ఐర్లాండ్‌ గెలుపుని సెలబ్రేట్ చేసుకుంటున్న టీమిండియా ఫ్యాన్స్... అదే జరిగితే వరల్డ్ కప్ మనదే...

ఇంగ్లాండ్‌పై 5 పరుగుల తేడాతో (డక్ వర్త్ లూయిస్ పద్ధతి ప్రకారం) విజయాన్ని అందుకున్న ఐర్లాండ్, సెమీ ఫైనల్ రేసులో విలువైన పాయింట్‌ని సంపాదించింది. వర్షం కారణంగా ఫలితం తేల్చేందుకు డీఎల్‌ఎస్ పద్ధతి ఎంచుకున్నా... మ్యాచ్‌లో ఐర్లాండ్, ఇంగ్లాండ్ జట్టును పూర్తిగా డామినేట్ చేసింది...

తొలి 12 ఓవర్లు బ్యాటింగ్‌లో మెరుపులు మెరిపించిన ఐర్లాండ్,103/1 పరుగుల స్కోరు చేసింది. ఆ తర్వాత వరుస వికెట్లు కోల్పోయి 157 పరుగులకి పరిమితమైనా ఇంగ్లాండ్ స్టార్ బ్యాటర్లకు చుక్కలు చూపించారు ఐర్లాండ్ బౌలర్లు. జోస్ బట్లర్ డకౌట్ కాగా అలెక్స్ హేల్స్, బెన్ స్టోక్స్ సింగిల్ డిజిట్ స్కోరుకే పెవిలియన్ చేరారు.

15 ఓవర్లు ముగిసే సమయానికి 5 వికెట్లు కోల్పోయి 93 పరుగులే చేసింది ఇంగ్లాండ్. ఇంగ్లీష్ బ్యాటర్లు ఇచ్చిన మూడు క్యాచులను ఐర్లాండ్ ఫీల్డర్లు జారవిడిచారు. లేకపోతే ఇంగ్లాండ్ మరిన్ని కష్టాల్లో పడి ఉండేది. ఐర్లాండ్ విజయంతో టీమిండియా ఫ్యాన్స్ సంబరాలు చేసుకుంటున్నారు...

2011 వన్డే వరల్డ్ కప్‌లో టైటిల్ ఫెవరెట్‌గా బరిలో దిగిన ఇంగ్లాండ్ జట్టు, ఐర్లాండ్ చేతుల్లో చిత్తుగా ఓడింది. 328 పరుగుల భారీ టార్గెట్‌ని పసికూన ఐర్లాండ్ 49.1 ఓవర్లలో ఛేదించి... టాప్ టీమ్‌కి ఊహించని షాక్ ఇచ్చింది. ఇది జరిగిన 11 ఏళ్లకు మళ్లీ ఐర్లాండ్ చేతుల్లో పరాజయాన్ని ఎదుర్కొంది ఇంగ్లాండ్...

2011 వన్డే వరల్డ్ కప్‌లో భారత జట్టు, వన్డే వరల్డ్ కప్ గెలిచింది.అలా చూసుకుంటే మళ్లీ 11 ఏళ్లకు ఇంగ్లాండ్‌ని ఓడించిన ఐర్లాండ్, ఈసారి భారత జట్టు ఐసీసీ టైటిల్ గెలవబోతుందనే సంకేతాలు ఇచ్చిందని అంటున్నారు టీమిండియా అభిమానులు..

2011 వన్డే వరల్డ్ కప్‌లో భారత జట్టు, వన్డే వరల్డ్ కప్ గెలిచింది.అలా చూసుకుంటే మళ్లీ 11 ఏళ్లకు ఇంగ్లాండ్‌ని ఓడించిన ఐర్లాండ్, ఈసారి భారత జట్టు ఐసీసీ టైటిల్ గెలవబోతుందనే సంకేతాలు ఇచ్చిందని అంటున్నారు టీమిండియా అభిమానులు..

2011లో ఇండియాలో ఓరియో లాంఛ్ అయ్యిందని, అప్పుడు టీమిండియా వరల్డ్ కప్ గెలిచిందని మహేంద్ర సింగ్ ధోనీ చెప్పిన ‘బిస్కెట్’ లాజిక్ కంటే... ఇంగ్లాండ్, ఐర్లాండ్ సెంటిమెంట్ చాలా బెటరేనంటూ కామెంట్లు పెడుతున్నారు మరికొందరు..