MI vs DC: హర్మన్‌ప్రీత్ కౌర్-సివర్ బ్రంట్ ఇన్నింగ్స్ వృధా.. చివరి బంతి వ‌ర‌కు ఉత్కంఠ పోరు

MIW vs DCW: మ‌హిళా ప్రీమియర్ లీగ్ 2025: తొలి మ్యాచ్ లో పరుగుల వరద పారితే రెండో మ్యాచ్ చివరి బంతి వరకు ఉత్కంఠ పోరు సాగింది. ముంబై ఇండియన్స్-ఢిల్లీ క్యాపిటల్స్ నువ్వా నేనా అనే విధంగా గెలుపుకోసం పోరాడాయి. 

wpl, wpl2025, delhi

MIW vs DCW: మ‌హిళా ప్రీమియ‌ర్ లీగ్ 2025 రెండో మ్యాచ్ చివ‌రి బంతి వ‌ర‌కు ఉత్కంఠ‌ను రేపింది. ఈ మ్యాచ్ లో ముంబై ఇండియన్స్ vs ఢిల్లీ క్యాపిటల్స్ గెలుపుకోసం అద్భుత‌మైన పోరాటం చేశాయి. అయితే, ఈ థ్రిల్లింగ్ మ్యాచ్ లో ఢిల్లీ క్యాపిటల్స్ ముంబై ఇండియన్స్‌ను ఓడించి 2 వికెట్ల తేడాతో గెలిచింది. 

ఈ ఉత్కంఠభరితమైన మ్యాచ్‌లో, గెలుపు ఓటమిలు చివరి బంతికి తేలాయి. ఈ మ్యాచ్ లో టాస్ ఓడిపోయి ముందుగా బ్యాటింగ్ చేసిన ముంబై ఇండియన్స్, నాట్ సెవర్ బ్రంట్ (80*) అజేయ అర్ధ సెంచరీ, కెప్టెన్ హర్మన్‌ప్రీత్ కౌర్ 42 పరుగుల సునామీ ఇన్నింగ్స్ తో 19.1 ఓవర్లలో 164 పరుగులకు ఆలౌటైంది. లక్ష్యాన్ని ఛేదించే క్రమంలో ముంబై బౌలర్లు ఢిల్లీ నుంచి మ్యాచ్ ను లాక్కోవడానికి తమ శాయశక్తులా ప్రయత్నించారు, కానీ చివరి బంతికి ఢిల్లీ మ్యాచ్ గెలిచింది.

Wpl

చివరి బంతికి తేలిన ఫ‌లితం 

ముంబై తరఫున నాట్ సివర్ బ్రంట్ 80 పరుగులతో అజేయంగా నిలవగా, హర్మన్‌ప్రీత్ కౌర్ 22 బంతుల్లో 42 పరుగులు చేసింది. ఆ త‌ర్వాత ఢిల్లీ క్యాపిట‌ల్స్ షెఫాలీ వర్మ 18 బంతుల్లో 43 పరుగులు చేసి ఢిల్లీకి దూకుడుగా ఆరంభం ఇచ్చింది. ఢిల్లీ 60 పరుగుల వరకు ఒక్క వికెట్ కూడా కోల్పోలేదు, కానీ త‌ర్వాతి 16 పరుగులలోపు నాలుగు వికెట్లు కోల్పోయింది. దీని తర్వాత, ముంబై ఇండియన్స్ మ్యాచ్‌లో పునరాగమనం చేసి దాదాపు విజయానికి దగ్గరగా చేరుకుంది. ఎల్లీస్ కాప్సే (16), అన్నాబెల్ సదర్లాండ్ (13), సారా బ్రైస్ (21) రాణించలేకపోయారు కానీ నిక్కీ ప్రసాద్ అజేయంగా 27 పరుగులు చేసి జట్టును విజయపథంలో నడిపించారు.

