తమ్ముడేమో ఒక్క మ్యాచ్ ఆడలేదు, బాయ్‌ఫ్రెండ్ ఏమో టెస్టులు... సారా టెండూల్కర్‌ని ట్రోల్ చేస్తున్న ఫ్యాన్స్...

ఐపీఎల్ 2021 వేలం తర్వాత సచిన్ టెండూల్కర్ కంటే ఎక్కువగా సారా టెండూల్కర్ గురించి చర్చ జరిగింది. కారణం అర్జున్ టెండూల్కర్‌ని ముంబై ఇండియన్స్ బేస్ ప్రైజ్‌కి కొనుగోలు చేయడమే...

సచిన్ వారసుడు కావడం వల్లే కొనుగోలు చేశారనే విమర్శలు వస్తాయనే భయంతో వేలంపాట చివర్లో అర్జున్ టెండూల్కర్ పేరు లిస్టులోకి వచ్చింది.

ఐపీఎల్ 2021 వేలంపాటలో ఆఖరిగా వచ్చిన పేరు, అమ్ముడుపోయిన ప్లేయర్‌గా కూడా రికార్డు క్రియేట్ చేశాడు సచిన్ టెండూల్కర్ కొడుకు అర్జున్ టెండూల్కర్. 

తమ్ముడు అర్జున్ టెండూల్కర్‌, ఐపీఎల్ ఎంట్రీపై ఇన్‌స్టాగ్రామ్ వేదికగా స్పందించింది సారా టెండూల్కర్... ముంబై ఇండియన్స్ జెర్సీలో బౌలింగ్ చేస్తున్న అర్జున్ ఫోటోను పోస్టు చేసిన సారా... ‘నీ నుంచి ఈ విజయాన్ని ఎవ్వరూ లాక్కోలేరు... ఇది పూర్తిగా నీది’ అంటూ కామెంట్ చేసింది...

అయితే కొన్నాళ్లుగా కోల్‌కత్తా నైట్‌రైడర్స్ ప్లేయర్ శుబ్‌మన్ గిల్‌తో సారా టెండూల్కర్ ప్రేమలో ఉందని ప్రచారం జరుగుతోంది. ఈ వార్తలను ఇప్పటిదాకా సారా టెండూల్కర్‌ కానీ, గిల్ కానీ ఖండించలేదు...

దీంతో ఐపీఎల్ 2021 సీజన్‌లో ముంబై ఇండియన్స్ వర్సెస్ కోల్‌కత్తా నైట్‌రైడర్స్ మ్యాచ్ జరిగితే సారా టెండూల్కర్... తన తమ్ముడు అర్జున్ టెండూల్కర్‌కి సపోర్ట్ చేస్తుందా? లేక బాయ్‌ఫ్రెండ్ శుబ్‌మన్ గిల్‌కి సపోర్ట్ చేస్తుందా? అని సోషల్ మీడియాలో పోస్టులు హల్‌చల్ చేశాయి.

ముంబై ఇండియన్స్ తరుపున అర్జున్ టెండూల్కర్ బరిలో దిగితే, అతని బౌలింగ్‌లో శుబ్‌మన్ గిల్ సిక్సర్లు బాదుతుంటే... ఓ ఇంట్రెస్టింగ్ ఫైట్ ఉంటుందని అంచనా వేశారు క్రికెట్ ఫ్యాన్స్...

అయితే ఐపీఎల్2021 సీజన్‌లో ఇప్పటిదాకా జరిగిన మ్యాచ్‌లో ఆ అవకాశం మాత్రం రాలేదు. అర్జున్ టెండూల్కర్ డగౌట్‌లో కూడా కనిపించలేదు. అసలు అర్జున్, ముంబై ఇండియన్స్ జట్టులో ఉన్నాడా? లేడా? అని కూడా అనుమానించారు అభిమానులు...

మరోవైపు శుబ్‌మన్ గిల్ అయినా అదరగొడతాడని భావిస్తే... గత సీజన్‌ కంటే నెమ్మదిగా టెస్టు బ్యాటింగ్ చేసి... ఐపీఎల్ చూసే వారికి కూడా ఇంట్రెస్ట్ పోయేలా చేశాడు. దీంతో సారా మరోసారి హాట్ టాపిక్ అయ్యింది.

సారా టెండూల్కర్‌కి ఈ సీజన్ ఏ మాత్రం కలిసి రావడం లేదని... అందుకే తమ్ముడికి ఒక్క మ్యాచ్ ఆడే అవకాశం రాకపోగా, అదరగొడతానని చెప్పిన బాయ్‌ఫ్రెండ్ ఏమో టెస్టులు ఆడుతున్నాడని ట్రోల్ చేస్తున్నారు నెటిజన్లు...

నిజానికి శుబ్‌మన్ గిల్ కంటే సారా టెండూల్కర్ వయసులో ఏడాది పెద్దది. అయితే ఈ ఇద్దరి మధ్య రహస్యంగా ఏదో నడుస్తోందని చాలారోజులుగా వార్తలు వస్తూనే ఉన్నాయి...

సచిన్ టెండూల్కర్ తనకంటే ఆరేళ్లు పెద్దదైన అంజలిని ప్రేమించి పెళ్లాడిన విషయం తెలిసిందే. దీంతో సారా కూడా తల్లి బాటలోనే నడుస్తుందని అంటున్నారు క్రికెట్ ఫ్యాన్స్...

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి