ఫామ్‌లో ఉంటే అతను, కోహ్లీ రికార్డునే బ్రేక్ చేస్తాడు... కెఎల్ రాహుల్‌కి గౌతమ్ గంభీర్ కితాబు...

క్రికెట్‌లో గౌతమ్ గంభీర్ ఓ ప్లేయర్‌గా ఎంత గుర్తింపు తెచ్చుకున్నాడో, క్రికెట్ విశ్లేషకుడిగా దానికి పూర్తి భిన్నమైన గుర్తింపు సంపాదించుకున్నాడు. తాను ఎవరైతే బాగా ఆడతారని అంచనా వేస్తాడో, వాళ్లు ఆ మ్యాచులో ఘోరంగా ఫెయిల్ అవుతూ వస్తుండడంతో ఓ సెంటమెంట్ కూడా పుట్టుకొచ్చింది...

కెప్టెన్‌గా కేకేఆర్‌కి రెండు ఐపీఎల్ టైటిల్స్ అందించిన గౌతమ్ గంభీర్, కెఎల్ రాహుల్‌ను ప్రశంసల వర్షంలో ముంచేశాడు...

‘కెఎల్ రాహుల్‌ బెస్ట్ మనం ఇంతవరకూ చూడలేదు. అవును, అతను పరుగులు చేస్తున్నాడు, కానీ కెఎల్ రాహుల్‌లోని సత్తాలో అది సగానికి కూడా సరితూగదు...

విరాట్ కోహ్లీ 2016 సీజన్‌లో చేసినట్టుగా, కెఎల్ రాహుల్ కూడా పరుగుల వర్షం కురిపించగలడు. నా ఉద్దేశంలో కోహ్లీ రికార్డును బ్రేక్ చేయగల సత్తా ఉన్న క్రికెటర్ అతనే...

ఒకే సీజన్‌లో రెండు, మూడు సెంచరీలు బాదేసి, అద్భుతమైన స్ట్రైయిక్ రేటుతో ప్రత్యర్థిపై విరుచుకుపడగల సామర్థ్యం, సత్తా కెఎల్ రాహుల్‌కి ఉన్నాయి...’ అంటూ కామెంట్ చేశాడు గౌతమ్ గంభీర్...

ఐపీఎల్ 2020 సీజన్‌లో 14 మ్యాచుల్లో 670 పరుగులు చేసిన కెఎల్ రాహుల్, అత్యధిక పరుగులు చేసిన బ్యాట్స్‌మెన్‌గా ఆరెంజ్ క్యాప్ గెలిచాడు...

2021 సీజన్‌లోనూ 7 మ్యాచుల్లో 331 పరుగులు చేసి, లీగ్‌కి బ్రేక్ పడే సమయానికి టాప్ 2లో నిలిచాడు కెఎల్ రాహుల్. కడుపునొప్పితో బాధపడి, అపెండిక్స్ సర్జరీ జరగడంతో ఓ మ్యాచ్‌కి దూరమయ్యాడు కెఎల్ రాహుల్...

ఐపీఎల్ 2021 ఫేజ్ 2లో కెఎల్ రాహుల్‌పై భారీ అంచనాలే ఉన్నాయి. అయితే గౌతమ్ గంభీర్ కామెంట్లతో పంజాబ్ ఫ్యాన్స్ భయాందోళనలకు గురవుతున్నారు...

గౌతీ చేసిన కామెంట్ల ప్రభావం కెఎల్ రాహుల్‌పై పడితే, ఈ సీజన్‌లో అతని పర్ఫామెన్స్ తీవ్రంగా దెబ్బతింటుందని బాధపడుతున్నారు పంజాబ్ కింగ్స్ అభిమానులు...