పెళ్లికి ముందే తండ్రి కాబోతున్న ప్యాట్ కమ్మిన్స్... బికినీ ఫోటోతో ప్రకటించిన ఫియాన్సీ బెక్కీ...

First Published May 10, 2021, 11:09 AM IST

ఆసీస్ స్టార్ పేసర్ ప్యాట్ కమ్మిన్స్, త్వరలోనే తండ్రి కాబోతున్నాడు. ఈ విషయాన్ని సోషల్ మీడియా ద్వారా ప్రకటించింది అతని ఫియాన్సీ బెక్కీ బాస్టన్. ప్యాట్ కమ్మిన్స్ గర్ల్‌ఫ్రెండ్, ఫియాన్సీ బెక్కీ బాస్టన్... ఏప్పిల్ 23న సోషల్ మీడియా ద్వారా ఈ విషయాన్ని తెలియచేయగా, కేకేఆర్ మదర్స్ డే సందర్భంగా ఈ జంటకి విషెస్ తెలిపింది.

‘నీ ఈ సంతోషాన్ని ఎక్కువకాలం దాచిపెట్టలేను. బేబీ బాస్టర్ కమ్మిన్స్... త్వరలోనే మాతో కలవబోతోంది’ అంటూ ఇన్‌స్టాగ్రామ్‌ పోస్టులో రాసుకొచ్చింది బెక్కీ బాస్టన్.

డేవిడ్ వార్నర్, అతని భార్య క్యాండిక్ వార్నర్, బెక్కీకి ‘సెన్సేషనల్ న్యూస్’ అంటూ కామెంట్లతో శుభాకాంక్షలు తెలిపారు.

చాలాకాలంగా ప్రేమలో ఉన్న బెక్కీ బాస్టన్, ప్యాట్ కమ్మిన్స్... గత ఏడాది ఫిబ్రవరిలో ఎంగేజ్‌మెంట్ చేసుకున్నారు. అయితే ఇప్పటిదాకా పెళ్లి విషయంపై క్లారిటీ రాలేదు. ప్రస్తుతం కమ్మిన్స్, మాల్దీవుల్లో ఉన్నాడు.

దేశంలో కరోనా సెకండ్ వేవ్ కారణంగా ఇక్కడి నుంచి వచ్చే విమాన రాకపోకలపై నిషేధం ఉండడంతో ఆస్ట్రేలియా ప్రభుత్వ నిర్ణయం కోసం ఎదురుచూస్తూ మాల్దీవుల్లో గడుపుతున్నారు ఐపీఎల్ 2020 కోసం వచ్చిన ఆసీస్ క్రికెటర్లు...