SRHvsKXIP: గేల్ దిగుతున్నాడు... నేటి మ్యాచ్లో కీ ప్లేయర్లు వీరే...
IPL 2020 సీజన్ 13లో భాగంగా నేడు సన్రైజర్స్ హైదరాబాద్, కింగ్స్ ఎలెవన్ పంజాబ్ జట్ల మధ్య మ్యాచ్ జరగనుంది. కింగ్స్ ఎలెవన్ పంజాబ్ 5 మ్యాచుల్లో ఒకే ఒక్క విజయంతో పాయింట్ల పట్టికలో ఆఖరి స్థానంలో ఉంది. సన్రైజర్స్ హైదరాబాద్ ఆరో స్థానంలో కొనసాగుతోంది. ఇరుజట్లకీ కీలకమైన నేటి మ్యాచ్లో కీ ప్లేయర్లు వీరే...
ఇప్పటిదాకా సన్రైజర్స్, కింగ్స్ ఎలెవన్ పంజాబ్ మధ్య 14 మ్యాచులు జరిగాయి.
హైదరాబాద్ 10 మ్యాచుల్లో విజయం సాధించగా, కింగ్స్ ఎలెవన్ పంజాబ్ 4 మ్యాచుల్లో గెలుపొందింది.
ఐదింట్లో నాలుగు మ్యాచులు ఓడిన కింగ్స్ ఎలెవన్ పంజాబ్ జట్టుకి ఇకపై ప్రతీ మ్యాచ్ విలువైనదే. దాంతో నేటి మ్యాచ్లో అన్ని అస్త్రాలతో బరిలో దిగుతోంది కింగ్స్ ఎలెవన్ పంజాబ్.
క్రిస్గేల్: మొదటి 5 మ్యాచుల్లో క్రిస్గేల్ను పక్కనబెట్టి భారీ మూల్యం చెల్లించుకున్న కింగ్స్ ఎలెవన్ పంజాబ్, నేటి మ్యాచ్లో యూనివర్సల్ బాస్ను బరిలో దించుతోంది. గేల్ క్రీజులో ఉంటే, ఎలాంటి బౌలర్ అయినా భయపడాల్సిందే.
డేవిడ్ వార్నర్: సన్రైజర్స్ హైదరాబాద్ కెప్టెన్ డేవిడ్ వార్నర్ ఈ సీజన్లో 170 పరుగులు చేశాడు. అయితే ఐపీఎల్లో చెలరేగే వార్నర్ ఆటను ఇంకా చూడలేదు ఎస్ఆర్హెచ్ ఫ్యాన్స్...
బెయిర్స్టో: గత సీజన్లో అద్భుతంగా రాణించిన బెయిర్ స్టో, ఈ సీజన్లో సరైన ఇన్నింగ్స్ ఆడలేకపోయాడు. వార్నర్ తోడుగా బెయిర్ స్టో ఓ భారీ ఇన్నింగ్స్ ఆడితే సన్రైజర్స్ కష్టాలు తీరినట్టే.
కేఎల్ రాహుల్: సీజన్లో బ్యాట్స్మెన్గా అదరగొడుతున్నాడు కెఎల్ రాహుల్. ఓ సెంచరీతో పాటు 2 హాఫ్ సెంచరీలతో 302 పరుగులు చేశాడు. అయితే జట్టును గెలిపించడంలో మాత్రం ఫెయిల్ అవుతున్న రాహుల్, నేటి మ్యాచ్లో ఎలా ఆడతాడో చూడాలి.
మయాంక్ అగర్వాల్: ఈ సీజన్లో ఓ సెంచరీతో 272 పరుగులు చేశాడు మయాంక్. ఆరెంజ్ క్యాప్ రేసులో రాహుల్తో పోటీపడుతున్న మయాంక్ అగర్వాల్, నేటి మ్యాచ్లో కీలకం కానున్నాడు.
కేన్ విలియంసన్ బ్యాటు నుంచి ఓ మెరుపు ఇన్నింగ్స్ ఆశిస్తున్నారు ఆరెంజ్ ఆర్మీ ఫ్యాన్స్. గత మ్యాచ్లో బ్యాట్స్మెన్గా ఫెయిల్ అయ్యాడు కేన్ విలియంసన్. సన్రైజర్స్ ఓటమికి విలియంసన్ త్వరగా అవుట్ అవ్వడం కూడా ఓ కారణం.
ముజీబ్ వుర్ రెహ్మన్: ఆఫ్ఘాన్ పేసర్ ముజీబ్ రెహ్మాన్, ఈ సీజన్లో ఇప్పటిదాకా ఒక్క మ్యాచ్ కూడా ఆడలేదు. నేటి మ్యాచ్లో రెహ్మాన్ బరిలో దిగే అవకాశం ఉంది.
రవి బిష్ణోయ్: ఈ అండర్ 19 సెన్సేషన్పై భారీ అంచనాలే పెట్టుకుంది కింగ్స్ ఎలెవన్ పంజాబ్. మొదటి మూడు మ్యాచుల్లో మ్యాజిక్ చేసిన బిష్ణోయ్, సన్రైజర్స్పై ఎలా ఆడతాడో చూడాలి.
రషీద్ ఖాన్: సన్రైజర్స్ హైదరాబాద్లో ఉన్న గేమ్ ఛేంజర్ రషీద్ ఖాన్. బంతితో రషీద్ మ్యాజిక్ చేస్తే సన్రైజర్స్ గెలవడం పెద్ద కష్టమేమీ కాదు.
మహ్మద్ షమీ: షమీ మొదటి మూడు మ్యాచుల్లో అద్భుతమైన స్పెల్తో ఆకట్టుకున్నాడు. సన్రైజర్స్పై షమీ విజృంభిస్తే... హైదరాబాద్కి కష్టాలు తప్పకపోవచ్చు.
నటరాజన్: భువనేశ్వర్ కుమార్ గాయపడడంతో యంగ్ బౌలర్ టి. నటరాజన్పై భారీ అంచనాలున్నాయి. సిద్ధార్థ్ కౌల్ మొదటి మ్యాచ్లో భారీగా పరుగులు ఇవ్వడంతో నటరాజన్పైనే ఆశలు పెట్టుకుంది ఎస్ఆర్హెచ్.