ధోనీ తన కెరీర్ మొత్తం ఒకే పని చేశాడు, అందుకే.... ఆస్ట్రేలియా మాజీ కెప్టెన్ రికీ పాంటింగ్ కామెంట్...
మహేంద్ర సింగ్ ధోనీ... వరల్డ్ బెస్ట్ ఫినిషర్‌గా పోటీపడిన వ్యక్తి. ‘కెప్టెన్ కూల్’ ధోనీ కెరీర్ ఆరంభంలో టాపార్డర్‌లో బ్యాటింగ్‌కి వచ్చినా, ఆ తర్వాత జట్టు అవసరాల కోసం తనను తాను కిందకి దింపుకుని, ఫినిషర్ రోల్ పోషించాడు. ఇదే అతని సక్సెస్‌కి కారణమంటున్నాడు ఆసీస్ మాజీ సారథి రికీ పాంటింగ్.
Follow‘ధోనీ తన కెరీర్ మొత్తం ఒకే స్థానంలో బ్యాటింగ్ చేశాడు. అందుకే ఆ ప్లేస్‌లో సూపర్ సక్సెస్ అయ్యాడు. ఏ క్రికెటర్ అయినా ఒకే ప్లేస్‌లో ఆడుతూ ఉంటే, సక్సెస్ సాధించడం పెద్ద కష్టమేమీ కాదు.
విండీస్ ప్లేయర్ కిరన్ పోలార్డ్, భారత ఆల్‌రౌండర్ హార్ధిక్ పాండ్యా కూడా ఇలా వెలుగులోకి వచ్చినవాళ్లే. ఐపీఎల్‌లో కూడా వీళ్లు తమ రోల్ ఏంటో క్లారిటీతో బరిలో దిగి, రాణిస్తున్నారు. ఆస్ట్రేలియాలో మిస్ అయ్యింది ఇదే...
ఆస్ట్రేలియాలో సరైన ఫినిషర్ లేడు. స్టార్ బ్యాట్స్‌మెన్లు చాలా మంది ఉన్నా, వారి రోల్‌పై వారికే క్లారిటీ లేదు. ఆసీస్ ప్లేయర్లు బిగ్‌బాష్ లీగ్‌లో కూడా టాపార్డర్‌లో ఆడడానికే ప్రాధాన్యం ఇస్తారు.
మిడిల్ ఆర్డర్, ఫినిషింగ్ రోల్ పోషించడానికి ఎవ్వరూ ఇష్టపడడం లేదు. మ్యాక్స్‌వెల్, మార్ష్, స్టోయినిస్... లాంటి ప్లేయర్లను ఆస్ట్రేలియా జట్టు కంటే బాగా ఐపీఎల్ జట్లే వాడుకుంటున్నాయి.
బిగ్‌బాష్ లీగ్‌లో మాత్రం వీళ్లని టాపార్డర్‌లో ఆడిస్తారు. ఆసీస్ టీమ్లో అయితే మిడిల్ ఆర్డర్‌లో. ఒకే స్థానంలో ఆడిస్తూ ఉంటే, రాటుతేలేందుకు మంచి అవకాశం దొరుకుతుంది...’ అంటూ తెలిపాడు రికీ పాంటింగ్.
ఆస్ట్రేలియా జట్టులో వికెట్లు కీపర్ ఎవరో కూడా తెలియడం లేదని వాపోయాడు రికీ పాంటింగ్. ‘ఆసీస్ జట్టు పేపర్ మీద చాలా పటిష్టంగా కనిపిస్తోంది. అయితే క్రీజులోకి దిగిన తర్వాత మాత్రం వారి పర్ఫామెన్స్ ఆ రేంజ్‌లో ఉండడం లేదు.
టెస్టు ఛాంపియన్‌షిప్ ఫైనల్‌కి అర్హత సాధించకపోవడానికి కారణం ఇదే. వికెట్ల వెనకాల ఉండే కీపర్ జట్టుకి ఎంతో కీలకం. కానీ ఆస్ట్రేలియా టీమ్లో వికెట్ కీపర్ ఎవరో కూడా అర్థం కావడం లేదు.
ఓసారి మాథ్యూ వేడ్, మరో సారి ఫిలిప్పీ... ఇంకోసారి ఆలెక్స్ క్యారీ... కొన్నిసార్లు ఈ ముగ్గురికీ జట్టులో ఆడిస్తారు, కానీ బ్యాటింగ్ ఆర్డర్‌లో ఏ ప్లేయర్ ఎక్కవ వస్తాడనేదానిపై మాత్రం క్లారిటీ లేదు...
ఒకే వికెట్ కీపర్‌ను తీసుకుని, అతనికి అవకాశాలు ఇస్తూ ఉంటే, మంచి స్టార్‌గా ఎదుగుతాడు. అలా కాకుండా వికెట్ కీపర్లను మారుస్తూ ప్రయోగాలు చేస్తూ ఉంటే, ఎప్పటికీ టీమ్ కుదురుకోదు...’ అంటూ వివరించాడు రికీ పాంటింగ్.
ఐపీఎల్‌లో ఢిల్లీ క్యాపిటల్స్‌కి కోచ్‌గా వ్యవహారిస్తున్న రికీ పాంటింగ్... పృథ్వీషా, రిషబ్ పంత్ వంటి యంగ్ ప్లేయర్లు అద్భుతంగా రాణించడానికి కారణమయ్యాడు.
ఐపీఎల్ 2021 సీజన్‌లో ఒకే ఓవర్‌లో ఆరుకి ఆరు ఫోర్లు బాది, అందరి దృష్టినీ మరోసారి ఆకర్షించిన యంగ్ సెన్సేషనల్ ప్లేయర్ల పృథ్వీషా... రికీ పాంటింగ్, ‘చక్ దే ఇండియా’ సినిమాలో షారుక్ ఖాన్ లాంటివాడని కామెంట్ చేసిన విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
