Heinrich Klaasen: కాటేరమ్మ కొడుకు.. కేకేఆర్ ను పిచ్చ‌కొట్టుడు కొట్టాడు !
SRH vs KKR IPL 2025: ఐపీఎల్ 2025లో తమ చివరి లీగ్ మ్యాచ్ లో సన్ రైజర్స్ హైదరాబాద్ ప్లేయర్లు అద్భుతమైన బ్యాటింగ్ తో కోల్ కతా నైట్ రైడర్స్ ను చితక్కొట్టారు. ట్రావిస్ హెడ్, అభిషేక్ శర్మలు పరుగుల వర్షం తెప్పిస్తే.. హెన్రిచ్ క్లాసెన్ సునామీగా మార్చాడు.
SRH vs KKR IPL 2025: పరుగుల వర్షం
SRH vs KKR IPL 2025: పరుగుల వర్షం.. కాదు కాదు పరుగుల సునామీ అంటే ఎలా ఉంటుందో మరోసారి చూపించారు సన్ రైజర్స్ హైదరాబాద్ ప్లేయర్లు. ఢిల్లీలోని అరుణ్ జైట్లీ స్టేడియంలో జరిగిన మ్యాచ్ లో కోల్ కతా నైట్ రైడర్స్ – సన్ రైజర్స్ హైదరాబాద్ తలపడ్డాయి. హైదరాబాద్ టీమ్ 20 ఓవర్లలో 278 పరుగులు చేసింది.
కాటేరమ్మ కొడుకు హెన్రిచ్ క్లాసెన్ దంచికొట్టాడు
కాటేరమ్మ కొడుకు హెన్రిచ్ క్లాసెన్ అద్భుతమైన బ్యాటింగ్ తో సెంచరీ కొట్టాడు. తన ఊరమాస్ బ్యాటింగ్ పవర్ ను చూపించాడు. ఐపీఎల్ 2025 లో కేవలం 17 బంతుల్లో హాఫ్ సెంచరీ కొట్టిన క్లాసెన్ ఆ తర్వాత దాన్ని సెంచరీగా మార్చాడు. ఈ ఐపీఎల్ సీజన్ లో రెండో ఫాస్టెస్ట్ సెంచరీ కొట్టిన ప్లేయర్ గా నిలిచాడు.
37 బంతుల్లోనే సెంచరీ కొట్టిన హెన్రిచ్ క్లాసెన్
ఈ మ్యాచ్ లో కేవలం 17 బంతుల్లోనే 5 ఫోర్లు, 4 సిక్సర్లతో హాఫ్ సెంచరీ కొట్టాడు క్లాసెన్. ఆ తర్వాత దానిని సెంచరీగా మార్చాడు. కేవలం 37 బంతుల్లోనే సెంచరీ కొట్టాడు. తన సెంచరీ ఇన్నింగ్స్ ( 105 పరుగులు) లో 7 ఫొర్లు, 9 సిక్సర్లు బాదాడు. తన కెరీర్ లో ఇది రెండో సెంచరీ. ఐపీఎల్ చరిత్రలో ఇది మూడో ఫాస్టెస్ట్ సెంచరీ.
ట్రావిస్ హెడ్ ధనాధన్ బ్యాటింగ్
హైదరాబాద్ టీమ్ తరఫున ఓపెనర్లుగా అభిషేక్ శర్మ, ట్రావిస్ హెడ్ లు ఇన్నింగ్స్ ను ప్రారంభించారు. మ్యాచ్ ఆరంభం నుంచే దూకుడుగా ఆడారు. అభిషేక్ శర్మ కేవలం 16 బంతుల్లోనే 32 పరుగుల ఇన్నింగ్స్ లో 4 ఫోర్లు, 2 సిక్సర్లు బాదాడు. మరో ఓపెనర్ ట్రావిస్ హెడ్ ధనాధన్ బ్యాటింగ్ తో హాఫ్ సెంచరీ కొట్టాడు. 40 బంతుల్లో 76 పరుగులు చేశాడు. తన ఇన్నింగ్స్ లో 6 ఫోర్లు, 6 సిక్సర్లు బాదాడు.
కేకేఆర్ ముందు భారీ టార్గెట్
సన్ రైజర్స్ హైదరాబాద్ సూపర్ బ్యాటింగ్ తో కోల్ కతా నైట్ రైడర్స్ ముందు భారీ టార్గెట్ ను ఉంచింది. సన్ రైజర్స్ 20 ఓవర్లలో 3 వికెట్లు కోల్పోయి 278 పరుగులు చేసింది. కేకేఆర్ బౌలింగ్ లో సునీల్ నరైన్ 2 వికెట్లు తీసుకున్నాడు కానీ, భారీగా పరుగులు ఇచ్చాడు. హైదరాబాద్ బ్యాటర్లలో అభిషేక్ శర్మ 32, హెడ్ 76, ఇషాన్ కిషన్ 29 పరుగులు, అనికేత్ వర్మ 12 పరుగులు కొట్టారు.
