పెళ్లైన రెండు రోజులకే టీమిండియాలోకి కెఎల్ రాహుల్... కనీసం ఆ ముచ్ఛట కూడా లేకుండానే...
టీమిండియా క్రికెటర్ కెఎల్ రాహుల్, తన ప్రేయసి అథియా శెట్టిని వివాహం చేసుకున్నాడు. అతికొద్ది మంది బంధుమిత్రుల మధ్య వీరి వివాహం చాలా సీక్రెట్గా జరిగింది. జనవరి 23న అథియాని పెళ్లాడిన కెఎల్ రాహుల్, మరో రెండు రోజుల్లో టీమిండియాలో తిరిగి కలవబోతున్నాడట...
పెళ్లికి ముందు ఎంత కలిసి తిరిగినా, కలిసి ఇంగ్లాండ్ టూర్కి, జర్మనీ టూర్లకి వెళ్లినా పెళ్లి తర్వాత ముచ్ఛటగా మూడు రాత్రులు జరపడం ఆనవాయితీ, ఆచారం. అయితే ప్రస్తుతం న్యూజిలాండ్తో వన్డే,టీ20 సిరీస్ ఆడుతున్న భారత జట్టు, వచ్చే నెలలో ఆస్ట్రేలియాతో టెస్టు సిరీస్ ఆడనుంది...
KL Rahul
ఫిబ్రవరి 9 నుంచి ప్రారంభమయ్యే బోర్డర్ గవాస్కర్ ట్రోఫీ టెస్టు సిరీస్ విజయం టీమిండియాకి చాలా అవసరం. ఐసీసీ వరల్డ్ టెస్టు ఛాంపియన్షిప్ 2021-23 పాయింట్ల పట్టికలో రెండో స్థానంలో ఉన్న భారత జట్టు, ఈ టెస్టు సిరీస్లో కనీసం రెండు టెస్టులు గెలిస్తే ఫైనల్కి అర్హత సాధిస్తుంది...
KL Rahul
గత ఏడాదిని టెస్టు కెప్టెన్గా ఆరంభించిన కెఎల్ రాహల్, 2022లో చివరి టెస్టుకి కూడా కెప్టెన్సీ చేశాడు. సౌతాఫ్రికా టూర్లో జోహన్బర్గ్ టెస్టులో తాత్కాలిక కెప్టెన్గా మారిన కెఎల్ రాహుల్, రోహిత్ శర్మ గాయపడడంతో 2022 డిసెంబర్లో బంగ్లాదేశ్తో టెస్టు సిరీస్కి సారథ్యం వహించాడు...
KL Rahul
టెస్టుల్లో కీలక సభ్యుడిగా మారిన కెఎల్ రాహుల్, ఇండియా- ఆస్ట్రేలియా టెస్టు సిరీస్లో కీలకంగా మారబోతున్నాడు. దీంతో పెళ్లైన రెండు రోజులకే కెఎల్ రాహుల్, బీసీసీఐ క్యాంపులో కలిసి ప్రాక్టీస్ సెషన్స్లో పాల్గొనాల్సిందిగా సూచించదట టీమిండియా...
KL Rahul
సీక్రెట్గా పెళ్లి చేసుకున్నప్పటికీ, ఐపీఎల్ 2023 సీజన్ ముగిసిన తర్వాత ముంబైలో ఘనంగా మ్యారేజ్ బ్యాష్ నిర్వహించాలని అనుకుంటోంది రాహుల్ అండ్ సునీల్ శెట్టి ఫ్యామిలీ... ఆ పార్టీకి క్రికెట్, సినీ, రాజకీయ ప్రముఖులు హాజరుకాబోతున్నారు...
అలాగే ఐపీఎల్ 2023 ముగిసిన తర్వాత అంటే పెళ్లైన నాలుగు నెలలకు అఫిషియల్గా హానీమూన్ కోసం మాల్దీవుల్లో వాలబోతున్నారు రాహుల్ అండ్ అథియా శెట్టి. అయితే ఈ హానీమూన్ కూడా ఎక్కువ కాలం ఏం ఉండదు. ఎందుకంటే జూలై నెలాఖరులో ఐసీసీ వరల్డ్ టెస్టు ఛాంపియన్షిప్ ఫైనల్ మ్యాచ్ ఉంది...
ఆస్ట్రేలియాతో టెస్టు సిరీస్లో 2 టెస్టులు గెలిస్తే... టీమిండియా, వరల్డ్ టెస్టు ఛాంపియన్షిప్ ఫైనల్ మ్యాచ్కి అర్హత సాధిస్తుంది. దీంతో పెళ్లి తర్వాత హాడావుడిగా టీమిండియాలో చేరినట్టే, హానీమూన్ని కూడా త్వరగా ముగించుకుని మళ్లీ క్యాంపులో చేరాల్సి ఉంటుంది కెఎల్ రాహుల్..