సిరీస్ గెలిచాం సరే, మరి ఈ లోపాల సంగతేంటి... పూజారా, రహానే, కోహ్లీతో సహా...
మొదటి టెస్టులో ఓటమి తర్వాత ఊహించని రీతిలో కమ్బ్యాక్ ఇచ్చిన టీమిండియా, వరుసగా మూడు టెస్టుల్లో గెలిచి 1-3 తేడాతో సిరీస్ సొంతం చేసుకుంది. స్వదేశంలో వరుసగా 13వ టెస్టు సిరీస్ సొంతం చేసుకున్న టీమిండియా, ఐసీసీ వరల్డ్ టెస్టు ఛాంపియన్షిప్ ఫైనల్కి అర్హత సాధించింది. కానీ... టీమిండియాను స్టార్ ప్లేయర్ల వైఫల్యాలు వెంటాడుతున్నాయి.
విరాట్ కోహ్లీ అట్టర్ ఫ్లాప్: భారత సారథి విరాట్ కోహ్లీ ఈ సిరీస్లో అట్టర్ ఫ్లాప్ పర్ఫామెన్స్ ఇచ్చాడు. సిరీస్లో ఆరు ఇన్నింగ్స్ల్లో కలిపి కేవలం 172 పరుగులు మాత్రమే చేశాడు విరాట్ కోహ్లీ. ఇందులో రెండు హాఫ్ సెంచరీలు ఉన్నా, రెండుసార్లు డకౌట్ అయ్యాడు కోహ్లీ...
గత ఏడాదిన్నరగా సెంచరీ మార్కు అందుకోలేకపోయిన విరాట్ కోహ్లీ, ఇంగ్లాండ్ పిచ్లపై పెద్దగా మెరుగైన రికార్డు కూడా లేదు. విరాట్ కోహ్లీ ఫామ్లోకి రాకపోతే, ఫైనల్ మ్యాచ్లో టీమిండియాకు చుక్కెదురయ్యే ప్రమాదం లేకపోలేదు...
ఛతేశ్వర్ పూజారా పూర్ ఫామ్: ఆస్ట్రేలియా టూర్లో సెంచరీ మార్కు అందుకోలేకపోయినా మంచి ఇన్నింగ్స్లతో టీమిండియా బ్యాటింగ్ ఆర్డర్కి ‘వెన్నముక’గా నిరూపించుకున్నాడు టెస్టు స్పెషలిస్టు ప్లేయర్ పూజారా...
అయితే స్వదేశంలో ఇంగ్లాండ్తో జరిగిన నాలుగు టెస్టుల సిరీస్లో పూజారా పర్ఫామెన్స్ ఏ మాత్రం ఆశాజనకంగా లేదు... తొలి టెస్టు తొలి ఇన్నింగ్స్లో 73 పరుగులు చేసిన పూజారా, రెండో ఇన్నింగ్స్లో 15 పరుగులు చేసి పెవిలియన్ చేరాడు...
రెండో టెస్టు తొలి ఇన్నింగ్స్లో 21 పరుగులు చేసిన పూజారా, రెండో ఇన్నింగ్స్లో 7 పరుగులకు రనౌట్ అయ్యాడు. మూడో టెస్టు తొలి ఇన్నింగ్స్లో డకౌట్ అయిన పూజారా, నాలుగో టెస్టులో కేవలం 17 పరుగులు మాత్రమే చేయగలిగాడు...
ఓవరాల్గా ఆరు ఇన్నింగ్స్ల్లో పూజారా చేసిన మొత్తం పరుగులు 133 పరుగులే. ఆస్ట్రేలియా టెస్టు సిరీస్ తర్వాత జరిగిన సిరీస్లో పూజారా ఫెయిల్ అవ్వడం టీమిండియా అభిమానులను కలవరబెడుతున్న విషయం... అదీకాక ఈసారి ఐపీఎల్ ఆడబోతున్నాడు పూజారా...
