IPL 2021 MI vs KKR: కేకేఆర్‌పై రోహిత్ శర్మ రికార్డు మోత... డకౌట్‌తో మొదలెట్టి...
ఐపీఎల్ 2021 ఫేజ్‌లో భాగంగా కోల్‌కత్తా నైట్‌రైడర్స్‌తో జరిగిన మ్యాచ్‌లో బౌండరీతో ఇన్నింగ్స్ మొదలెట్టిన ‘హిట్ మ్యాన్’ రోహిత్ శర్మ... అరుదైన రికార్డులు తన ఖాతాలో వేసుకున్నాడు... ఐపీఎల్‌లో ఒకే ప్రత్యర్థిపై 1000+ పరుగులు పూర్తిచేసుకున్న ప్లేయర్‌గా నిలిచాడు రోహిత్ శర్మ...
Rohit Sharma-Photo Credit BCCI
ఐపీఎల్‌లో ఒకే ఫ్రాంఛైజీపై 1000+ పరుగులు పూర్తిచేసుకున్న మొట్టమొదటి ప్లేయర్‌గా రికార్డు క్రియేట్ చేశాడు రోహిత్ శర్మ... కేకేఆర్‌పై రోహిత్ శర్మ 1000+ పరుగులు చేశాడు...
పంజాబ్ కింగ్స్‌పై 943 పరుగులు చేసిన డేవిడ్ వార్నర్, కోల్‌కత్తా నైట్‌రైడర్స్‌పై 915 పరుగులు చేశాడు. ఢిల్లీ క్యాపిటల్స్‌పై 909 పరుగులు చేసిన విరాట్ కోహ్లీ, చెన్నై సూపర్ కింగ్స్‌పై 895 పరుగులు చేసి తర్వాతి స్థానాల్లో ఉన్నారు...
ఐపీఎల్‌లో మొదటి బంతికి ఫోర్ బాదడం రోహిత్ శర్మకి ఇది నాలుగో సారి. ఇంతకుముందు 2016లో సందీప్ శర్మ, 2019, 2020లో దీపక్ చాహార్ బౌలింగ్‌లో మొదటి బంతికే బౌండరీ బాదిన రోహిత్, నేటి మ్యాచ్‌లో నితీశ్ రాణా బౌలింగ్‌లో ఫస్ట్ బాల్‌కి ఫోర్ కొట్టాడు...
ఒకే ప్రత్యర్థిపై 1000+ పరుగులు మాత్రమే కాకుండా కేకేఆర్‌పై 100+ ఫోర్లు కొట్టిన మొట్టమొదటి ప్లేయర్‌గానూ రికార్డు క్రియేట్ చేశాడు రోహిత్ శర్మ... శిఖర్ ధావన్, పంజాబ్‌పై ఈ ఫీట్ సాధించాడు.
అంతేకాకుండా కేకేఆర్‌తో జరిగిన మ్యాచ్‌ ద్వారా 5500+ ఐపీఎల్ పరుగులు పూర్తిచేసుకున్నాడు రోహిత్ శర్మ. విరాట్ కోహ్లీ 6081, శిఖర్ ధావన్ 5619 పరుగులతో రోహిత్ కంటే ముందున్నారు...
కేకేఆర్‌పై 1000+ పరుగులు పూర్తిచేసుకున్న రోహిత్ శర్మ, ఈ ఫ్రాంఛైజీతో ఆడిన తన మొట్టమొదటి మ్యాచ్‌లో డకౌట్ అయ్యాడు...
2008లో డెక్కన్ ఛార్జర్స్ తరుపున ఆడిన రోహిత్ శర్మ, కోల్‌కత్తా నైట్‌రైడర్స్ బౌలర్ మురళీ కార్తీక్ బౌలింగ్‌లో మూడు బంతులు ఎదుర్కొని డకౌట్ అయ్యాడు...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
