KL Rahul: ఐపీఎల్ లో 5వ సెంచరీతో కేఎల్ రాహుల్ సాధించిన రికార్డులు ఇవే

KL Rahul: భారత స్టార్ బ్యాట్స్‌మన్ కేఎల్ రాహుల్ ఐపీఎల్‌లో 5వ సెంచరీ సాధించాడు. ఐపీఎల్ 2025లో గుజరాత్ టైటాన్స్‌తో జరిగిన 60వ మ్యాచ్‌లో ఢిల్లీ క్యాపిటల్స్‌కు ఓపెన‌ర్ గా వ‌చ్చిన కేఎల్ రాహుల్ 60 బంతుల్లో ఈ సెంచరీని పూర్తి చేశాడు. త‌న సెంచరీతో అనేక రికార్డులు సాధించాడు.   

KL Rahul

KL Rahul Century: ఐపీఎల్‌లో భారత స్టార్ బ్యాట్స్‌మన్ కేఎల్ మరో సెంచరీ సాధించాడు. ఇది అతని ఐపీఎల్ కెరీర్‌లో 5వ సెంచరీ. ఐపీఎల్ 2025 60వ మ్యాచ్ లో గుజరాత్ టైటాన్స్‌తో ఢిల్లీ క్యాపిట‌ల్స్ త‌ల‌ప‌డింది. కేఎల్ రాహుల్ 60 బంతుల్లో ఈ సెంచరీని పూర్తి చేశాడు.

ఫోర్ కొట్టి త‌న సెంచ‌రీని పూర్తి చేసిన కేఎల్ రాహుల్ మొత్తంగా 65 బంతులు ఎదుర్కొని 112 పరుగులు చేశాడు. 172 డెడ్లీ స్ట్రైక్ రేట్‌తో సాగిన అత‌ని బ్యాటింగ్ లో 14 ఫోర్లు, 4 సిక్స‌ర్లు బాదాడు. కేఎల్ రాహుల్ ఐపీఎల్ 2022 తర్వాత సాధించిన ఐపీఎల్ సెంచరీ ఇది. 

ఇది రాహుల్ కు 5వ ఐపీఎల్ సెంచరీ. 2022 సీజన్ తర్వాత ఈ టోర్నమెంట్ లో అతని మొదటి సెంచరీ. ఐపీఎల్ చరిత్రలో అత్యధిక సెంచరీలు చేసిన బ్యాట్స్‌మెన్ జాబితాలో రాహుల్ ఇప్పుడు నాల్గవ స్థానానికి చేరుకున్నాడు.

కేఎల్ రాహుల్ నాలుగు సెంచరీలతో తనతో సమానంగా ఉన్న శుభ్‌మాన్ గిల్‌ను అధిగమించాడు. ఐపీఎల్ 2025లో ప్రియాంష్ ఆర్య, ఇషాన్ కిషన్, వైభవ్ సూర్యవంశీ, అభిషేక్ శర్మలతో పాటు సెంచరీ చేసిన 5వ బ్యాట్స్‌మెన్‌గా కేఎల్ రాహుల్ నిలిచాడు. టీ20 క్రికెట్‌లో కేఎల్ రాహుల్‌కు ఇది 7వ సెంచరీ.

14 ఫోర్లు, 4 సిక్సర్లు.. 172  స్ట్రైక్ రేట్ తో 112 పరుగులు

ఇన్నింగ్స్‌ను ఓపెనర్‌గా బరిలోకి దిగిన కేఎల్ రాహుల్ అద్భుతంగా బ్యాటింగ్ చేసి సెంచరీ సాధించాడు. ఈ సెంచరీ ఇన్నింగ్స్‌లో రాహుల్ 65 బంతులు ఎదుర్కొని 112 పరుగులు చేసి చివరి వరకు నాటౌట్‌గా నిలిచాడు. ఈ తుఫాను ఇన్నింగ్స్‌లో అతను 14 ఫోర్లు, 4 సిక్సర్లు కూడా కొట్టాడు. ఈ అద్భుతమైన ప్రదర్శన సమయంలో అతని స్ట్రైక్ రేట్ 172గా ఉంది. గుజరాత్‌పై అత్య‌ధిక వ్యక్తిగ‌త స్కోర్ చేసిన ఏ బ్యాట్స్‌మన్ గా కేఎల్ రాహుల్ నిలిచాడు. 2023 సీజన్ ప్రారంభంలో ముంబై ఇండియన్స్ బ్యాట్స్‌మన్ సూర్యకుమార్ యాదవ్ వాంఖడేలో 103* పరుగులు చేశాడు, ఇది అత్యధిక వ్యక్తిగత స్కోరు.

KL Rahul (Photo: @DelhiCapitals/X)

ఐపీఎల్‌లో అత్యధిక సెంచరీలు చేసిన 5 మంది బ్యాట్స్‌మెన్‌లు

1. విరాట్ కోహ్లీ - 8 సెంచరీలు
2. జోస్ బట్లర్ - 7 సెంచరీలు
3. క్రిస్ గేల్ - 6 సెంచరీలు
4. కెఎల్ రాహుల్ - 5 సెంచరీలు
5. శుభ్‌మాన్ గిల్ - 4 సెంచరీలు

టీ20ల్లో అత్యధిక సెంచరీలు-భార‌త ప్లేయ‌ర్లు 

విరాట్ కోహ్లీ - 9
రోహిత్ శర్మ - 8
అభిషేక్ శర్మ - 7
కేఎల్ రాహుల్ - 7

KL Rahul (Photo- IPL)

మూడు జ‌ట్ల‌కు సెంచ‌రీలు చేసిన  తొలి బ్యాట్స్‌మన్ కేఎల్ రాహుల్ 

ఐపీఎల్‌లో మూడు జట్ల తరపున సెంచరీ చేసిన తొలి బ్యాట్స్‌మన్‌గా కేఎల్ రాహుల్ నిలిచాడు. అతనికి ముందు, ఐపీఎల్‌లో ఎవరూ ఈ ఘనతను సాధించలేకపోయారు. పంజాబ్ కింగ్స్ తరపున 2 సెంచరీలు, లక్నో సూపర్ జెయింట్స్ తరపున 2 సెంచరీలు చేశాడు. ఇప్పుడు ఢిల్లీ క్యాపిట‌ల్స్ తరపున ఆడుతూ సెంచరీ చేశాడు.

కేఎల్ రాహుల్ చేసిన 5 ఐపీఎల్ సెంచరీలు ఇవే 

100* (64) పంజాబ్ కింగ్స్ vs ముంబై ఇండియన్స్, 2019
132* (69) పంజాబ్ కింగ్స్ vs రాయల్ ఛాలెంజర్స్ బెంగళూరు, 2020
103* (60) లక్నో సూపర్ జెయింట్స్ vs ముంబై ఇండియన్స్, 2022
103* (62) లక్నో సూపర్ జెయింట్స్ vs ముంబై ఇండియన్స్, 2022
112* (65) ఢిల్లీ క్యాపిటల్స్ vs గుజరాత్ టైటాన్స్, 2025