తెల్లగా ఉన్నానని ఎక్కడ పడితే అక్కడ రంగు పూశారు.. కొంపదీసి ఇది ఇలాగే ఉంటుందా: ఆర్సీబీ ఆల్‌రౌండర్ వింత ప్రశ్న

WPL: దేశవ్యాప్తంగా హోలీ సంబురాలు ఘనంగా జరిగాయి. ముంబై వేదికగా జరుగుతున్న ఉమెన్స్ ప్రీమియర్ లీగ్ (డబ్ల్యూపీఎల్) లోని ఐదు ఫ్రాంచైజీలకు చెందిన ఆటగాళ్లు సప్తవర్ణాల్లో మునిగితేలారు.

రంగుల పండుగ హోలీని మంగళవారం దేశ ప్రజలు ఘనంగా జరుపుకున్నారు. తమ  ఇరుగుపొరుగువారిపై రంగులు చల్లుకుంటూ సంబురాలు జరుపుకున్నారు. దేశ ప్రజలతో పాటే  ముంబై వేదికగా జరుగుతున్న ఉమెన్స్ ప్రీమియర్ లీగ్  లోని ఐదు ఫ్రాంచైజీల ఆటగాళ్లూ  వారి హోటల్స్ లో  హోలీని సెలబ్రేట్ చేసుకున్నారు. 

ఐపీఎల్ లో మాదిరిగానే డబ్ల్యూపీఎల్ లో కూడా  విపరీతమైన క్రేజ్ ఉన్న  రాయల్ ఛాలెంజర్స్ బెంగళూరు జట్టు క్యాంప్ లో కూడా  హోలీ వేడుకలు ఘనంగా జరిగాయి.  కెప్టెన్ స్మృతి మంధానతో పాటు  జట్టు ఆటగాళ్లంతా ఒకరిపై ఒకరు రంగులు చల్లుకుని  ఎంజాయ్ చేశారు. 

RCB, Holi, WPL

ఈ క్రమంలో ఆర్సీబీ ఆల్ రౌండర్, ఆస్ట్రేలియాకు చెందిన ఎలీస్  పెర్రీని టీమ్ మెంబర్స్ రంగుల్లో ముంచెత్తారు.   సప్తవర్ణాలు  ఆమె శరీరంపై భాగమయ్యాయా అన్నంతగా రంగులు చల్లారు. ఇందుకు సంబంధించిన ఫోటోలను  ఆర్సీబీ సోషల్ మీడియాలో కూడా షేర్ చేసింది.  స్మృతి మంధాన, రిచా ఘోష్, ఎలీస్ పెర్రీ, హీథర్ నైట్,  సోఫీ డెవిన్, రేణుకా సింగ్ ఠాకూర్ ల ఫోటోలు నెట్టింట హల్చల్ సృష్టిస్తున్నాయి. 

తాజాగా పెర్రీ  ఇన్‌స్టా స్టోరీస్ లో.. ‘పూయడమైతే పూశారు గానీ  ఇది  (రంగు) పోతుందా..?  రెండు సార్లు  జట్టు కడుక్కున్నా ఈ రంగు పోవడం లేదు.  కొంపదీసి ఇది ఇలాగే ఉండిపోదు కదా..’ అని  రాసుకొచ్చింది. 

పెర్రీతో పాటు  ఇంగ్లాండ్ సారథి హీథర్ నైట్ కూడా ఇదే రకమైన కామెంట్స్ చేసింది.  ‘నా జట్టుకు పింక్ హోలీ పౌడర్ అంటుకుంది.  దీంతో నా జట్టు మొత్తం  పింగ్ గా మారిపోయింది.  ఇప్పుడు ఇది పోవడమెలా..? ఎవరైనా తెలిస్తే చెప్పరా ప్లీజ్..’అని   ట్విటర్ లో  కామెంట్ పెట్టింది.