INDvAUSA: ఆస్ట్రేలియా బ్యాట్స్మెన్ సెంచరీల మోత... రెండో ప్రాక్టీస్ మ్యాచ్ కూడా డ్రా...
పింక్ బాల్ ప్రాక్టీస్ మ్యాచ్లో గెలిచి, విజయానందంతో టెస్టు సిరీస్ ప్రారంభించాలని భావించిన టీమిండియాకు షాక్ ఇచ్చాడు ఆసీస్ ఏ జట్టు ప్లేయర్లు బెన్ మెక్డెర్మాట్, జాక్ విల్డర్ముర్త్. అద్భుత సెంచరీలతో పోరాడి, భారత జట్టుకి విజయం దక్కకుండా చేశారు.
ఓవర్ నైట్ స్కోరు 386/4 పరుగుల వద్ద రెండో ఇన్నింగ్స్ని డిక్లేర్ చేసింది భారత జట్టు...
మొదటి ఇన్నింగ్స్లో దక్కిన 86 పరుగులతో కలిసి ఆస్ట్రేలియా ఏ జట్టు ముందు 472 పరుగుల భారీ టార్గెట్ను ఉంచింది...
రెండో ఇన్నింగ్స్ ప్రారంభంలోనే మూడు వికెట్లు కోల్పోయింది ఆస్ట్రేలియా... అయితే ఆ తర్వాతే ఆసీస్ బ్యాట్స్మెన్ పోరాట ప్రతిమ చూపించారు.
మార్కస్ హారిస్ 16 బంతుల్లో 5 పరుగులు చేసి మహ్మద్ షమీ బౌలింగ్లో అవుట్ అయ్యాడు...
ఆ తర్వాత 21 బంతుల్లో 1 పరుగు మాత్రమే చేసి జో బర్న్స్ కూడా మహ్మద్ షమీ బౌలింగ్లో ఎల్బీడబ్ల్యూ అవుట్ అయ్యాడు...
22 బంతుల్లో 3 ఫోర్లతో 14 పరుగులు చేసిన నిక్ మాడిన్సన్... మహ్మద్ సిరాజ్ బౌలింగ్లో నవ్దీప్ సైనీకి క్యాచ్ ఇచ్చి అవుట్ అయ్యాడు...
అలెక్స్ క్యారీ, బెన్ మెక్డెర్మాట్ కలిసి నాలుగో వికెట్కి 117 పరుగుల భాగస్వామ్యం నెలకొల్పారు...
111 బంతుల్లో 7 ఫోర్లతో 58 పరుగులు చేసిన అలెక్స్ క్యారీని హనుమ విహారి అవుట్ చేశాడు. విహారి బౌలింగ్లో కుల్దీప్ యాదవ్కి క్యాచ్ ఇచ్చి అవుట్ అయ్యాడు క్యారీ.
142 పరుగులకే 4 వికెట్లు కోల్పోయిన ఆస్ట్రేలియా ఏ జట్టును బెన్ మెక్డెర్మాట్, జాక్ విల్డర్ముర్త్ కలిసి ఆదుకున్నారు.
బెన్ మెక్డెర్మాట్ 167 బంతుల్లో 16 ఫోర్లతో 107 పరుగులు చేసి అజేయంగా నిలిచాడు...
జాక్ విల్డర్ముత్ 119 బంతుల్లో 12 ఫోర్లు, 3 సిక్సర్లతో 111 పరుగులు చేశాడు...
భారత బౌలర్లలో మహ్మద్ షమీ రెండు వికెట్లు తీయగా... మహ్మద్ సిరాజ్, హనుమ విహారి చెరో వికెట్ తీశారు...