ఆల్టైం బెస్ట్ ఐపీఎల్ టీమ్‌ను ప్రకటించిన సూర్యకుమార్ యాదవ్... ఎమ్మెస్ ధోనీకి దక్కని చోటు...
భారత జట్టులో చోటు కోసం ఎన్నో ఏళ్లు ఎదురుచూసిన సూర్యకుమార్ యాదవ్, అతి తక్కువ కాలంలోనే జట్టులో స్థిరమైన చోటు సంపాదించుకున్నాడు. శ్రీలంకతో సిరీస్ కోసం ఎదురుచూస్తున్న సూర్యకుమార్ యాదవ్, తన ఆల్టైం బెస్ట్ ఐపీఎల్ టీమ్‌ను ప్రకటించాడు...
ముంబై ఇండియన్స్ నుంచి నలుగురు ప్లేయర్లకు తన జట్టులో చోటు కల్పించిన సూర్యకుమార్ యాదవ్, భారత మాజీ సారథి, చెన్నై సూపర్ కింగ్స్ కెప్టెన్ మహేంద్ర సింగ్ ధోనీకి తన జట్టులో చోటు ఇవ్వకపోవడం విశేషం...
రాజస్థాన్ రాయల్స్ ప్లేయర్ జోస్ బట్లర్‌ను తన టీమ్‌కి వికెట్ కీపర్‌గా ఎంచుకున్న సూర్యకుమార్ యాదవ్, అతనితో పాటు రోహిత్ శర్మ ఓపెనింగ్ చేస్తాడని తెలిపాడు...
ఐదు ఐపీఎల్ టైటిల్స్ గెలిచిన ముంబై ఇండియన్స్ కెప్టెన్ రోహిత్ శర్మను ఓపెనర్‌గానే కాకుండా తన జట్టుకి కెప్టెన్‌గా కూడా ఎంచుకున్నాడు సూర్యకుమార్ యాదవ్...
వన్‌డౌన్‌లో భారత సారథి, రాయల్ ఛాలెంజర్స్ బెంగళూరు ప్లేయర్ విరాట్ కోహ్లీకి చోటు కల్పించాడు సూర్యకుమార్ యాదవ్...
టూ డౌన్‌లో తనకి చోటు కల్పించుకున్నాడు సూర్యకుమార్ యాదవ్. యాదవ్‌ని ఇంటర్వ్యూ చేసిన వ్యక్తి, మీరు ప్రకటించే జట్టులో మీ పేరు ఉండాలనే నిబంధన పెట్టడంతో ఆల్టైం బెస్ట్ ఎలెవన్‌లో తన పేరును కూడా చేర్చుకున్నాడు...
రాయల్ ఛాలెంజర్స్ బెంగళూరు ప్లేయర్, ‘మిస్టర్ 360’ ఏబీ డివిల్లియర్స్‌ను ఐదో నెంబర్ బ్యాట్స్‌మెన్‌గా ఎంచుకున్నాడు సూర్యకుమార్ యాదవ్...
ముంబై ఇండియన్స్ ఆల్‌రౌండర్ హార్ధిక్ పాండ్యాను ఆరో నెంబర్ బ్యాట్స్‌మెన్‌గా ఎంచుకున్నాడు యాదవ్...
పాండ్యా తర్వాత విధ్వంసకర ఆల్‌రౌండర్, కేకేఆర్ ప్లేయర్ ఆండ్రే రస్సెల్‌కి సూర్యకుమార్ యాదవ్ ఆల్టైం బెస్ట్ ఐపీఎల్ టీమ్‌లో చోటు దక్కింది...
చెన్నై సూపర్ కింగ్స్ స్టార్ ఆల్‌రౌండర్ రవీంద్ర జడేజాని స్పిన్ ఆల్‌రౌండర్‌గా తన జట్టులో చోటు కల్పించాడు ఇండియన్ 360 బ్యాట్స్‌మెన్...
బౌలర్లుగా ఆఫ్ఘాన్ ఆల్‌రౌండర్, సన్‌రైజర్స్ హైదరాబాద్ ప్లేయర్ రషీద్ ఖాన్‌... ముంబై ఇండియన్స్ స్టార్ పేసర్ జస్ప్రిత్ బుమ్రా, పంజాబ్ కింగ్స్ బౌలర్ మహ్మద్ షమీలకు చోటు దక్కింది...
అయితే సన్‌రైజర్స్ మాజీ కెప్టెన్ డేవిడ్ వార్నర్‌తో పాటు పంజాబ్ కింగ్స్ భారీ హిట్టర్ క్రిస్ గేల్, ముంబై ఇండియన్స్ విజయాల్లో కీలక పాత్ర పోషించే కిరన్ పోలార్డ్‌లకు సూర్యకుమార్ యాదవ్ ప్రకటించిన జట్టులో చోటు దక్కలేదు...
అయితే ఐపీఎల్ ఆల్టైం బెస్ట్ ఎలెవన్ టీమ్‌లో సూర్యకుమార్ యాదవ్ తన పేరు చెప్పకపోవడంపై డేవిడ్ వార్నర్ స్పందించాడు. ‘అతను నా పేరు చెప్పలేదంటే నమ్మలేకపోతున్నా’ అంటూ కామెంట్ చేశాడు డేవిడ్ వార్నర్...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
