Travis Head : హెడ్ హిట్టింగ్ షురూ చేసాడో ... మైసమ్మ ముందు పొట్టేలు కట్టేసినట్లే
Travis Head సన్ రైజర్స్ ఓపెనర్ ట్రావిస్ హెడ్ కు బౌలింగ్ చేయడమంటే మైసమ్మ ముందు కట్టేసిన పొట్టేలు పరిస్థితే ప్రత్యర్థి బౌలర్లది. అతడి విధ్వంసాన్ని చూస్తే ఉండటంతప్ప ఏం చేయలేని పరిస్థితి. అతడి హిట్టింగ్ కు తెలుగు ఫ్యాన్స్ అభిమానం కట్టలు తెంచుకుంటుంది.
Travis Head
ట్రావిస్ హెడ్ : ప్రస్తుతం ఐపిఎల్ లో అత్యంత ప్రమాదకరమైన జట్టు ఏదంటే టక్కున సన్ రైజర్స్ హైదరాబాద్ పేరు వినిపిస్తోంది... మరి భయంకరమైన ప్లేయర్ అనగానే ట్రావిస్ హెడ్ పేరు వినిపిస్తుంది. ఈ ఆస్ట్రేలియన్ క్రికెటర్ గత ఐపిఎల్ లో చేసిన విధ్వంసాన్ని చూసాం... అది మామూలు మాస్ ఆట కాదు. కానీ ఈ సీజన్ లో హెడ్ మరింత ఊరమాస్ గా కనిపిస్తున్నాడు. బౌలర్ బంతివేసిందే తడవు అది బౌండరీలైన్ అవతల ఉంచడమే ఇతడికి తెలిసింది. ఈ హెడ్ క్రీజులో ఉన్నంతసేపు ప్రత్యర్ధి టీంకు హెడెక్ తప్పదు.
మీరు చాలామంది విధ్వంసకర ఓపెనర్లను చూసుంటారు.... హెడ్ తీరే వేరు. క్రీజులో అడుగుపెట్టగానే బాదుడు ప్రారంభిస్తాడు... కుదురుకోవడం, ప్రత్యర్థుల బౌలింగ్ ను అర్థం చేసుకోవడం ఇవేం ఉండవు. బంతి వచ్చింది.... దాన్ని బౌండరీకి తరలించామా.. పరుగులు వచ్చాయి ఇదే లెక్క. బంతి వచ్చింది, కొట్టాడు, వెళ్లింది.. మళ్ళీ వచ్చింది, కొట్టాడు, వెళ్ళింది. అతడు ఉన్నంతసేపు ఇదు పరిస్థితి.
హెడ్ హిటింగ్ బౌలర్లను భయపెడితే ఫ్యాన్స్ కు మాత్రం కిక్ ఇస్తుంది. హెడ్ ఆరంభంలోనే పరుగుల సునామీ సృష్టిస్తే మిగతా టీం దాన్ని కొనసాగిస్తుంది. అందువల్లే హైదరాబాద్ టీం ఐపిఎల్ లో హయ్యెస్ట్ రన్స్ రికార్డులు నమోదుచేస్తోంది. వారి రికార్డులు వారే బద్దలుగొట్టుకుంటున్నారు.
Travis Head
హైటెక్ సిటీ హెడ్ కొడితే బాక్సులు బద్దలవ్వాల్సిందే...
అభిషేక్ శర్మతో కలిసి హెడ్ బ్యాంటింగ్ చేస్తుంటే పరుగుల వరద పారుతుంది. వీరిద్దరు సక్సెస్ ఫుల్ ఓపెనింగ్ జోడీగా గుర్తింపుపొందారు... అందువల్లే అభిమానులు 'ట్రావ్ షేక్' గా పిలుచుకుంటారు. వీరిద్దరు బ్యాటింగ్ చేస్తున్నంతసేపు బంతి మైదానంలో కంటే బౌండరీ అవతలే ఎక్కువగా ఉంటుంది. హెడ్ కొడుతుంటే నిస్సహాయస్థితిలో ఉండిపోవడమే తప్పు ప్రత్యర్థి బౌలర్లు ఏం చేయలేదు. సన్ రైజర్స్ బౌలర్లకు ఇలాంటివాడు మన టీంలో ఉన్నాడుకాబట్టి బ్రతికిపోయాం అనే పరిస్థితి ఉటుంది.
హైడ్ క్రీజులో కొద్దిసేపు ఉన్నాడో మాస్ జాతరే. అమ్మవారిముందు బలికోసం పొట్టేలును కట్టేసినట్లే ప్రత్యర్థి బౌలర్ల పరిస్థితి. హెడ్ కొడితే హెడ్ ఎత్తి చూస్తూ ఉండిపోవడం తప్ప ఏం చేయలేం. అంత స్ట్రాంగ్ గా హిట్టింగ్ చేస్తాడు. అతడిని ఫ్యాన్స్ చాలా క్లాస్ గా హైటెక్ సిటి అని ముద్దుగా పిలుచుకుంటారు... కానీ అతడు అంత క్లాస్ కాదు... ఊర మాస్. మాస్ లకే మాస్.
హెడ్ ఐపిఎల్ కెరీర్ :
ట్రావిస్ హెడ్ ఆస్ట్రేలియన్ క్రికెటర్. ఇతడు 2016 లో ఇండియన్ ప్రీమియర్ లీగ్ లోకి ఎంట్రీ ఇచ్చారు. మొదట రాయల్ ఛాలెంజర్స్ బెంగళూరు తరపున ఆడిన ఇతడు ప్రస్తుతం సన్ రైజర్స్ హైదరాబాద్ లో కొనసాగుతున్నాడు. గతేడాది అతడు తన ఐపిఎల్ కెరీర్ లోనే అత్యుత్తమ క్రికెట్ ఆడాడు. గత సీజన్ లో 15 మ్యాచులాడిన హెడ్ 567 పరుగులు చేసి ఐపిఎల్ లో టాప్ స్కోరర్ గా నిలిచాడు. ఇందులో ఓ సెంచరీ (102 పరుగులు), 4 హాఫ్ సెంచరీలు ఉన్నాయి.
మొత్తంగా ఐపిఎల్ కెరీర్ లో ఇప్పటివరకు 25 మ్యాచులాడిన హెడ్ 772 పరుగులు చేసాడు. ఇందులో 567 పరుగులు గత సీజన్ లో చేసినవే. ఇక అతడు ఐపిఎల్ లో 40 ఫోర్లు బాదితే సిక్సర్లు 76 బాదాడు. దీన్నిబట్టే హెడ్ విధ్వంసం ఏ స్థాయిలో సాగుతోందో అర్థం చేసుకోవచ్చు... ప్రతి బంతిని బౌండరీ లైన్ బయటకు బాదేందుకే ప్రయత్నిస్తాడు. తాజాగా ఐపిఎల్ 2025 లో సన్ రైజర్స్ ఆడిన మొదటి మ్యాచ్ లో హాఫ్ సెంచరీతో శుభారంభం చేసాడు హెడ్ భయ్యా.