Team India: సెనా దేశాల్లో అత్యధికంగా 5 వికెట్లు సాధించిన భారత బౌలర్లు

5. భగవత్ చంద్రశేఖర్

సెన దేశాల్లో అత్య‌ధిక సార్లు 5 వికెట్లు సాధించిన భార‌త బౌల‌ర్ల జాబితాలో భారత మాజీ లెగ్ స్పిన్నర్ భగవత్ చంద్రశేఖర్ 5వ స్థానంలో ఉన్నారు. ఈ రైట్ ఆర్మ్ స్పిన్నర్ సేనా దేశాల్లో 6 సార్లు 5 వికెట్లు సాధించాడు. 1964 నుండి 1979 వరకు భారతదేశానికి ప్రాతినిధ్యం వహించిన చంద్రశేఖర్ సెనా దేశాలలో 20 టెస్టులు ఆడాడు.

4. జహీర్ ఖాన్

ఈ జాబితాలో భారత మాజీ పేసర్ జహీర్ ఖాన్ 4వ స్థానంలో ఉన్నారు. లెఫ్టార్మ్ పేసర్ సెనా దేశాల్లో 6 సార్లు 5 వికెట్లు తీశాడు. ఈ నాలుగు దేశాలలో 86 గేమ్‌లు ఆడాడు. న్యూజిలాండ్‌లో 4, ఆస్ట్రేలియా, ఇంగ్లాండ్ లో ఒక్కొక్కటి చొప్పున 5 వికెట్లు సాధించాడు. జ‌హీర్ ఖాన్ తన కెరీర్‌లో ఈ దేశాల్లో 86 మ్యాచ్‌లు ఆడి మొత్తంగా 198 వికెట్లు తీసుకున్నాడు.

3. అనిల్ కుంబ్లే

టీమిండియా దిగ్గ‌జ బౌల‌ర్ అనిల్ కుంబ్లే సెనా దేశాల్లో అత్యధికంగా ఐదు వికెట్లు తీసిన ఆటగాళ్ల జాబితాలో 3వ స్థానంలో ఉన్నాడు. లెగ్ స్పిన్నర్ 6 సార్లు 5 వికెట్లు సాధించాడు. ఆస్ట్రేలియాలో కుంబ్లే 4 ఐదు వికెట్లు తీశాడు.న్యూజిలాండ్, దక్షిణాఫ్రికాలో ఒక సారి  ఐదు వికెట్లు సాధించాడు. ఈ దేశాల్లో వన్డేలు, టెస్టులు క‌లిపి 109 మ్యాచ్‌లు ఆడి. 219 వికెట్లు పడగొట్టాడు.

2. జస్ప్రీత్ బుమ్రా

భారత పేసర్ జస్ప్రీత్ బుమ్రా 7 సార్లు 5 వికెట్లతో ఈ జాబితాలో 2వ స్థానంలో నిలిచాడు. దక్షిణాఫ్రికా, ఇంగ్లాండ్ లో బుమ్రా 3 మ్యాచ్‌ల్లో ఐదు వికెట్లు పడగొట్టాడు. ఆస్ట్రేలియాలో ఒక సారి 5 వికెట్లు సాధించాడు. బుమ్రా ఈ దేశాల్లో 96 గేమ్‌ల్లో 179 వికెట్లు తీసుకున్నాడు. 

1. కపిల్ దేవ్

భారత పేసర్ కపిల్ దేవ్ సేనా దేశాల్లో అత్యధిక సార్లు 5 వికెట్లు పడగొట్టాడు. 8 సార్లు 5 వికెట్లతో ఈ జాబితాలో అగ్రస్థానంలో ఉన్నాడు. కపిల్ దేవ్ భారతదేశం కోసం సేనా దేశాలలో అత్యుత్తమ ప్రదర్శన కనబరిచాడు. క‌పిల్ దేవ్ ఆస్ట్రేలియాలో 5, ఇంగ్లాండ్ తో 3 సార్లు 5 వికెట్లు సాధించాడు. అయితే,  న్యూజిలాండ్ లేదా దక్షిణాఫ్రికాలో ఈ ఆల్ రౌండర్ ఎప్పుడూ ఐదు వికెట్లు పడగొట్టలేదు. సెనా దేశాల్లో మొత్తంగా 114 మ్యాచ్‌లు ఆడి మొత్తం 211 వికెట్లు తీశాడు.