IND vs NZ: విరాట్ కోహ్లీ స‌హా అంద‌రూ షాక్.. బాప్ రే.. ఏం ప‌ట్టాడు మామ.. గ్లెన్ ఫిలిప్స్ క్యాచ్ అదిరిపోయింది !

India vs New Zealand: దుబాయ్‌లో జరిగిన ఛాంపియన్స్ ట్రోఫీ 2025 భార‌త్-న్యూజిలాండ్ మ్యాచ్ లో ఒక్క‌సారిగా త‌న అద్భుత‌మైన క్యాచ్ తో గ్రౌండ్ ను షాక్ గురిచేసి సైలెంట్ చేశాడు గ్లెన్ ఫిలిప్స్. త‌న స్టన్నింగ్ క్యాచ్ తో విరాట్ కోహ్లీకి షాక్ ఇచ్చాడు.  

India vs New Zealand Champions Trophy 2025: ఐసీసీ ఛాంపియన్స్ ట్రోఫీ 2025లో భార‌త్-న్యూజిలాండ్ మ్యాచ్ ఉత్కంఠ‌ను పెంచుతూ సాగుతోంది. ఈ మ్యాచ్ లో న్యూజిలాండ్ అద్భుత‌మైన బౌలింగ్ తో అద‌ర‌గొడుతోంది. ఈ క్ర‌మంలోనే మ‌రోసారి గ్లెన్ ఫిలిప్స్ "ఎనీ సెంట‌ర్ సింగిల్ హ్యాండ్ క్యాచ్" అంటూ గాళ్లోకి ఎగిరి ఒంటిచేత్తో అద్భుత‌మైన క్యాచ్ ప‌ట్టాడు. దీంతో అప్ప‌టివ‌ర‌కు 'ఇండియా ఇండియా.. కోహ్లీ కోహ్లీ' అంటూ హోరెత్తిన గ్రౌండ్ సైలెంట్ అయింది. 

Glenn Phillips vs Virat Kohli

ఎనీ సెంట‌ర్ సింగిల్ హ్యాండ్ క్యాచ్.. గ్లెన్ ఫిలిప్స్ 

విరాట్ కోహ్లీ త‌న 300వ వ‌న్డే మ్యాచ్ మ‌రో అద్భుత‌మైన ఇన్నింగ్స్ ను ఆశించిన క్రికెట్ ల‌వ‌ర్స్ కు నిరాశే ఎదురైంది. ఈ మ్యాచ్ లో దూకుడుగా క‌నిపించిన విరాట్ కోహ్లీ 11 ప‌రుగుల వ‌ద్ద బిగ్ షాట్ ఆడ‌బోయి క్యాచ్ రూపంలో దొరికిపోయాడు. 

ఇన్నింగ్స్ 7వ ఓవ‌ర్ లో మ్యాట్ హెన్రీ 4వ బంతిని ఆఫ్ స్టంప్ కు వైడ్ గా ఉన్న లెంగ్త్ బాల్  వేశాడు. దానిని కింగ్ కోహ్లీ వికెట్ కు స్క్వేర్ గా బిగ్ షాట్ కొట్టాడు. అయితే, న్యూజిలాండ్ స్టార్ గ్లెన్ ఫిలిప్స్ కుడి వైపుకు గాల్లోకి డైవ్ చేసి సంచలనాత్మక క్యాచ్ అందుకున్నాడు. దీంతో ఒక్క‌సారిగా విరాట్ కోహ్లీ 11(14) ఎలా ప‌ట్టావురా క్యాచ్ అనేలా చూశాడు. అలాగే, మ్యాచ్ చూడ్డానికి వ‌చ్చిన అనుష్క శ‌ర్మ కూడా బాప్ రే అనే విధంగా ఒక్క‌సారిగా షాక్ అయింది. దీనికి సంబంధించిన వీడియో దృశ్యాలు వైర‌ల్ గా మారాయి.

విరాట్ కోహ్లీని ఔట్ చేసిన గ్లెన్ ఫిలిప్స్ అద్భుతమైన క్యాచ్ వీడియో కోసం ఇక్కడ క్లిక్ చేయండి 

గ్లెన్ ఫిలిప్స్ సూపర్ షాక్.. అనుష్క శర్మ షాక్  

india vs newzealand

కాగా,  ఈ మ్యాచ్ లో టాస్ గెలిచిన న్యూజిలాండ్ బౌలింగ్ ఎంచుకుంది. దీంతో తొలుత బ్యాటింగ్ కు దిగిన భారత జట్టుకు మంచి శుభారంభం లభించలేదు. రోహిత్ శర్మ, శుభ్ మన్ గిల్ త్వరగానే ఔట్ అయ్యారు. గిల్ 2 పరుగులు చేసి పెవిలియన్ కు చేరాడు. అలాగే, రోహిత్ శర్మ 15 పరుగుల వద్ద బిగ్ షాట్ ఆడి జెమీ సన్ కు క్యాచ్ రూపంలో చిక్కాడు. విరాట్ కోహ్లీ కూడా 11 పరుగుల వద్ద పెవిలియన్ కు చేరాడు. దీంతో భారత జట్టు 30 పరుగులకే 3 వికెట్లు కోల్పోయి కష్టాల్లో పడింది.

రోహిత్ శర్మ ఔట్ అయిన క్యాచ్