ఐపీఎల్ వేలానికి ముందు సచిన్ టెండూల్కర్ కుమారుని విధ్వంసం

Tendulkar : ఐపీఎల్ లో ముంబై జ‌ట్టు త‌ర‌ఫున ఆడుత‌న్న స‌చిన్ టెండూల్క‌ర్ కుమారుడు అర్జున్ టెండూల్క‌ర్ ను ఆ ఫ్రాంఛైజీ రిటైన్ చేసుకోకుండా వ‌దులుకుంది. అయితే, ఐపీఎల్ 2025 వేలానికి ముందు అర్జున్ అద్భుత‌మైన బౌలింగ్ తో విధ్వంసం సృష్టించాడు.  

Sachin Tendulkar, Arjun Tendulkar

Tendulkar : సచిన్ టెండూల్కర్.. భార‌త క్రికెట్ లోనే కాదు ప్ర‌పంచ క్రికెట్ లో లెజెండ్ ప్లేయ‌ర్. అద్భుత‌మైన బ్యాటింగ్ తో అనేక రికార్డులు బ‌ద్ద‌లు కొట్టాడు. కొత్త రికార్డులు సాధించాడు. ప్ర‌పంచ క్రికెట్ లో క్రికెట్ గాడ్ గా గుర్తింపు పొందాడు స‌చిన్ టెండూల్క‌ర్. 

దీంతో అత‌ని వార‌సునిగా త‌న తనయుడు అర్జున్ టెండూల్కర్ కు చూడాల‌ని క్రికెట్ ల‌వ‌ర్స్ ఆశించారు. అయితే, త‌న తండ్రికి త‌గ్గ స్థాయిలో క్రికెట్ ను కొన‌సాగించ‌డానికి ప్ర‌య‌త్నాలు చేస్తూనే ఉన్నాడు. అయితే, అర్జున్ టెండూల్క‌ర్ బ్యాటింగ్ పై కాకుండా ఎక్కువ‌గా బౌలింగ్ పై దృష్టిపెట్టాడు. ఆల్ రౌండ‌ర్ గా ముందుకు సాగుతున్నాడు. కానీ, అత‌ని నుంచి ఇప్ప‌టివ‌ర‌కు అద్భుత‌మైన ఇన్నింగ్స్ లు రాలేదు.

సచిన్ టెండూల్కర్ కుమారుడైన అర్జున్ టెండూల్క‌ర్ ఇండియ‌న్ ప్రీమియ‌ర్ లీగ్ లో ముంబై ఇండియ‌న్స్ త‌ర‌ఫున ఆడాడు. అయితే, రాబోయే ఐపీఎల్ 2025 సీజ‌న్ కు ముందు ముంబై ఫ్రాంఛైజీ అత‌న్ని రిటైన్ చేసుకోలేదు. అర్జున్ టెండూల్కర్ ఐపీఎల్ వేలానికి ముందు అద్భుత ప్రదర్శన చేశాడు. 

రంజీ ట్రోఫీ ప్లేట్ డివిజన్ మ్యాచ్‌లో గోవా తరఫున ఆడుతూ అరుణాచల్ ప్ర‌దేశ్ ను బెబ్బ‌కొట్టాడు. 5 వికెట్ల అద్భుత‌మైన బౌలింగ్ తో విధ్వంసం సృష్టించాడు.  పోర్వోరిమ్‌లోని గోవా క్రికెట్ అసోసియేషన్ అకాడమీ గ్రౌండ్‌లో అర్జున్ తన ఫస్ట్ క్లాస్ కెరీర్‌లో మొదటిసారి 5 వికెట్ల తీసుకున్నాడు. అతని సూప‌ర్ బౌలింగ్ ముందు అరుణాచల్ జట్టు పూర్తిగా లొంగిపోయింది.

Arjun Tendulkar

17 ఫస్ట్ క్లాస్ మ్యాచ్‌ల్లో ఇదే తొలిసారి..

గతేడాది ఐపీఎల్‌లో అర్జున్ ముంబై ఇండియన్స్ సభ్యుడిగా ఉన్నాడు. ఇప్పటి వరకు ఐపీఎల్‌లో  రెండుసార్లు ముంబై కొనుగోలు చేసింది. మరి ఈసారి ఏ జట్టులో చేరతాడో చూడాలి.  అరుణాచ‌ల్ ప్ర‌దేశ్ పై 25 ఏళ్ల అర్జున్ 9 ఓవర్లలో 25 పరుగులిచ్చి 5 వికెట్లు పడగొట్టాడు. ఈ సమయంలో అతను 3 ఓవర్లు మాత్ర‌మే వేయ‌డం గ‌మ‌నార్హం. 

