సొంతదేశానికి రిటైర్మెంట్... అత్తగారి దేశానికి క్రికెట్ ఆడబోతున్న న్యూజిలాండ్ స్టార్ క్రికెటర్...
న్యూజిలాండ్ స్టార్ క్రికెటర్ కోరీ అండర్సన్ అంతర్జాతీయ క్రికెట్‌కి రిటైర్మెంట్ ప్రకటించాడు. అయితే అతను రిటైర్మెంట్ ప్రకటించింది న్యూజిలాండ్ తరుపున ఆడేందుకు మాత్రమే, అమెరికాలో జరగబోయే మేజర్ లీగ్ క్రికెట్‌లో ఆడబోతున్నాడు అండర్సన్. 29 ఏళ్ల అండర్సన్... వన్డేల్లో అత్యంత వేగంగా సెంచరీ చేసిన రెండో క్రికెటర్‌గా కూడా రికార్డు క్రియేట్ చేశాడు. ప్రియురాలి కోరికతో సొంతదేశానికి రిటైర్మెంట్ ఇచ్చి, అత్తగారి దేశానికి ఆడబోతున్నాడు.
29 ఏళ్ల కోరీ అండర్సన్ న్యూజిలాండ్ తరుపున 13 టెస్టులు, 49 వన్డేలు, 31 టీ20 మ్యాచులు ఆడాడు...
న్యూజిలాండ్ తరుపున రెండు సెంచరీలు, 10 హాఫ్ సెంచరీలతో 2200 అంతర్జాతీయ పరుగులు చేసిన అండర్సన్... కివీస్ తరుపున క్రికెట్‌కి రిటైర్మెంట్ ప్రకటించి, అమెరికాలో మెగా లీగ్ ఆడబోతున్నాడు. 90 వికెట్లు కూడా తీశాడు.
అండర్సన్, అమెరికాకు చెందిన మేరీ షామ్‌బర్గర్‌తో నిశితార్థం చేసుకున్నాడు. త్వరలో మేరీని పెళ్లాడబోతున్నాడు...
కోవిద్ 19 విపత్తు సమయంలో టెక్సాస్‌లోనే సమయం గడిపిన అండర్సన్... ప్రియురాలు, ఫియాన్సీతో ఫుల్లుగా ఎంజాయ్ చేశాడు...
ఆమె కోరిక మేరకే న్యూజిలాండ్ తరుపున క్రికెట్‌కి రిటైర్మెంట్ ప్రకటించి, యూఎస్‌ఏలోని మేజర్ క్రికెట్ లీగ్‌లో పాల్గొనాలని నిర్ణయించుకున్నాడట అండర్సన్...
అమెరికన్ క్రికెట్ ఎంటర్‌ప్రైజెస్ సంస్థ ప్రణాళికతో 2022లో ప్రారంభం కాబోతున్న మేజర్ లీగ్ క్రికెట్‌తో అంతర్జాతీయ క్రికెటర్లు కూడా పాల్గొనబోతున్నారు...
అమెరికాలో క్రికెట్‌కి ఆదరణ, క్రేజ్ పెంచాలనే ఉద్దేశంతో ప్రతిష్టాత్మకంగా ఆరంభమవుతున్న ఈ లీగ్‌లో అమెరికా క్రికెటర్‌గా పాల్గొనేందుకు అండర్సన్ ఉత్సాహాపడుతున్నాడట.
అండర్సన్‌తో పాటు పాకిస్థాన్ టెస్టు క్రికెటర్ సమీ అస్లామ్, ఇంగ్లాండ్ 2019 వరల్డ్‌కప్ విన్నింగ్ టీమ్ ప్లేయర్ ప్లంకెట్ కూడా యూఎస్‌ఏ క్రికెట్‌లో భాగం కాబోతున్నట్టు ప్రకటించారు...
మాజీ సౌతాఫ్రికా ప్లేయర్ రస్టీ థీరన్, డేన్ పిడ్ట్ ఇప్పటికే యూఎస్‌ఏకి ఆడేందుకు ఒప్పందం చేసుకున్నారు...
ఐపీఎల్‌లో షారుక్ ఖాన్ సొంత ఫ్రాంఛైజీ అయిన కోల్‌కత్తా నైట్‌రైడర్స్, మేజర్ లీగ్ టీ10లో ఓ ఫ్రాంఛైజీని కొనుగోలు చేయబోతోంది. ఈ ఫ్రాంఛైజీ పేరు ‘లాస్ ఏంజెల్స్ నైట్ రైడర్స్’ అని ప్రచారం జరుగుతోంది.
2014లో 36 బంతుల్లోనే వన్డేలో సెంచరీ బాదిన అండర్సన్... 17 ఏళ్ల క్రితం షాహిదీ అఫ్రిదీ ఫాస్టెస్ట్ రికార్డును బ్రేక్ చేశాడు...
