టైటిల్ గెలవలాంటే, ఓపెనర్‌గా రా!... విరాట్ కోహ్లీకి మాజీ కోచ్ సలహా...
IPL 2020 సీజన్‌లో కొంచెం ఆట, కొంచెం అదృష్టం కలిసి రావడంతో ప్లేఆఫ్‌కి అర్హత సాధించింది రాయల్ ఛాలెంజర్స్ బెంగళూరు. మొదటి 10 మ్యాచుల్లో ఏడు మ్యాచులు గెలిచిన రాయల్ ఛాలెంజర్స్ బెంగళూరు... ఆ తర్వాత వరుసగా నాలుగు మ్యాచుల్లో ఓడింది. గత సీజన్‌లో పాయింట్ల పట్టికలో ఆఖరి స్థానంలో నిలిచిన ఆర్‌సీబీ, ఈసారి ప్లేఆఫ్‌కి అర్హత సాధించింది.
గత సీజన్ ఎఫెక్ట్ ఏమో కానీ రాయల్ ఛాలెంజర్స్ ప్లేయర్లు తీవ్రమైన ఒత్తిడికి లోనవుతున్నారు... రన్ మెషిన్ విరాట్ కోహ్లీ కూడా ఒత్తిడికి లోనవ్వడం ఆర్‌సీబీని కలవరపరుస్తోంది...
ఢిల్లీ క్యాపిటల్స్‌తో జరిగిన కీలక మ్యాచ్‌లో ఒత్తిడికి లోనైన విరాట్ కోహ్లీ... సులువైన క్యాచ్ ఇచ్చి వెనుదిరిగాడు. కోహ్లీ అవుటైన తర్వాత వరుస వికెట్లు కోల్పోవడంతో భారీ స్కోరు చేయలేకపోయింది ఆర్‌సీబీ...
యంగ్ బ్యాట్స్‌మెన్ దేవ్‌దత్ పడిక్కల్ సీజన్‌లో 5 హాఫ్ సెంచరీలు చేసి అద్భుతంగా రాణిస్తుంటే... విరాట్ కోహ్లీ మాత్రం ప్రెషర్‌లో కనిపిస్తున్నాడు...
2020 సీజన్‌లో రాయల్ ఛాలెంజర్స్ బెంగళూరుకి పరిస్థితులు పెద్దగా కలిసి రావడం లేదు... యూఏఈ వాతావరణ పరిస్థితుల అనుకూలించకపోవడం కూడా విరాట్ అండ్ కో ఒత్తిడికి కారణం కావచ్చు... అని అన్నాడు ఆర్‌సీబీ మాజీ బౌలింగ్ కోచ్ ఆశిష్ నెహ్రా...
ఢిల్లీ క్యాపిటల్స్ బౌలర్లు రవిచంద్రన్ అశ్విన్, అక్షర్ పటేల్ అద్భుతంగా రాణిస్తున్నారు. వికెట్లు తీయకపోయినా కట్టుదిట్టంగా బౌలింగ్ చేస్తున్నారు. కోహ్లీ వికెట్ అలాగే తీశాడు అశ్విన్...
ఆరోన్ ఫించ్ లేనప్పుడు విరాట్ కోహ్లీ లాంటి సీనియర్ బ్యాట్స్‌మెన్ ఓపెనర్‌గా రావాలి. కానీ కోహ్లీ మాత్రం జోష్ ఫిలిప్పీ లాంటి పెద్దగా అనుభవం లేని యంగ్ బ్యాట్స్‌మెన్‌ని ఓపెనింగ్ పంపిస్తున్నాడు...
ఆరోన్ ఫించ్ లాంటి సీనియర్ జట్టులో లేనప్పుడు విరాట్ కోహ్లీయే ఓపెనర్‌గా కరెక్ట్. రాయల్ ఛాలెంజర్స్ బెంగళూరు టైటిల్ గెలవాలంటే... కోహ్లీ నువ్వు ఓపెనర్‌ రా...అంటూ వ్యాఖ్యానించాడు ఆశీష్ నెహ్రా...
మూడో స్థానంతో ప్లేఆఫ్ బెర్త్ కన్ఫార్మ్ చేసుకున్న రాయల్ ఛాలెంజర్స్ బెంగళూరు, సన్‌రైజర్స్ హైదరాబాద్ లేదా కోల్‌కత్తా నైట్‌రైడర్స్‌తో ఎలిమినేటర్ మ్యాచ్‌లో తలబడబోతోంది...
రాయల్ ఛాలెంజర్స్ బెంగళూరు నాలుగేళ్ల తర్వాత ప్లేఆఫ్ చేరడం ఇదే తొలిసారి. 2016లో ప్లేఆఫ్ చేరిన ఆర్‌సీబీ, ఫైనల్ మ్యాచ్‌లో సన్‌రైజర్స్ చేతిలో ఓడిపోయింది...
అయితే 2016 సీజన్‌లో అద్భుతంగా బ్యాటింగ్ చేసి రికార్డు లెవెల్లో 900+ పరుగులు చేసిన విరాట్ కోహ్లీ, ఈసారి తన రేంజ్ పర్ఫామెన్స్ మాత్రం ఇవ్వలేకపోతున్నాడు...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
