ఆయనకు 66.. ఆమెకు 38.. హనీమూన్ కు ప్లాన్ చేస్తున్న అరుణ్ లాల్.. ఏకంగా అక్కడే స్పాట్ పెట్టాడుగా..

Arun Lal second Marriage: లేటు వయసులో రెండో పెళ్లి చేసుకున్న భారత మాజీ క్రికెటర్ అరుణ్ లాల్.. హనీమూన్ కు కూడా ప్లాన్ చేస్తున్నాడు. అరుణ్ లాల్.. బెంగాల్ కు చెందిన బుల్బుల్ సాహాను మే 2న వివాహం చేసుకున్నాడు. 

మూడు రోజుల క్రితమే  కోల్కతాలోని ఓ  హోటల్ లో  తన కంటే 28 ఏండ్లు చిన్నదైన బుల్బుల్ సాహాను పెళ్లి చేసుకున్న అరుణ్ లాల్.. లేటు వయసులో  పెళ్లే కాదు.. హనీమూన్ ను కూడా ఘనంగా ప్లాన్ చేశాడు. 

మే 2న వివాహం చేసుకుని కొత్త బంధంలోని అడుగుపెట్టిన ఈ జంట.. హనీమూన్ గురించి అరుణ్ లాల్ ఆసక్తికర వ్యాఖ్యలు చేశాడు.  ఆయన మాట్లాడుతూ.. ‘నేను చాలా సంతోషంగా ఉన్నాను.  నా జీవితంలో ఇది మరో  ప్రత్యేకమైన సందర్భం.. 

నేను బుల్బుల్ ను చాలా గాఢంగా ప్రేమిస్తున్నాను.  మా జీవితంలో మేము సంతోషమైన దంపతులుగా  జీవిస్తాం. ఇక మా హానీమూన్ గురించి అందరూ చాలా  ఆసక్తికరంగా అడుగుతున్నారు. రంజీ ట్రోఫీయే మా హనీమూన్.  అక్కడే మా తదుపరి కార్యక్రమం..’ అని చెప్పుకొచ్చాడు.

అరుణ్ లాల్ ఇలా చెప్పడానికి కారణం ఉంది.  ప్రస్తుతం ఆయన బెంగాల్ క్రికెట్ జట్టుకు హెడ్ కోచ్. ఇక రంజీ క్వార్టర్స్ కు చేరిన  బెంగాల్ జట్టు.. జూన్ నాలుగు నుంచి 8 వరకు  జార్ఖండ్ తో జరిగే పోరులో తలపడనున్నది. 

బెంగళూరు వేదికగా జరుగబోయే రంజీ క్వార్టర్స్ మ్యాచుల కోసం ఆయన ఇప్పటికే జట్టును సన్నద్ధం చేసే పనిలో ఉన్నారు.  అరుణ్ లాల్ వ్యాఖ్యలను బట్టి చూస్తే   రంజీ మ్యాచుల సందర్భంగా  అతడు తన రెండో భార్యతో కలిసి ప్రత్యక్షం కానున్నాడు. 

హనీమూన్ కు అందరూ ఊటీ, కొడైకెనాల్, డార్జిలింగ్ వెళ్తుంటే  అరుణ్ లాల్ మాత్రం ఏకంగా బెంగళూరు చిన్నస్వామి స్టేడియంలోనే ఈ తంతును  ప్లాన్ చేశాడని  సోషల్ మీడియాలో పలువురు ఆకతాయిలు కామెంట్స్ చేస్తున్నారు. 

భారత్ తరఫున అరుణ్ లాల్ 16 టెస్టులు, 16 వన్డేలు ఆడాడు. 1982-89 మధ్యకాలంలో  జాతీయ  జట్టుకు ఆడిన  అరుణ్ లాల్.. టెస్టులలో 729 పరుగులు చేశాడు. వన్డేలలో 122 రన్స్  మాత్రమే నమోదు చేశాడు. జాతీయ జట్టులో పెద్దగా రాణించలేకపోయినా  ఫస్ట్ క్లాస్ క్రికెట్ లో మాత్రం అరుణ్ లాల్ మెరుగ్గా ఆడాడు.  156 మ్యాచులాడి.. 10,421 పరుగులు సాధించాడు.