IND vs PAK: భారత్ vs పాకిస్థాన్.. గెలుపు ఎవరిది? హెడ్ టు హెడ్ రికార్డులు చూస్తే షాక్ అవ్వాల్సిందే !

IND vs PAK : ఐసీసీ ఉమెన్స్ టీ20 వరల్డ్ కప్ 2026లో భారత్-పాకిస్థాన్ జట్లు తలపడుతున్నాయి. ఈ హై-వోల్టేజ్ మ్యాచ్‌లో ఇరు జట్ల హెడ్-టు-హెడ్ రికార్డులు, గత ప్రదర్శనల ఎలా ఉన్నాయో ఇక్కడ తెలుసుకుందాం.

Image Credit : X/ICC

టీ20 వరల్డ్ కప్ లో భారత్ vs పాక్ పోరు

ఐసీసీ ఉమెన్స్ టీ20 వరల్డ్ కప్ 2026లో భాగంగా ఆదివారం భారత్, పాకిస్థాన్ జట్లు తలపడుతున్నాయి. క్రికెట్ ప్రపంచంలో భారత్-పాకిస్థాన్ మ్యాచ్ అంటేనే ఒక రకమైన ఉత్కంఠ. మహిళల క్రికెట్‌లో కూడా ఈ దాయాదుల పోరుకు ఉన్న క్రేజ్ అంతా ఇంతా కాదు. ఇరు జట్లు మైదానంలోకి దిగుతున్నాయంటే అభిమానులకు పండగే.

Image Credit : Getty

కేవలం ఐసీసీ టోర్నీల్లోనే పోరు

పురుషుల క్రికెట్ మాదిరిగానే, మహిళల క్రికెట్‌లో కూడా భారత్, పాకిస్థాన్ జట్లు ద్వైపాక్షిక సిరీస్‌లలో తలపడవు. కేవలం ఐసీసీ టోర్నమెంట్లు, ఆసియా కప్, ఇతర బహుళ దేశాల టోర్నీలలోనే వీరు ముఖాముఖి తలపడతారు. ఈ కారణంగానే గత కొన్నేళ్లుగా ఇరు జట్లు కేవలం 16 టీ20 అంతర్జాతీయ మ్యాచ్‌లలో మాత్రమే ఒకరినొకరు ఎదుర్కొన్నాయి. వీరి మధ్య మొదటి టీ20 మ్యాచ్ 2009లో జరిగింది.

Image Credit : X/BCCIWomen

టీ20ల్లో భారత్ ఆధిపత్యం

హెడ్ టు హెడ్ రికార్డులను పరిశీలిస్తే, పాకిస్థాన్‌పై భారత్ స్పష్టమైన ఆధిపత్యాన్ని ప్రదర్శిస్తోంది. ఇప్పటివరకు జరిగిన 16 టీ20I మ్యాచ్‌లలో భారత్ 13 సార్లు విజయం సాధించగా, పాకిస్థాన్ కేవలం మూడు మ్యాచ్‌లలో మాత్రమే గెలిచింది. 2009 జూన్ 13న టాంటన్ లో జరిగిన మ్యాచ్‌లో భారత్ 5 వికెట్ల తేడాతో పాకిస్థాన్‌ను ఓడించి, తమ విజయ ప్రస్థానాన్ని మొదలుపెట్టింది.

Image Credit : X/ICC

వరల్డ్ కప్‌లో గెలుపు లెక్కలు ఇవే

టీ20 వరల్డ్ కప్ చరిత్రను చూస్తే, ఇరు జట్లు ఇప్పటివరకు ఎనిమిది సార్లు తలపడ్డాయి. ఇందులో భారత్ ఆరు మ్యాచ్‌లలో గెలవగా, పాకిస్థాన్ రెండు మ్యాచ్‌లలో విజయం సాధించింది. 2012, 2016 వరల్డ్ కప్‌లలో మాత్రమే పాకిస్థాన్ భారత్‌ను ఓడించగలిగింది. మిగిలిన 2009, 2010, 2014, 2018, 2023, 2024 ఎడిషన్లలో పాకిస్థాన్‌ను భారత్ మట్టికరిపించింది.

Image Credit : X/ICC

పాకిస్థాన్ కు మళ్లీ షాక్ తప్పదా?

పాకిస్థాన్ టీమ్ భారత్‌పై టీ20Iలో తమ మొదటి విజయాన్ని 2012 అక్టోబర్‌లో గాలేలో సాధించింది. ఆ మ్యాచ్‌లో పాకిస్థాన్ కేవలం ఒక్క పరుగు తేడాతో గెలిచి సంచలనం సృష్టించింది. ఆ తర్వాత 2016లో మరోసారి భారత్‌పై విజయం సాధించింది. కానీ, ఆ తర్వాత భారత్ వరుస విజయాలతో పాకిస్థాన్‌ను దెబ్బతీస్తూ వస్తోంది.

హర్మన్‌ప్రీత్ కౌర్ సారథ్యంలోని భారత మహిళా జట్టు, తన పాత రికార్డులను కొనసాగిస్తూ మరో విజయాన్ని అందుకోవాలని ఉవ్విళ్లూరుతుంటే, పాకిస్థాన్ జట్టు గెలుపు కోసం తీవ్రంగా శ్రమిస్తోంది.