Sunil Narine : ఎంత మోసం... ఎంత మోసం : ఇతగాడు హిట్టింగ్ కోసం ఇంతకు తెగించాడా..! అందరిముందే అడ్డంగా బుక్

సునీల్ నరైన్... ఒకప్పుడు కేవలం బౌలర్ కాస్త ఇప్పుడు ఆల్ రౌండర్ గా మారిపోయాడు. ఇంకా చెప్పాలంటే ప్రస్తుతం అతడు బౌలర్ కంటే బ్యాట్ మెన్ గా అద్భుతంగా రాణిస్తున్నాడు. అతడిలోని హిట్టర్ ను బయటకు తీసుకువచ్చింది ఐపిఎల్ అనే చెప్పాలి. అలాంటి మెగా టోర్నీలో ఈ కెకెఆర్ ప్లేయర్ ఇల్లీగల్ బ్యాట్ ను ఉపయోగించడం ప్రస్తుతం చర్చనీయాంశంగా మారింది. 

Sunil Narine

IPL 2025 : ఇండియన్ ప్రీమియర్ లీగ్ 2025 లో గత మంగళవారం (ఏప్రిల్ 15) ఆసక్తికరమైన మ్యాచ్ జరిగింది. డిపెండింగ్ ఛాంపియన్ కోల్‌కతా నైట్ రైడర్స్, పంజాబ్ కింగ్స్ మధ్య మ్యాచ్ ఉత్కంఠభరితంగా సాగింది. లోస్కోరింగ్ మ్యాచ్ కావడంతో పరుగు పరుగుకు ఉత్కంఠ మరింత పెరిగింది. పంజాబ్ విసిరిన 112 పరుగుల లక్ష్యాన్ని చేధించేందుకు కెకెఆర్ రంగంలోకి దిగుతుండగా ఆసక్తికర సంఘటన చోటుచేసుకుంది.   

కోల్‌కతా ఓపెనర్ సునీల్ నరైన్ మైదానంలో అడుగుపెట్టడానికి సిద్దమవగా అతడివద్దకు అంపైర్ చేరుకున్నాడు. నరైన చేతిలోని బ్యాట్ కాస్త అనుమానాస్పదంగా కనిపించడంతో వెంటనే చెక్ చేసాడు. దీంతో ఆ బ్యాట్ ఐపిఎల్ రూల్స్ కు విరుద్దంగా ఉందని తేలింది. వెంటనే బ్యాట్ చేంజ్ చేయాల్సిందిగా అంపైర్ సూచించడంతో నరైన్ కంగుతిన్నాడు. అంపైర్ చెప్పినట్లే బ్యాట్ మార్చి బరిలోకి దిగిన నరైన్ కేవలం 5 పరుగులు మాత్రమే చేసి ఔటయ్యాడు. 

చండీగడ్ లోని ముల్లన్ పూర్ లో జరిగిన ఈ మ్యాచ్ లో పంజాబ్ అద్భుత విజయాన్ని అందుకుంది. కేవలం 111 పరుగులను కాపాడుకుని పంజాబ్ విజయం సాధించడం అందరినీ ఆశ్చర్యానికి గురిచేసింది. భారీ బ్యాటింగ్ లైనప్ కలిగిన కెకెఆర్ కేవలం 112 పరుగుల విజయలక్ష్యాన్ని చేధించలేకపోయింది.  

ఈ పరాజయం, నరైన్ బ్యాట్ వివాదం నేపథ్యంలో కెకెఆర్ పై ట్రోలర్స్ రెచ్చిపోతున్నారు. 'ఇంతకాలం ఈ బండబ్యాట్ తో హిట్టింగ్ చేసావా నరైన్... ఇంకా మేము నిజంగానే నీకు ఇంత ట్యాలెంట్ ఉందని అనుకున్నాం' అంటూ కొందరు... 'ఎంత మోసం, ఎంత మోసం...ఐపిఎల్ నిర్వహకులను  మోసం చేసి హిట్టర్ గా పేరుతెచ్చుకున్నాడు' అంటూ మరికొందరు నెటిజన్లు సునీల్ నరైన్  పై విమర్శలు గుప్పిస్తున్నారు. 

