KL Rahul: బర్త్ డే సర్​ప్రైజ్.. కూతురి పేరు రివీల్ చేసిన కేఎల్ రాహుల్.. ఆ పేరుకు అర్థమేంటి?

KL Rahul daughter Name: టీమిండియా స్టార్ బ్యాటర్ కేఎల్ రాహుల్-అతియా శెట్టిలు ఇటీవలే తల్లిదండ్రులు అయ్యారు. మార్చి 24న ఈ స్టార్ కపుల్ కు ఆడబిడ్డ పుట్టింది. తన బర్త్ డే రోజున మరో గుడ్ న్యూస్ చెబుతూ కూతురు పేరును రివీల్ చేశారు. ఆ పేరేంటి? దానికి అర్థమేంటో ఇప్పుడు తెలుసుకుందాం.

KL Rahul daughter Name: భారత క్రికెట జట్టు స్టార్ వికెట్ కీపర్ బ్యాట్స్‌మన్ కేఎల్ రాహుల్ ఇటీవలే తండ్రయ్యాడు. మార్చి 24న అతని భార్య ఆథియా శెట్టి పండంటి ఆడబిడ్డకు జన్మనిచ్చింది. ఈ విషయాన్ని వారిద్దరూ తమ అధికారిక ఇన్‌స్టాగ్రామ్ అకౌంట్ లో పోస్టు ద్వారా అభిమానులకు తెలిపారు. 

తన కూతురి పుట్టినరోజు కారణంగానే కేఎల్ రాహుల్ ఐపీఎల్ 2025 మొదటి మ్యాచ్‌ కు దూరం అయ్యాడు. ఢిల్లీ క్యాపిటల్స్ మొదటి మ్యాచ్‌కు ఒక రోజు ముందు రాత్రి అతనికి ఇంటి నుంచి పిలుపు రావడంతో, అతను తన భార్యను చూసుకోవడానికి ముంబై వెళ్లాడు. తాజాగా ఈ స్టార్ కపుల్ తమ కూతురి పేరును కూడా రివీల్ చేసింది. 

ఢిల్లీ క్యాపిటల్స్ తరపున ఆడుతున్న కేఎల్ రాహుల్ ప్రస్తుతం ఐపీఎల్ 2025లో జట్టుతో కలిసి ఉన్నాడు. తర్వాతి మ్యాచ్‌కు సన్నాహాలు చేస్తున్నాడు. ఈ నేపథ్యంలో అతను తన ఇన్‌స్టాగ్రామ్‌లో తన భార్య, కూతురితో కలిసి ఉన్న ఫోటోను షేర్ చేశాడు. 

ఈ ఫోటో సోషల్ మీడియాలో వైరల్ అవుతోంది. అతను తన కూతురి పేరును కూడా వెల్లడించాడు. ఒక ఫోటోలో రాహుల్ "మా కూతురు..అన్ని తానే ఇవారా-దేవుని ఆశీర్వాదం" అని రాశాడు. తన కూతురు పేరు ఇవారా గాకా, ఇది సంస్కృత పదం, దీని అర్థం దేవుని బహుమతి అని అర్థం. 

KL Rahul

2023లో అతను బాలీవుడ్ నటి ఆథియా శెట్టి వివాహం చేసుకున్నారు. వీరి వివాహం ఆథియా తండ్రి సునీల్ శెట్టి నిర్మించిన ఫామ్‌హౌస్‌లో జరిగింది.

వీరి వివాహానికి కుటుంబ సభ్యులు, అనేక మంది ప్రముఖులు హాజరయ్యారు. ఇద్దరూ ఒకరినొకరు ముందు నుంచే తెలుసు, డేటింగ్ లో ఉన్నారు. ఆ తర్వాత ఒకరినొకరు అర్థం చేసుకుని పెళ్లి చేసుకున్నారు. ఇప్పుడు దాదాపు ఏడాదిన్నర తర్వాత వారిద్దరూ తల్లిదండ్రులు అయ్యారు.

ఐపీఎల్ 2025లో మెరుపులు మెరిపిస్తున్న కేఎల్ రాహుల్ 

ఐపీఎల్ 2025 మెగా వేలంలో రాహుల్‌ను ఢిల్లీ క్యాపిటల్స్ 14 కోట్ల రూపాయలకు కొనుగోలు చేసింది. ఇండియన్ ప్రీమియర్ లీగ్ 18వ సీజన్‌లో కెఎల్ రాహుల్ అద్భుతమైన ఆటతో పరుగులు వరదపారిస్తున్నాడు. మొదటి మ్యాచ్‌ను మిస్ అయినప్పటికీ, ఆ తర్వాతి నుంచి మంచి ఇన్నింగ్స్ లతో అదరగొడుతున్నాడు.

ఇప్పటివరకు ఐదు మ్యాచ్‌లలో 59.50 అద్భుతమైన సగటుతో 238 పరుగులు చేశాడు. ఆర్‌సీబీపై అతను 93 పరుగుల సూపర్ నాక్ ఆడాడు. ఒంటిచేత్తో మ్యాచ్‌ను గెలిపించాడు. అతని స్ట్రైక్ రేట్ కూడా 154.54గా ఉంది.