చివరి 12 బంతుల్లో ఢిల్లీకి 21 పరుగులు అవసరం, చేతిలో నాలుగు వికెట్లు ఉన్నాయి. 9వ నంబర్ బ్యాట్స్‌మెన్ రాధా యాదవ్ ఒక సిక్స్ కొట్టగా, నిక్కీ ఒక ఫోర్ కొట్టాడు కానీ ఐదవ బంతికే ఔటయ్యాడు. చివరి బంతికి రెండు పరుగులు తీసి అరుంధతి యాదవ్ జట్టుకు విజయాన్ని అందించింది. 

wpl, wpl 2025, delhi

సివార్ ఇన్నింగ్స్ వృధా 

అంతకుముందు, ముంబై తరఫున సేవర్ బ్రంట్ అద్భుతమైన అర్ధ సెంచరీ సాధించారు. అయితే, ఇతర బ్యాట్స్‌మెన్ నుండి మద్దతు లభించలేదు. దీంతో ఢిల్లీ క్యాపిటల్స్ ముంబై ఇండియన్స్‌ను 164 పరుగులకు ఆలౌట్ చేసింది. సీవర్ బ్రంట్ 80 పరుగుల అజేయ ఇన్నింగ్స్‌లో 13 ఫోర్లు కొట్టారు. కెప్టెన్ హర్మన్‌ప్రీత్ కౌర్ కూడా 22 బంతుల్లో 42 పరుగులు చేసి, టీ20 క్రికెట్‌లో 8000 పరుగులు పూర్తి చేసుకుంది. వీరిద్దరూ మూడో వికెట్ భాగస్వామ్యానికి 40 బంతుల్లో 73 పరుగులు జోడించారు.

అయితే, ఢిల్లీ బౌలర్లు అద్భుతంగా పునరాగమనం చేశారు, 59 పరుగులకు ఎనిమిది వికెట్లు పడగొట్టారు. ముంబైని 19.1 ఓవర్లలో 164 పరుగులకు ఆలౌట్ చేశారు. ఫాస్ట్ బౌలర్ శిఖా పాండే 14 పరుగులకు రెండు వికెట్లు పడగొట్టగా, మిన్ను మణి మంచి బౌలింగ్ తో ఒక వికెట్ పడగొట్టింది. మిగిలిన బౌలర్లు భారీగానే ప‌రుగులు స‌మ‌ర్పించుకున్నారు. 

ఓపెనర్లు హేలీ మాథ్యూస్ (0), యాస్టికా భాటియా (11) ఇద్దరినీ పాండే పెవిలియన్‌కు పంపారు. పవర్ ప్లేలో ఆరు ఓవర్లు ముగిసేసరికి ముంబై రెండు వికెట్లకు 42 పరుగులు చేసింది. ఎలిస్ కాప్సే ఒక ఓవర్లో 19 పరుగులు ఇచ్చారు. రాధా యాదవ్ వేసిన 8వ ఓవర్లో సీవర్ బ్రంట్, హర్మన్‌ప్రీత్ 18 పరుగులు చేశారు, ఇందులో మూడు ఫోర్లు, ఒక సిక్సర్ ఉన్నాయి. పది ఓవర్లు ముగిసే సరికి ముంబై రెండు వికెట్లకు 87 పరుగులు చేసింది. అన్నాబెల్ సదర్లాండ్ బౌలింగ్‌లో హర్మన్‌ప్రీత్ మూడు ఫోర్లు, ఒక సిక్సర్ కొట్టింది, కానీ 14వ ఓవర్‌లో ఆమె బౌలింగ్ లోనే ఔట్ అయింది. ఒక ఎండ్ లో మంచి ప‌రుగులు చేస్తుండ‌గా, మ‌రో ఎండ్ లో వికెట్లు ప‌డ‌టం కొన‌సాగింది. దీంతో ముంబై మ‌రిన్ని ప‌రుగులు చేయ‌లేక‌పోయింది.