KKR

నరైన్ బాటలోనే నార్ట్జే : 

గత మంగళవారం పంజాబ్ తో జరిగిన మ్యాచ్ లో కెకెఆర్ ఆటగాడు నరైన్ మాత్రమే కాదు నార్ట్జే కూడా అడ్డంగా బుక్కయ్యాడు. మ్యాచ్ ఆరంభంలో నరైన్ ఐపిఎల్ రూల్స్ కు విరుద్దంగా ఉన్న బ్యాట్ ను వాడుతూ పట్టుబడితే.... చివర్లో నార్ట్జే కూడా ఇలాగే పట్టుబడ్డాడు.  11వ స్థానంలో బ్యాటింగ్ కు దిగిన కెకెఆర్ ప్లేయర్ నార్ట్జే బ్యాట్ ను అంపైర్ చెక్ చేయగా నిబంధనలకు విరుద్దంగా ఉందని తేలింది. దీంతో అతడు బ్యాట్ మార్చి బరిలోకి దిగక తప్పలేదు. 

ఈ బ్యాట్ వివాదం కారణంగా కొద్దిసేపు మ్యాచ్ నిలిచిపోయింది. అయితే కొత్త బ్యాట్ తో నార్ట్జే ఒక్క బంతిని కూడా ఎదుర్కోలేదు. ఆండ్రీ రస్సెల్ చివరి వికెట్ గా వెనుదిరగడంతో కెకెఆర్ ఆలౌట్ అయ్యింది. . మొదట బ్యాటింగ్ చేసిన పంజాబ్ 111 పరుగులకే ఆలౌట్ కాగా, కోల్ కతా 95 పరుగులకే ఆలౌట్ అయ్యింది. ఇలా 16 పరుగుల తేడాతో పంజాబ్ ఊహించని విజయం సాధించింది. 

IPL 2025

ఐపిఎల్ రూల్స్ ప్రకారం బ్యాట్ ఎలా ఉండాలి?  

ఇండియన్ ప్రీమియర్ లీగ్ అంటేనే ధనాధన్ బ్యాటింగ్ గుర్తుకువస్తుంది. క్రీజులో అడుగు పెడుతూనే ఆటగాళ్లు హిట్టింగ్ స్టార్ట్ చేస్తారు. ఇందుకోసం కొందరు ఆటగాళ్లు నిబంధనకు విరుద్దంగా ఉండే బ్యాట్స్ ను వాడుతున్నారని ఐపిఎల్ నిర్వహకులు గుర్తించారు. దీంతో బ్యాట్ కు సంబంధించి కొత్త రూల్స్ తీసుకువచ్చారు.

ఐపిఎల్ నిబంధనల ప్రకారం బ్యాట్ వెడల్పు 10.79 సెంటిమీటర్లు మించకూడదు. అలాగే బ్లేడ్ 67. సెం.మీ కంటే మందంగా ఉండకూడదు. బ్యాట్ అంచు 4 సెం.మీ లోపు ఉండాలి. బ్యాట్ మొత్తం పొడవు 96.4 సెంటిమీటర్లు ఉండాలి. ఈ కొలతలు కలిగిన బ్యాట్ నే అంగీకరిస్తారు... అందువల్లే బ్యాటింగ్ కు వచ్చేముందు ప్రతి ఆటగాడి బ్యాట్ ను చెక్ చేస్తున్నారు. ఇందుకోసం అపైర్ల వద్ద ప్రత్యేక సాధనం ఉంటోంది. దీంతో చాలా ఈజీగా బ్యాట్ ను చెక్ చేస్తున్నారు.