ఇప్పుడే కాదు, ఇంకో ఐదేళ్లు ఈజీగా ఆడేస్తా... యువరాజ్ రికార్డు కొడతా... విండీస్ ప్లేయర్ క్రిస్గేల్ కామెంట్...
చాలామంది క్రికెటర్లు మూడు పదుల వయసు దాటిన తర్వాత క్రికెట్ రిటైర్మెంట్ గురించి ఆలోచిస్తుంటే.. నాలుగు పదుల వయసు దాటిన తర్వాత చాలా తేలిగ్గా భారీ సిక్సర్లు బాదుతున్నాడు కరేబియన్ ‘టార్జాన్’ క్రిస్గేల్. 2019 వన్డే వరల్డ్కప్ తర్వాత క్రిస్గేల్ రిటైర్మెంట్ ప్రకటిస్తాడని అంతా భావించారు... అయితే ఆ ఆలోచన లేదని చెప్పిన క్రిస్గేల్, ఇప్పట్లో క్రికెట్ నుంచి తప్పుకునే ఆలోచనే లేదని అంటున్నాడు.
విండీస్ తరుపున అత్యధిక వన్డే పరుగులు చేసిన క్రికెటర్గా, బ్రియాన్ లారా రికార్డును అధిగమించిన క్రిస్ గేల్... ఐదేళ్లు వెస్టిండీస్ జట్టుకు కెప్టెన్గా కూడా వ్యవహారించాడు...
భారత్తో పాటు ప్రపంచవ్యాప్తంగా అభిమానులను సంపాదించుకున్న క్రిస్ గేల్... అన్ని ఫార్మాట్లలోనూ తన పేరిట అరుదైన రికార్డులను క్రియేట్ చేసుకున్నాడు...
‘ఇప్పట్లో రిటైర్ అవ్వాలనే ఆలోచన అయితే నాకు లేదు.. ఈజీగా ఇంకో ఐదేళ్లు క్రికెట్ ఆడగలను... రెండు వరల్డ్కప్ల్లో పాల్గొంటానని కూడా అనుకుంటున్నా...’ అంటూ కామెంట్ చేశాడు 41 ఏళ్ల క్రిస్గేల్...
యువరాజ్ సింగ్ ఒకే ఓవర్లో ఆరు సిక్సర్లు కొట్టాడని, తాను కూడా ఆ రికార్డు కొట్టాలనే టార్గెట్ పెట్టుకున్నానని... బహుశా అది ‘అల్టిమేట్ క్రికెట్ ఛాలెంజ్’లోనే సాధ్యమవుతుందేమోనని అన్నాడు గేల్...
టీ20 క్రికెట్లో పది వేల పరుగులు సాధించిన మొట్టమొదటి బ్యాట్స్మెన్గా రికార్డు క్రియేట్ చేసిన ‘యూనివర్సల్ బాస్’ క్రిస్ గేల్... ఈ ఫార్మాట్లో 22 సెంచరీలతో టాప్లో ఉన్నాడు.
ఐపీఎల్లో రాయల్ ఛాలెంజర్స్ తరుపున ఆడిన మ్యాచ్లో 175 పరుగులతో చెలరేగిన క్రిస్ గేల్... అత్యంత వేగంగా సెంచరీ బాదిన బ్యాట్స్మెన్గానూ ఉన్నాడు..
వన్డేల్లో డబుల్ సెంచరీ సాధించిన అతి కొద్ది మందిలో ఒకడిగా రికార్డు క్రియేట్ చేసిన క్రిస్ గేల్... టెస్టుల్లో త్రిబుల్ సెంచరీ సాధించాడు.
గత ఐపీఎల్లో కింగ్స్ ఎలెవన్ పంజాబ్ తరుపున బరిలో దిగాడు క్రిస్గేల్. అయితే గేల్ వయసు దృష్ట్యా, పంజాబ్ ఆడిన మొదటి ఏడు మ్యాచుల్లో అతనికి అవకాశం ఇవ్వలేదు కెఎల్ రాహుల్...
ఫుడ్ పాయిజన్ కారణంగా ఓ మ్యాచ్ ఆలస్యంగా ఐపీఎల్ ఎంట్రీ ఇచ్చిన క్రిస్గేల్... పంజాబ్ జట్టుకి వరుసగా ఐదు మ్యాచుల్లో విజయాలు అందించాడు..