స్మిత్‌కి ఇంకా బుద్ధి రాలేదుగా... మరోసారి ఛీటింగ్ చేస్తూ అడ్డంగా దొరికిపోయిన స్టీవ్ స్మిత్...

First Published Jan 11, 2021, 10:43 AM IST

టెస్టుల్లో టాప్ ప్లేయర్‌గా గుర్తింపు తెచ్చుకున్న ఆసీస్ మాజీ కెప్టెన్ స్టీవ్ స్మిత్, మరోసారి ఛీటింగ్‌ చేస్తూ కెమెరాలకు అడ్డంగా దొరికిపోయాడు. సిడ్నీలో జరుగుతున్న మూడో టెస్టులో భారత యంగ్ వికెట్ కీపర్ 97 పరుగులతో అదరగొట్టాడు. పంత్‌ దూకుడుగా పరుగులు రాబడుతుండడంతో ఆస్ట్రేలియా జట్టులో వణుకు మొదలైంది. ఎక్కడ మ్యాచ్ ఓడిపోతామోననే భయంతో ఛీటింగ్ చేయడానికి కూడా వెనకాడలేదు.

‘సాండ్ పేపర్’ వివాదం కారణంగా ఏడాది సస్పెన్షన్‌కు గురైన స్టీవ్ స్మిత్... డ్రింక్ బ్రేక్ సమయంలో క్రీజులోకి వెళ్లి రిషబ్ పంత్ గార్డ్‌ను తుడిచేయడానికి ప్రయత్నించాడు. పంత్ గీసుకున్న లైన్‌కి ఆవల మరో లైన్ గీశాడు.