Rinku Singh: రింకూ సింగ్-ప్రియా సరోజ్ నిశ్చితార్థం ఫోటోలు చూశారా

Rinku Singh: క్రికెటర్ రింకూ సింగ్, ఎంపీ ప్రియ సరోజ్ నిశ్చితార్థం లక్నోలో గ్రాండ్‌గా జరిగింది. ఈ వేడుకకు చాలా మంది ప్రముఖులు హాజరయ్యారు.

Image Credit : ANI

రింకూ సింగ్, ప్రియా సరోజ్ నిశ్చితార్థం

Rinku Singh and Priya Saroj : భారత క్రికెట్ జట్టు స్టార్ యంగ్ ప్లేయర్ రింకూ సింగ్, సమాజ్‌వాదీ పార్టీకి చెందిన లోక్‌సభ సభ్యురాలు ప్రియా సరోజ్ నిశ్చితార్థం ఘనంగా జరిగింది. లక్నో నగరంలోని 5 స్టార్ హోటల్ ‘ది సెంట్రమ్’ వేదికగా ఈ కార్యక్రమం జరిగింది. ఈ వేడుకకు పలువురు రాజకీయ, క్రీడా ప్రముఖులు హాజరయ్యారు.

Image Credit : X

చేతులు పట్టుకుని స్టేజీ పైకి వచ్చిన రింకూ సింగ్, ప్రియా సరోజ్

రింకూ, ప్రియా నిశ్చితార్థ వేడుకలో ఒకరినొకరు చేతులు పట్టుకుని స్టేజీ పైకి వచ్చారు. ఆ తర్వాత రింకూ సింగ్ ప్రియకు నిశ్చితార్థం రింగ్ పెట్టగా, ఆమె భావోద్వేగానికి లోనయ్యారు. ఈ సమయంలో రింకూ ఆమెను ఓదార్చిన వీడియో ఇప్పుడు సోషల్ మీడియాలో వైరల్ అవుతోంది.

Image Credit : X

లైట్ పింక్ కలర్ లెహంగా చున్నీలో ప్రియా సరోజ్

నిశ్చితార్థ వేడుకలో ప్రియా సరోజ్ లైట్ పింక్ కలర్ లెహంగా చున్నీ ధరించగా, రింకూ క్రీమ్ కలర్ షేర్వానీలో దర్శనమిచ్చారు. ఈ జంట అద్భుతంగా కనిపించగా, ఈ వేడుకకు వచ్చిన ప్రతి ఒక్కరిని ఈ జంట ఆకర్షించింది.

Image Credit : X

రింకూ సింగ్, ప్రియా సరోజ్ నిశ్చితార్థం వేడుకలో మెరిసిన ప్రముఖులు

ఈ వేడుకలో భారత క్రికెట్ కంట్రోల్ బోర్డు ఉపాధ్యక్షుడు రాజీవ్ శుక్లా, అఖిలేష్ యాదవ్, డింపుల్ యాదవ్, ఎంపీ ఇక్రా హసన్ తదితర ప్రముఖులు పాల్గొన్నారు. సమాజ్‌వాదీ పార్టీకి చెందిన దాదాపు 25 మంది పార్లమెంట్ సభ్యులు ఈ కార్యక్రమానికి హాజరయ్యారు. మొత్తం 300 మంది గౌరవ అతిథులకు ప్రత్యేక పాస్‌లు జారీ చేయగా, వీటిలో బార్కోడ్ స్కానింగ్ వ్యవస్థను అమలు చేశారు.

Image Credit : Twitter

రింకూ సింగ్, ప్రియా సరోజ్ నిశ్చితార్థం కోసం ప్రత్యేక ఏర్పాట్లు

సురక్షిత వాతావరణం కోసం హోటల్‌లో ప్రత్యేక ఏర్పాట్లు చేశారు. మొత్తం 15 గదులు ముందుగానే బుక్ చేయగా, వాటిలో 5 గదులు రింకూ సింగ్ స్నేహితుల కోసం కేటాయించారు.

ఈ వేడుకకు ముందు రింకూ సింగ్ కుటుంబ సభ్యులతో కలిసి వాలీ ఆలయంలో పూజలు నిర్వహించారు. కాగా, ప్రియా, రింకూ సింగ్ లు నవంబర్ 2025లో వివాహ బంధంతో ఒకటి కానున్నారు.