసారి మాహీ బర్త్ డే సెలబ్రేషన్స్‌లో పాలుపంచుకోలేకపోయాడు. అయినా తన ఇంట్లోనే ధోనీ బర్త్ డేని కట్ చేసి సెలబ్రేట్ చేసి, మాహీపై తనకున్న అభిమానాన్ని చాటుకున్నాడు రిషబ్ పంత్..

అయితే భారత మాజీ కెప్టెన్ విరాట్ కోహ్లీ, ప్రస్తుత కెప్టెన్ రోహిత్ శర్మ మాత్రం మహేంద్ర సింగ్ ధోనీకి బర్త్ డే విషెస్ చెప్పలేదు. విరాట్ కోహ్లీ సోషల్ మీడియాలో చాలా యాక్టీవ్‌గా ఉంటాడు..

ప్రతీ క్రికెటర్‌ బర్త్‌ డేకి ఇన్‌స్టాలో స్టేటస్ పెట్టి విష్ చేస్తుంటాడు విరాట్ కోహ్లీ. అలాగే కొందరు సీనియర్లకు ట్విట్టర్‌లో ట్వీట్ చేసి బర్త్ డే విషెస్ చేస్తుంటాడు. అయితే మాహీ బర్త్ డే సమయంలో కోహ్లీ ఇన్‌స్టాలో స్టేటస్ కానీ, ట్విట్టర్‌లో పోస్ట్ కానీ చేయకపోవడం అందరికీ ఆశ్చర్యాన్ని కలిగించింది..

రోహిత్ శర్మ కూడా సోషల్ మీడియాలో బాగానే యాక్టీవ్‌గా ఉంటాడు. నిన్న గాక మొన్న ఓ ప్రమోషనల్ పోస్ట్ కూడా చేశాడు రోహిత్. అయితే ధోనీ బర్త్ డే సందర్భంగా రోహిత్ సోషల్ మీడియా అకౌంట్ల నుంచి విషెస్ చెబుతూ ఒక్క పోస్ట్ కూడా రాలేదు..

విరాట్ కోహ్లీ, రోహిత్ శర్మ ఇద్దరూ ధోనీ కెప్టెన్సీలోనే టీమ్‌లోకి వచ్చారు. మాహీ సారథ్యంలోనే వరుసగా మ్యాచులు ఆడి స్టార్లుగా ఎదిగారు. ఈ ఇద్దరూ మాహీ వల్లే తామీ స్థాయిలో ఉన్నామని చాలాసార్లు ప్రకటించారు కూడా.. 

ప్రస్తుతం ఈ ఇద్దరూ వెస్టిండీస్ పర్యటనలో బిజీగా ఉన్నారు. ప్రాక్టీస్ సెషన్స్‌లో పాల్గొంటూ జూలై 12న ప్రారంభమయ్యే టెస్టు సిరీస్‌పై దృష్టి సారించారు. విరాట్ కోహ్లీ, రోహిత్ శర్మ... మాహీతో నేరుగా మాట్లాడి విషెస్ తెలిపారని సమాచారం..

ఐపీఎల్ 2023 సీజన్‌లో చెన్నై సూపర్ కింగ్స్‌కి టైటిల్ గెలిపించిన ధోనీ, త్వరలో అన్ని ఫార్మాట్ల నుంచి తప్పుకోబోతున్నట్టు ప్రకటించబోతున్నాడని సమాచారం..

అప్పుడు మాహీ గురించి ఎమోషనల్ పోస్టులు చేసేందుకే... ఇప్పుడు బర్త్ డే విషెస్ చెప్పలేదని కూడా వార్తలు వస్తున్నాయి. మరి ఇందులో ఎంత నిజముందో త్వరలోనే తేలిపోనుంది..