అజింకా రహానే ఫామ్ కంటిన్యూస్: ఆస్ట్రేలియా పర్యటనలో యువజట్టును నడిపించిన రహానే, మెల్బోర్న్ టెస్టులో సెంచరీ చేసి అదరగొట్టాడు. అయితే ఆ తర్వాత ఆ ఫామ్ కంటిన్యూ చేయలేకపోయాడు. తాజాగా ఇంగ్లాండ్ సిరీస్లోనూ రహానే పర్ఫామెన్స్ ఆశించనంతగా లేదు...
తొలి టెస్టు తొలి ఇన్నింగ్స్లో 1 పరుగుకే అవుటైన రహానే, రెండో ఇన్నింగ్స్లో డకౌట్ అయ్యాడు. రెండో టెస్టు తొలి ఇన్నింగ్స్లో 67 పరుగులతో పర్వాలేదనిపించినా... ఆ తర్వాత రెండో ఇన్నింగ్స్లో 10 పరుగులకే అవుట్ అయ్యాడు.
మూడో టెస్టు తొలి ఇన్నింగ్స్లో 7 పరుగులకే అవుటైన రహానే, నాలుగో టెస్టు తొలి ఇన్నింగ్స్లో 27 పరుగులు చేశాడు. మొత్తంగా ఆరు ఇన్నింగ్స్ల్లో రహానే చేసింది 112 పరుగులు మాత్రమే...
విరాట్ కోహ్లీ, ఛతేశ్వర్ పూజారా, అజింకా రహానేలతో పాటు టాప్ ఆర్డర్లో కీలకంగా మారతాడని ఆశించిన యంగ్ ఓపెనర్ శుబ్మన్ గిల్ కూడా ఇంగ్లాండ్ సిరీస్లో తీవ్రంగా నిరాశపరిచాడు...
తొలి టెస్టు తొలి ఇన్నింగ్స్లో 29 పరుగులు చేసిన శుబ్మన్ గిల్, రెండో ఇన్నింగ్స్లో 50 పరుగులు చేసి పర్వాలేదనిపించాడు. అయితే రెండో టెస్టు తొలి ఇన్నింగ్స్లో డకౌట్ అయిన శుబ్మన్ గిల్, రెండో ఇన్నింగ్స్లో 14 పరుగులకే పెవిలియన్ చేరాడు...
మూడో టెస్టు తొలి ఇన్నింగ్స్లో 11 పరుగులు చేసిన గిల్, రెండో ఇన్నింగ్స్లో 15 పరుగులు చేసి నాటౌట్గా నిలిచాడు. నాలుగో టెస్టు తొలి ఇన్నింగ్స్లోనూ డకౌట్ అయిన గిల్... మొత్తంగా ఏడు ఇన్నింగ్స్ల్లో 119 పరుగులే చేశాడు...
భారత ఓపెనర్ రోహిత్ శర్మ ఈ సిరీస్లో అద్భుతంగా రాణించి, అత్యధిక పరుగులు చేసిన బ్యాట్స్మెన్గా జో రూట్ తర్వాతి స్థానంలో నిలిచాడు. అయితే రోహిత్ శర్మకు స్వదేశీ పిచ్లపై 80+ యావరేజ్ ఉంటే, విదేశాల్లో అది 27 మాత్రమే. కాబట్టి ఇంగ్లాండ్తో జరిగే ఫైనల్లో రోహిత్ ఎలా ఆడతాడో చెప్పడం కష్టమే అవుతుంది...
ఇంగ్లాండ్ పిచ్పై న్యూజిలాండ్ పేస్ బౌలింగ్ను ఎదుర్కొవాలంటే ఈ నలుగురు ఫామ్లోకి రావాల్సిందే. లేదంటే బౌలర్లు ఎంత మెరుగ్గా రాణించినా, స్టార్ బ్యాట్స్మెన్ ఫెయిల్ అయితే ఐసీసీ టైటిల్ గెలవాలనే విరాట్ కల నెరవేరడం చాలా కష్టమవుతుంది...