మను భాకర్, డి గుకేష్ స‌హా న‌లుగురికి ఖేల్ ర‌త్న‌.. 32 మంది ఆటగాళ్లకు అర్జున అవార్డు

Khel Ratna Award 2024: భారత ప్రభుత్వం జాతీయ క్రీడా అవార్డు 2024ని ప్రకటించింది. పారిస్ ఒలింపిక్స్ లో డబుల్ మెడ‌ల్స్ గెలిచిన భార‌త‌ స్టార్ షూటర్ మను భాకర్ సహా నలుగురు ఆటగాళ్లకు మేజర్ ధ్యాన్ చంద్ ఖేల్ రత్న అవార్డు ఇవ్వాలని ప్ర‌భుత్వం నిర్ణయించింది. ఇందులో ఒలింపిక్ పతక విజేత మను భాకర్, ప్రపంచ చెస్ ఛాంపియన్ డి గుకేష్, భారత హాకీ జట్టు కెప్టెన్ హర్మన్‌ప్రీత్ సింగ్, పారాలింపిక్ బంగారు పతక విజేత ప్రవీణ్ కుమార్ లు ఉన్నారు. అలాగే, 32 మంది క్రీడాకారులు అర్జున అవార్డులు అందుకోనున్నారు.

ఈ అవార్డులను 17 జనవరి 2025న రాష్ట్రపతి భవన్‌లో ఏర్పాటు చేయ‌నున్న‌ ప్రత్యేక కార్యక్రమంలో భారత రాష్ట్రపతి క్రీడాకారుల‌కు ప్రదానం చేస్తారు. కమిటీ సిఫార్సులు, వివరణాత్మక విచారణ తర్వాత క్రీడా మంత్రిత్వ శాఖ ఈ ఆటగాళ్లను అవార్డుల కోసం ఎంపిక చేసింది.

మేజర్ ధ్యాన్ చంద్ ఖేల్ రత్న అవార్డు అందుకోబోయే ప్లేయ‌ర్లు వీరే

1. గుకేశ్ డి - చదరంగం
2. హర్‌మన్‌ప్రీత్ సింగ్ - హాకీ
3. ప్రవీణ్ కుమార్ - పారా-అథ్లెటిక్స్
4. మను భాకర్ - షూటింగ్

32 మంది క్రీడాకారులు అర్జున అవార్డులు

17 మంది పారా అథ్లెట్లతో పాటు మొత్తం 32 మంది ఆటగాళ్లను క్రీడా మంత్రిత్వ శాఖ 2024 సంవత్సరానికి అర్జున అవార్డుకు ఎంపిక చేసింది. ఈ అవార్డుల ద్వారా ప్రభుత్వం క్రీడాకారుల అత్యుత్తమ విజయాలను సత్కరించే ప్రయత్నం చేసింది. ఈ అవార్డు క్రీడాకారుల కృషికి, అంకిత భావానికి నిదర్శనం మాత్రమే కాకుండా యువ తరానికి స్ఫూర్తినిస్తుందని క్రీడా మంత్రిత్వ శాఖ ఒక ప్ర‌క‌ట‌న‌లో పేర్కొంది. అవార్డుల ప్రదానోత్సవంలో ప‌లు క్రీడ‌ల కోచ్‌లు, విశ్వవిద్యాలయాలు, క్రీడా సంస్థలను కూడా సత్కరించనున్నారు.
 

అర్జున అవార్డులు అందుకోబోయే క్రీడాకారులు వీరే (2024 ఏడాదికి గానూ)

1.      జ్యోతి యర్రాజి - అథ్లెటిక్స్
2.      అన్ను రాణి - అథ్లెటిక్స్
3.      నీతు - బాక్సింగ్
4.      సవీతి - బాక్సింగ్
5.      వంతిక అగ్రవాల్ - చదరంగం
6.      సలీమా తీతె - హాకీ
7.      అభిషేక్ - హాకీ
8.      సంజయ్ - హాకీ
9.      జర్మన్‌ప్రీత్ సింగ్ - హాకీ
10.      సుఖ్‌జీత్ సింగ్ - హాకీ
11.      రాకేశ్ కుమార్ - పారా-ఆర్చరీ
12.      ప్రీతి పల్ - పారా-అథ్లెటిక్స్
13.      జీవన్‌జీ దీప్తి - పారా-అథ్లెటిక్స్
14.      అజీత్ సింగ్ - పారా-అథ్లెటిక్స్
15.      సచిన్ సర్జెరావ్ ఖిలాడీ - పారా-అథ్లెటిక్స్
16.      ధరంబీర్ - పారా-అథ్లెటిక్స్
17.      ప్రణవ్ సూర్మా - పారా-అథ్లెటిక్స్
18.      హెచ్. హొకాతొ సీమా - పారా-అథ్లెటిక్స్
19.      సిమ్‌రన్ - పారా-అథ్లెటిక్స్
20.      నవ్‌దీప్ - పారా-అథ్లెటిక్స్
21.      నితేశ్ కుమార్ - పారా-బాడ్మింటన్
22.      తులసిమతి మురుగేశన్ - పారా-బాడ్మింటన్
23.      నిత్య శ్రీ సుమతి శివన్ - పారా-బాడ్మింటన్
24.      మనీషా రామదాస్ - పారా-బాడ్మింటన్
25.      కపిల్ పర్‌మార్ - పారా-జూడో
26.      మోనా అగర్వాల్ - పారా-షూటింగ్
27.      రుబీనా ఫ్రాన్సిస్ - పారా-షూటింగ్
28.      స్వప్నిల్ సురేశ్ కుశలే - షూటింగ్
29.      సరబ్‌జోత్ సింగ్ - షూటింగ్
30.      అభయ్ సింగ్ - స్క్వాష్
31.      సాజన్ ప్రకాశ్ - ఈత
32.      అమన్ - కుస్తీ
 

2024వ సంవత్సరంలో క్రీడలు, ఆటలలో అసాధారణ ప్రదర్శనకు గాను అర్జున (జీవనకాల) పురస్కారాలు

1. శుచ సింగ్ - అథ్లెటిక్స్

2. మురళీకాంత్ రాజారామ్ పేట్‌కర్ - పారా-స్విమింగ్

2024వ సంవత్సరంలో క్రీడలు, ఆటలలో అసాధారణ ప్రదర్శనకు గాను ద్రోణాచార్య  పురస్కారం

రెగ్యులర్ కేటగిరీ:

1. సుభాష్ రాణా - పారా-షూటింగ్

2. దీపాలి దేశ్‌పాండే - షూటింగ్

3. సందీప్ సంగ్‌వాన్ - హాకీ

జీవనకాల కేటగిరీ:

1. ఎస్. మురళీధరన్ - బాడ్మింటన్

2. అమన్‌దో ఏంజెలొ కొలాకొ - ఫుట్‌బాల్

 రాష్ట్రీయ ఖేల్ ప్రోత్సాహన్ పురస్కార్: 

1. ఫిజికల్ ఎడ్యుకేషన్ ఫౌండేషన్ ఆఫ్ ఇండియా (సంస్థ‌)

 2024వ సంవత్సరానికి మౌలానా అబుల్ కలామ్ ఆజాద్ (ఎంఏకేఏ) ట్రోఫీ:

1. చండీగఢ్ విశ్వవిద్యాలయం - విజేత‌
2. లవ్‌లీ ప్రొఫెషనల్ యూనివర్సిటీ, పీబీ - 1 ర‌న్న‌ర‌ప్
3. గురు నానక్ దేవ్ యూనివర్సిటీ, అమృత్‌సర్ - 2 ర‌న్న‌ర‌ప్