ధోనీ ఇక చాలు, రెస్ట్ తీసుకో... అప్పుడే సీఎస్కేకి మంచిది... బ్రియాన్ లారా షాకింగ్ కామెంట్...
మహేంద్ర సింగ్ ధోనీ నాయకత్వంలోని చెన్నై సూపర్ కింగ్స్, ఈ సీజన్లో మంచి ప్రదర్శన ఇస్తోంది. మొదటి మ్యాచ్లో ఓడినా, ఆ తర్వాత జరిగిన రెండు మ్యాచుల్లో మంచి విజయాలు అందుకున్న సీఎస్కే, మిగిలిన జట్లకంటే మెరుగైన రన్రేటు నమోదుచేసింది.
ఐపీఎల్ 2021 సీజన్లో చెన్నై సూపర్ కింగ్స్ ఆడిన గత రెండు మ్యాచులు, 2019 నాటి సీఎస్కేను తలపించాయి. బ్యాటింగ్లో, బౌలింగ్లో అదరగొడుతూ మంచి విజయాలు అందుకున్న ధోనీ జట్టు... ఫీల్డింగ్లో మెరుపులు మెరిపిస్తోంది.
కెప్టెన్గా సక్సెస్ అవుతున్నా, బ్యాట్స్మెన్గా మాత్రం తనదైన ముద్ర వేయలేకపోతున్నాడు మహేంద్ర సింగ్ ధోనీ. ఢిల్లీ క్యాపిటిల్స్తో జరిగిన మొదటి మ్యాచ్లో రెండో బంతికే డకౌట్ అయిన ధోనీ, రాజస్థాన్ రాయల్స్తో జరిగిన మ్యాచ్లో ఒక్క సిక్స్ కూడా బాదలేకపోయాడు.
‘ధోనీ వయసు పెరుగుతోంది. ఇంతకుముందులా అతని నుంచి బ్యాటింగ్లో మెరుపులు ఆశించడం ఏ మాత్రం భావ్యం కాదు... కెప్టెన్గా, వికెట్ కీపర్గా ధోనీ రాణిస్తున్న తీరు అద్భుతం...
ఇప్పటికే వికెట్ కీపింగ్లో అదే ఎనర్జీ చూపిస్తున్నాడు ధోనీ... అదే స్టైయిల్లో క్యాచ్లు, స్టంపింగ్ చేస్తనే ఉన్నాడు. అయినా ఇప్పుడు చెన్నై సూపర్ కింగ్స్కి బ్యాట్స్మెన్గా ధోనీ రోల్ పెద్దగా అవసరం కూడా లేదు...
మహేంద్ర సింగ్ ధోనీ బ్యాటుతో రాణించకపోయినా సీఎస్కే మంచి విజయాలు సాధించింది, సాధిస్తోంది. కాబట్టి మాహీ రెస్టు తీసుకుంటే బెటర్. కావాల్సినంత బ్రేక్ తీసుకుని, బరిలో దిగితే అతనికి, ఫ్యాన్స్కి కావాల్సిన ఇన్నింగ్స్ ఆడే అవకాశం ఉంటుంది...
ప్రస్తుతం చెన్నై సూపర్ కింగ్స్లో మంచి హిట్టర్లు ఉన్నారు. సురేశ్ రైనా, డుప్లిసిస్, రుతురాజ్ గైక్వాడ్తో పాటు రవీంద్ర జడేజా, మొయిన్ ఆలీ, సామ్ కుర్రాన్, బ్రావో, శార్దూల్ ఠాకూర్ వంటి క్లాస్ ఆల్రౌండర్లు కూడా సీఎస్కే సొంతం...
ఈ జట్టు ఇలాగే రాణిస్తే, ఐపీఎల్ టైటిల్ గెలవడం పెద్ద కష్టమేమీ కాదు. కెప్టెన్గా, బ్యాట్స్మెన్గా ధోనీ రెస్టు తీసుకున్నా... ప్లేయర్లను ఎలా వాడుకోవాలో అతనికి బాగా తెలుసు....’ అంటూ కామెంట్ చేశాడు విండీస్ మాజీ లెజెండరీ క్రికెటర్ బ్రియాన్ లారా...
మహేంద్ర సింగ్ ధోనీ కూడా రాజస్థాన్ రాయల్స్తో జరిగిన మ్యాచ్ అనంతరం ఇలాంటి వ్యాఖ్యలే చేసిన విషయం తెలిసిందే.
‘24 ఏళ్ల వయసులో ఆడనట్టుగా 40 ఏళ్ల వయసులో ఆడలేకపోతున్నా.. నేను నెమ్మదిగా బ్యాటింగ్ చేయడం వల్ల సీఎస్కేకి నష్టం కలగవచ్చు’ అంటూ వ్యాఖ్యానించాడు ధోనీ