అర్జున్ తన 17వ ఫస్ట్ క్లాస్ కెరీర్‌లో తొలిసారిగా ఒక ఇన్నింగ్స్‌లో 5 లేదా అంతకంటే ఎక్కువ వికెట్లు తీసిన ఘనతను సాధించాడు. అరుణాచల్ తొలి 5 మంది బ్యాట్స్‌మెన్‌లను పెవిలియన్‌కు పంపాడు. వీరిలో ఇద్దరు బ్యాట్స్‌మెన్ ఖాతా కూడా తెరవలేకపోయారు. 5 మంది బ్యాట్స్‌మెన్‌లలో ఒకరు మాత్రమే రెండంకెల స్కోరును అందుకోగలిగారు.

Image credit: PTI

టాస్ గెలిచిన అరుణాచల్ ప్రదేశ్ ముందుగా బ్యాటింగ్ ఎంచుకుంది. రెండో ఓవర్‌లోనే ఓపెనర్ నబమ్ హచాంగ్‌ను అర్జున్ ఇబ్బందుల్లోకి నెట్టాడు. నీలమ్ ఓబీ (22), చిన్మయ్ పాటిల్ (3) ఇన్నింగ్స్‌ను ముందుకు తీసుకెళ్ల‌డానికి ప్ర‌య‌త్నించారు. కానీ, అర్జున్ 12వ ఓవర్‌లో వరుసగా రెండు వికెట్లు పడగొట్టడం ద్వారా పర్యటన జట్టుకు కష్టాలు పెంచాడు. అరుణాచల్ స్కోరు 17.1 ఓవర్లలో 36/5. మొత్తం 5 వికెట్లు అర్జున్‌ తీశాడు.

అరుణాచల్ కెప్టెన్ నబమ్ అబో 25 బంతుల్లో అజేయంగా 25 పరుగులు చేశాడు. అతను జట్టులో టాప్ స్కోరర్‌గా నిలిచాడు. అతని జట్టు 31వ ఓవర్లో కేవలం 84 పరుగులకే ఆలౌట్ అయింది. గోవా తరఫున అర్జున్‌తో పాటు మోహిత్ రెడ్కర్ (3/15), కీత్ మార్క్ పింటో (2/31) కూడా ప్రమాదకరంగా బౌలింగ్ చేశారు. ఈ మ్యాచ్‌కు ముందు అర్జున్ 16 ఫస్ట్ క్లాస్ మ్యాచ్‌ల్లో 32 వికెట్లు తీశాడు. అందులో అతని అత్యుత్తమ ప్రదర్శన 4/49 వికెట్లు.

అర్జున్ టెండూల్క‌ర్ కు ఇప్ప‌టికీ స‌చిన్ కుమారునిగానే క్రికెట్ లో గుర్తింపు ఉంది. అత‌ని గొప్ప ప్ర‌ద‌ర్శ‌న‌లు రాలేదు కానీ, ఇప్పుడు రాబోయే ఐపీఎల్ కు ముందు కేవ‌లం 3 ఓవ‌ర్ల‌లోనే ఐదు వికెట్లు తీసుకోవ‌డంతో అత‌నిపై రాబోయే వేలంలో ఐపీఎల్ జ‌ట్లు దృష్టిపెట్టే ఛాన్స్ ఉంది. 

ఇప్ప‌టివ‌రకు వేలంలో రెండు సార్లు ముంబై టీమ్ అర్జున్ టెండూల్క‌ర్ ను కొనుగోలు చేసింది. అయితే, అత‌నికి పెద్ద‌గా ఆడే అవ‌కాశం రాలేదు. తుది జ‌ట్టులో అవ‌కాశం ద‌క్కిన స‌మ‌యంలో  కూడా పెద్ద‌గా ప్ర‌భావం చూప‌లేక‌పోయాడు. మొత్తంగా ఐపీఎల్ లో 5 మ్యాచ్ ల‌ను ఆడిన అర్జున్ 3 వికెట్లు తీసుకున్నాడు. గ‌త సీజ‌న్ లో ఒక్క మ్యాచ్ మాత్ర‌మే ఆడే అవ‌కాశం ల‌భించింది.