ఫిట్‌నెస్ ట్రైయినర్‌ని పెళ్లాడిన క్రికెటర్ ఉన్ముక్త్ చంద్... ఇక్కడ కాకపోయినా అక్కడ సక్సెస్ రావడంతో...

First Published Nov 22, 2021, 4:09 PM IST

2012 అండర్-19 వరల్డ్ కప్ విన్నింగ్ టీమ్ కెప్టెన్, టీమిండియా మాజీ క్రికెటర్ ఉన్ముక్త్ చంద్, పెళ్లి చేసుకున్నాడు. ఫిట్‌నెస్ ట్రైయినర్, న్యూట్రీషియన్ సిమ్రాన్ కోస్లాతో కలిసి ఆత్మీయ అతిథుల మధ్య ఏడుడగులు నడిచారు. ఈ వేడక కోసం మూడేళ్లుగా ఎదురుచూస్తున్నానని సిమ్రాన్ కామెంట్ చేసింది...

అండర్-19 వరల్డ్ కప్ ట్రోఫీ గెలిచిన తర్వాత దేశవ్యాప్తంగా బీభత్సమైన క్రేజ్, ఫాలోయింగ్ తెచ్చుకున్నాడు ఉన్ముక్త్ చంద్. అంతర్జాతీయ ఆరంగ్రేటం కూడా చేయకముందే విరాట్ కోహ్లీ, ఎమ్మెస్ ధోనీ, సురేష్ రైనాలతో కలిసి ఓ కూల్‌డ్రింక్ యాడ్‌లో నటించాడు.

అయితే ఆ భారీ అంచనాలే అతని ఆటతీరును ప్రభావితం చేశాయి. దీనికి తోడు క్రికెట్ రాజకీయాలు కూడా ఉన్ముక్త్ చంద్, క్రికెట్ కెరీర్‌తో ఆటాడుకున్నాయి. ఐపీఎల్‌లో అరకోర అవకాశాలు వచ్చినా, అది కొన్ని మ్యాచులకే పరిమితమైంది...

దాదాపు 9 ఏళ్ల పాటు టీమిండియాలో చోటు కోసం ఆశగా ఎదురుచూసిన ఉన్ముక్త్ చంద్, ఈ ఏడాది ఆగస్టులో భారత జట్టుకి రిటైర్మెంట్ ప్రకటించి... యూఎస్‌కేకి మకాం మార్చాడు. మైనర్ లీగ్ క్రికెట్‌లో అదరగొట్టి, మేజర్ లీగ్ క్రికెట్ టోర్నీ కోసం వెయిట్ చేస్తున్నాడు.

మేజర్ క్రికెట్ లీగ్‌తో పాటు బిగ్‌బాష్ లీగ్‌లో మెల్‌బోర్న్ రెనగేడ్స్ తరుపున ఆడేందుకు ఒప్పందం కుదుర్చుకున్న ఉన్ముక్త్ చంద్, బీబీఎల్‌లో పాల్గొనబోయే తొలి భారత పురుష క్రికెటర్‌గా రికార్డు క్రియేట్ చేయబోతున్నాడు...

మేజర్ లీగ్ క్రికెట్ టోర్నీలో ఆడేందుకు మూడేళ్ల డీల్ కూడా ఫైనల్ చేసుకున్న ఉన్ముక్త్ చంద్, ఎట్టకేలకు మూడేళ్లుగా ఎదురుచూస్తున్న తన ప్రేయసిని వివాహం చేసుకున్నాడు