బౌలింగ్ అదిరింది... పింక్ బాల్ టెస్టులో ఆతిథ్య ఆస్ట్రేలియాకి షాక్... మొదటి ఇన్నింగ్స్లో...
భారీ అంచనాలతో ఆస్ట్రేలియా గడ్డ మీద అడుగుపెట్టిన భారత బౌలింగ్ విభాగం... టూర్లో మొట్టమొదటిసారి అంచనాలకు తగ్గట్టుగా అదరగొట్టింది. పింక్ బాల్ టెస్టులో ఆతిథ్య ఆస్ట్రేలియాకి ఊహించని షాక్ ఇస్తూ... మొదటి ఇన్నింగ్స్లో స్వల్ప స్కోరుకే పరిమితం చేసింది. సీనియర్ స్పిన్నర్ రవిచంద్రన్ అశ్విన్ 4 వికెట్లు తీయడంతో పాటు బుమ్రా, ఉమేశ్ యాదవ్ చెరో రెండు వికెట్లు తీయడంతో మొదటి ఇన్నింగ్స్ 191 పరుగులకి ఆలౌట్ అయ్యింది ఆస్ట్రేలియా...టీమిండియాకి 53 పరుగుల మొదటి ఇన్నింగ్స్ ఆధిక్యం దక్కింది.
మొదటి నాలుగు ఓవర్లలో పరుగులేమీ ఇవ్వకుండా ఆస్ట్రేలియాను నియంత్రించిన భారత బౌలర్లు... 14 ఓవర్లలో 16 పరుగులు మాత్రమే ఇచ్చారు.
టీ20ల్లో దూకుడుగా ఆడిన మాథ్యూ వేడ్ 51 బంతుల్లో 8 పరుగులు మాత్రమే చేసి బుమ్రా బౌలింగ్లో ఎల్బీడబ్ల్యూగా అవుట్ అయ్యాడు...
ఆ తర్వాత కొద్దిసేపటికే మరో ఓపెనర్ జో బర్న్స్ కూడా 41 బంతుల్లో 8 పరుగులు చేసి పెవిలియన్ చేరాడు...
ఆస్ట్రేలియా స్టార్ బ్యాట్స్మెన్ స్టీవ్ స్మిత్ 29 బంతుల్లో కేవలం ఒకే ఒక్క పరుగు చేసి అశ్విన్ బౌలింగ్లో రహానేకి క్యాచ్ ఇచ్చి పెవిలియన్ చేరాడు.
ట్రావిస్ హెడ్ 20 బంతుల్లో 7 పరుగులు చేసి అశ్విన్ బౌలింగ్లో అతనికే క్యాచ్ ఇచ్చి అవుట్ అయ్యాడు...
ఆ తర్వాత ఆల్రౌండర్ కామెరూన్ గ్రీన్ 24 బంతుల్లో 11 పరుగులు చేసి అశ్విన్ బౌలింగ్లో పెవిలియన్ చేరాడు...
ప్రాక్టీస్ మ్యాచ్లో సెంచరీతో చెలరేగిన కామెరూన్ గ్రీన్ను కళ్లు చెదిరే క్యాచ్తో పెవిలియన్ చేరాడు భారత సారథి విరాట్ కోహ్లీ...
79 పరుగులకే 5 వికెట్లు కోల్పోయి కష్టాల్లో పడిన ఆస్ట్రేలియాను ఆదుకునే ప్రయత్నం చేశాడు లబుషేన్, ఆసీస్ కెప్టెన్ టిమ్ పైన్...
భారత ఫీల్డర్లు క్యాచ్లు వదిలేయడంతో పలుమార్లు బతికిపోయిన మార్కస్ లబుషేన్... 119 బంతుల్లో 7 ఫోర్లతో 47 పరుగులు చేశాడు...
ప్రమాదకరంగా మారుతున్న లబుషేన్ను ఉమేశ్ యాదవ్ అవుట్ చేశాడు... 111 పరుగుల వద్ద ఆరో వికెట్ కోల్పోయింది ఆసీస్..
ఆ వెంటనే ప్యాట్ కమ్మిన్స్ డకౌట్ అయ్యాడు. యాదవ్ బౌలింగ్లో రహానేకి క్యాచ్ ఇచ్చి అవుట్ అయ్యాడు కమ్మిన్స్...
16 బంతుల్లో 15 పరుగులు చేసిన మిచెల్ స్టార్క్ రనౌట్ రూపంలో వెనుదిరిగాడు... 139 పరుగులకి 8 వికెట్ కోల్పోయింది ఆసీస్.
అయితే నాథన్ లయాన్తో కలిసి స్కోరు బోర్డు వేగం పెంచే ప్రయత్నం చేశాడు ఆసీస్ కెప్టెన్ ట్రావిస్ హెడ్...
21 బంతుల్లో 10 పరుగులు చేసిన లయాన్ను అశ్విన్ అవుట్ చేశాడు. ఈ క్యాచ్ కూడా కోహ్లీయే అందుకున్నాడు...
10 బంతుల్లో 8 పరుగులు చేసిన హజల్వుడ్ను ఉమేశ్ యాదవ్ అవుట్ చేయడంతో 191 పరుగులకి ఆసీస్ ఆలౌట్ అయ్యింది...
99 బంతుల్లో 10 ఫోర్లతో 73 పరుగులు చేసిన ఆసీస్ కెప్టెన్ టిమ్ పైన్ నాటౌట్గా నిలిచాడు...
భారత బౌలర్లలో అశ్విన్కి 4 వికెట్లు దక్కగా, ఉమేశ్ యాదవ్ 3, బుమ్రా 2 వికెట్లు తీశాడు...