అతడు చాలా ప్రమాదకర ఆటగాడు.. టీమిండియాలోకి రావడం పక్కా.. ఎస్ఆర్హెచ్ బ్యాటర్ పై రవిశాస్త్రి కామెంట్స్

Rahul Tripathi:  ఐపీఎల్-2022 సీజన్ లో  సన్ రైజర్స్ తరఫున ఆడుతున్న రాహుల్ త్రిపాఠి ఆకట్టుకుంటున్నాడు. తాజాగా అతడు మంగళవారం ముంబైతో జరిగిన మ్యాచ్ లో ఆకాశమే హద్దుగా చెలరేగాడు. 

సన్ రైజర్స్  హైదరాబాద్  బ్యాటర్  రాహుల్ త్రిపాఠి పై టీమిండియా మాజీ హెడ్ కోచ్ రాహుల్ త్రిపాఠి  ప్రశంసలు కురిపించాడు.  అతడు చాలా ప్రమాదకర ఆటగాడిని.. టాపార్డర్ లో ఎక్కడైనా ఆడగలిగే సత్తా ఉన్న ఆటగాడని కొనియాడాడు.  

Rahul Tripathi

మంగళవారం  హైదరాబాద్ - ముంబై మ్యాచ్ లో రెచ్చిపోయి ఆడిన  అనంతరం  అతడి గురించి రవిశాస్త్రి మాట్లాడుతూ.. ‘టీమిండియా లోకి రావడానికి అతడు ఎంతో దూరంలో లేడు.  ప్రస్తుతమున్న జాతీయ జట్టులో ఎవరైనా కీలక ఆటగాడు గాయపడ్డా లేక  సరిగా ఆడకున్నా వారి స్థానంలో  త్రిపాఠి మంచి ఎంపిక. 

3, 4 స్థానాలలోనే గాక టాపార్డర్ లో ఎక్కడైనా బ్యాటింగ్ చేయగల సమర్థుడు త్రిపాఠి. అతడు చాలా ప్రమాదకర ఆటగాడు.  రాహుల్ గనక ఇదే ఆటను కొనసాగిస్తే..  అతడు త్వరలోనే సెలెక్టర్ల దృష్టిని ఆకర్షిస్తాడు.  త్రిపాఠిలో నాకు నచ్చే అంశమేమిటంటే.. అతడు నిర్భయంగా ఆడతాడు. బౌలర్ ఎవరన్నది  చూడకుండా తన ఆట తాను ఆడతాడు. రాహుల్ క్రీజులో ఉన్నాడంటే అతడిని ఔట్ చేసేందుకు ప్రత్యర్థి జట్లు ప్రయత్నిస్తాయి. 

రాహుల్ ను త్వరగా ఔట్ కావాలని ప్రత్యర్థి జట్లు కోరుకుంటుండమే గాక అతడి కోసం ప్రత్యేక వ్యూహాలు రూపొందిస్తున్నాయంటే అతడు ఎంత విలువైన  ఆటగాడో   ప్రత్యేకంగా చెప్పాల్సిన పన్లేదు...’  అని తెలిపాడు. 

ఈ సీజన్ లో త్రిపాఠి.. 13 మ్యాచుల్లో 39.30 సగటుతో 393 పరగులు చేశాడు.  బ్యాటింగ్ సగటు 161. 73 గా ఉంది. ఈ సీజన్ లో  అతడు మూడు హాఫ్ సెంచరీలు చేశాడు. ఇక  మంగళవారం ముంబైతో జరిగిన మ్యాచ్ లో 44 బంతులాడి.. 76  పరుగులు చేశాడు. 

అతడితో పాటు ప్రియం గార్గ్, నికోలస్ పూరన్ లు కూడా రాణించడంతో సన్ రైజర్స్.. ముంబై ఎదుట భారీ లక్ష్యాన్ని (194)  నిలిపింది. కానీ ఛేదనలో ముంబై.. 3 పరుగుల దూరంలో విజయం ముంగిట ఆగిపోయింది.