సురేశ్ రైనా జెర్సీతో బ్యాటింగ్‌కి వచ్చిన సౌరవ్ గంగూలీ... కారణం ఏంటంటే...
కెప్టెన్‌గా భారత జట్టుపై తనదైన ముద్ర వేశాడు సౌరవ్ గంగూలీ. 2003 వన్డే వరల్డ్‌కప్‌లో భారత జట్టును ఫైనల్ చేర్చిన గంగూలీ, టీమిండియాకి గెలుపు కసిని పరిచయం చేశాడు. కెప్టెన్‌గా ఎన్నో అద్భుత విజయాలు అందుకున్న గంగూలీ, ఓ మ్యాచ్‌లో సురేశ్ రైనా జెర్సీ ధరించి బ్యాటింగ్ చేశాడని తెలుసా...
సౌరవ్ గంగూలీ ఫిజిక్, సురేశ్ రైనా ఫిజిక్ దాదాపు ఒకేలా ఉంటాయి. 2007లో విండీస్‌తో జరిగిన మ్యాచ్‌లో ఆటగాళ్ల కోసం సిద్ధం చేసిన జెర్సీ, సౌరవ్ గంగూలీకి సరిపోలేదు. సైజు మరి టైట్‌గా మారడంతో వేసుకోవడానికి రాలేదు.
దాంతో సురేశ్ రైనా జెర్సీ ధరించి బ్యాటింగ్ చేశాడు సౌరవ్ గంగూలీ. ఇక్కడ మరో విచిత్రం ఏంటంటే అప్పటిదాకా సరిగ్గా ఫామ్‌లో లేక ఇబ్బందులు పడుతున్న గంగూలీ, రైనా జెర్సీతో ఆడిన మ్యాచ్‌లో 98 పరుగులు చేశాడు.
ఆ తర్వాతి మ్యాచ్‌కి కూడా జెర్సీ సిద్ధం కాకపోవడం, రైనా జెర్సీ కలిసి రావడంతో అదే జెర్సీ కంటిన్యూ చేశాడు దాదా. అయితే రైనా జెర్సీతో ఆడిన రెండో మ్యాచ్‌లో కేవలం 13 పరుగులే చేసి అవుట్ అయ్యాడు.
ఈ రెండు మ్యాచుల్లోనూ భారత జట్టు భారీ పరుగుల తేడాతో వెస్టిండీస్‌పై విజయం సాధించడం విశేషం.
అలాగే భారత హిట్ మ్యాన్ రోహిత్ శర్మ, న్యూజిలాండ్‌తో జరిగిన రెండో టీ20 మ్యాచ్‌లో విజయ్ శంకర్ జెర్సీ ధరించి బ్యాటింగ్‌కి వచ్చాడు.
అలాగే మూడో టీ20 మ్యాచ్‌లో హార్ధిక్ పాండ్యా జెర్సీ వేసుకుని బ్యాటింగ్‌కి వచ్చాడు.
ఈ రెండూ సందర్భాల్లోనూ క్రికెటర్ పేరు కనిపించకుండా స్టిక్కర్ పెట్టుకుని క్రీజులోకి వచ్చాడు రోహిత్ శర్మ.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
