Virat Kohli : విరాట్ కోహ్లీ బలహీనత ఏంటో తెలుసా?
Virat Kohli Weakness: పాకిస్తాన్పై ఛాంపియన్స్ ట్రోఫీలో విరాట్ కోహ్లీ సెంచరీ అదరగొట్టాడు. తన సూపర్ ఇన్నింగ్స్ తర్వాత కోహ్లీ తన బలహీనత, బలం ఏంటో చెప్పేశాడు !
Image Credit: Getty Images
Virat Kohli Weakness: పాకిస్తాన్తో జరిగిన ఛాంపియన్స్ ట్రోఫీ మ్యాచ్లో సెంచరీతో మెరిసిన టీమిండియా స్టార్ ఆటగాడు విరాట్ కోహ్లీ, 'కవర్ డ్రైవ్ షాట్ నా బలహీనత. కానీ ఆ షాట్ ఆడటం వల్ల ఇన్నింగ్స్పై కంట్రోల్ వస్తుంది. దానితోనే నేను ఎక్కువ రన్స్ చేస్తున్నా' అని అన్నాడు.
పాకిస్తాన్పై కొట్టిన అజేయ సెంచరీ గురించి కోహ్లీ మాట్లాడుతూ, 'క్యాచ్-22 అంటే కవర్ డ్రైవ్ నా బలహీనత కూడా. కానీ నేను ఈ షాట్లో చాలా రన్స్ చేశాను. నేను కొట్టిన మొదటి రెండు బౌండరీలు కవర్ డ్రైవ్లే. ఇది నాకు వ్యక్తిగతంగా మంచి ఇన్నింగ్స్. ఇది టీమ్ బెస్ట్ పెర్ఫార్మెన్స్కు దక్కిన గెలుపు' అని చెప్పాడు.
బోర్డర్-గవాస్కర్ ట్రోఫీ, ఇంగ్లాండ్తో జరిగిన సిరీస్లో పెద్ద ఇన్నింగ్స్లు ఆడలేకపోయిన విరాట్ కోహ్లీ, ఇప్పుడు ఐసీసీ ఛాంపియన్స్ ట్రోఫీ టోర్నీలో పాకిస్తాన్పై అజేయ సెంచరీతో ఫామ్లోకి వచ్చాడు. ఐసీసీ టోర్నీల్లో, ముఖ్యంగా పాకిస్తాన్పై బాగా ఆడే విరాట్ కోహ్లీ, పాత వైఫల్యాలను మర్చిపోయి బ్యాటింగ్ తో దంచికొట్టాడు. ఇది రోహిత్ శర్మ టీమ్కు నమ్మకాన్ని మరింత పెంచింది.
Image Credit: Getty Images
పాక్ ఓడినా కోహ్లీ సెంచరీకి పాకిస్తాన్లో సంబరాలు!
ఇప్పటికే సెమీఫైనల్ స్థానాన్ని కన్ఫర్మ్ చేసుకున్న టీమిండియా, గ్రూప్ స్టేజ్ చివరి మ్యాచ్లో న్యూజిలాండ్తో తలపడుతుంది. రెండు టీమ్స్ టోర్నీలో రెండేసి మ్యాచ్లు గెలిచి ఓడిపోకుండా ఉన్నాయి. సెమీఫైనల్కు ముందు కోహ్లీ బ్యాటింగ్ ఫామ్లోకి రావడం భారత జట్టుకు మంచి విషయం.
భారత స్టార్ క్రికెటర్ విరాట్ కోహ్లీకి ప్రపంచవ్యాప్తంగా క్రేజ్ పెరుగుతూనే ఉంది. పాకిస్తాన్తో జరిగిన ఛాంపియన్స్ ట్రోఫీ మ్యాచ్లో అది మళ్లీ ప్రూవ్ అయింది. మ్యాచ్లో పాకిస్తాన్ ఓడిపోయినా, కోహ్లీ సెంచరీ పూర్తి చేసినందుకు పాకిస్తాన్లో చాలామంది ఫ్యాన్స్ సంబరాలు చేసుకుంటున్న వీడియోలు సోషల్ మీడియాలో వైరల్ అవుతున్నాయి. దుబాయ్ స్టేడియానికి వస్తున్న పాకిస్తాన్ అభిమాని ఒకరు తన గ్రీన్ కలర్ జెర్సీపై కోహ్లీ పేరు, జెర్సీ నంబర్ 18 వేయించుకున్నాడు. దీని ఫోటో, వీడియో కూడా వైరల్ అవుతోంది.
Image Credit: Getty Images
కోహ్లీ కొత్త రికార్డులు
వన్డే క్రికెట్లో భారత్ తరఫున ఎక్కువ క్యాచ్లు పట్టిన ఆటగాళ్ల లిస్టులో విరాట్ కోహ్లీ ఇప్పుడు నంబర్ 1 స్థానానికి చేరుకున్నాడు. పాకిస్తాన్తో జరిగిన మ్యాచ్లో విరాట్ 2 క్యాచ్లు పట్టాడు. దీంతో వన్డేల్లో క్యాచ్ల సంఖ్యను 158కి పెంచాడు. ఈ లిస్టులో భారత మాజీ క్రికెటర్ మహ్మద్ అజరుద్దీన్ను అధిగమించాడు.
మహ్మద్ అజరుద్దీన్ 332 ఇన్నింగ్స్లలో 156 క్యాచ్లు పట్టాడు. ప్రపంచంలో ఎక్కువ క్యాచ్లు పట్టిన ఆటగాడిగా శ్రీలంకకు చెందిన జయవర్ధనే టాప్ లో ఉన్నాడు. అతను 218 క్యాచ్లు పట్టాడు. ఆస్ట్రేలియాకు చెందిన రికీ పాంటింగ్ (160 క్యాచ్లు) రెండో స్థానంలో ఉన్నాడు. ఈ లిస్టులో కోహ్లీ 3వ స్థానంలో ఉన్నాడు.