విరాట్‌ కోహ్లీ అంటే వారికి ఎందుకు పడదు... అగ్రెసివ్, యాటిట్యూడ్! అక్కడివారికి హీరో, ఇక్కడివారికి విలన్...

విరాట్ కోహ్లీ.. క్రికెట్ ప్రపంచంలో తిరుగులేని స్టార్. ఓ తరాన్ని మొత్తం ప్రభావితం చేసిన వరల్డ్ క్లాస్ బ్యాటర్. సోషల్ మీడియాలో 300 మిలియన్ల ఫాలోవర్లను తెచ్చుకున్న విరాట్ కోహ్లీ, పాక్ కెప్టెన్ బాబర్ ఆజమ్ నుంచి నేటితరం క్రికెటర్లు ఎందరికో ఫెవరెట్ క్రికెటర్.. నవంబర్ 5న విరాట్ కోహ్లీ పుట్టినరోజు.

Virat Kohli

వన్డే, టెస్టు, టీ20ల్లో 30కి పైగా విజయాలు అందుకున్న ఏకైక కెప్టెన్‌గా సరికొత్త రికార్డు క్రియేట్ చేశాడు విరాట్ కోహ్లీ. మోస్ట్ సక్సెస్‌ఫుల్ ఇండియన్ కెప్టెన్‌గా గుర్తింపు తెచ్చుకున్న ధోనీకి కూడా సాధ్యంకాని ఎన్నో విజయాలు విరాట్ కోహ్లీ కెప్టెన్సీలో టీమిండియా సాధించింది. ముఖ్యంగా ఇంగ్లాండ్, ఆస్ట్రేలియాల్లో అఖండ టెస్టు విజయాలను అందించాడు విరాట్...

దశాబ్ద కాలంలో 20వేలకు పైగా పరుగులు చేసిన ఏకైక క్రికెటర్‌గా రికార్డు క్రియేట్ చేసి..‘ఐసీసీ ప్లేయర్ ఆఫ్ ది డికేట్’ అవార్డు గెలిచిన విరాట్ కోహ్లీ, సచిన్ టెండూల్కర్ సాధించిన రికార్డులే లక్ష్యంగా దూసుకుపోతున్నాడు. ప్రపంచాన్ని గెలిచిన రాజు, ఇంట్లో పెళ్లాం చేతిలో ఓడిపోయినట్టుగా... క్రికెట్ ప్రపంచంలో తిరుగులేని సూపర్ స్టార్‌గా ఎదిగిన విరాట్ కోహ్లీకి స్వదేశంలో మాత్రం అభిమానుల కంటే హేటర్స్ ఎక్కువ... 

2009లో శ్రీలంకతో జరిగిన వన్డే సిరీస్‌లో గౌతమ్ గంభీర్‌తో కలిసి 224 పరుగుల భాగస్వామ్యం నెలకొల్పిన విరాట్ కోహ్లీ, 111 బంతుల్లో 107 పరుగులు చేసి తొలి వన్డే సెంచరీ అందుకున్నాడు. ఈ మ్యాచ్‌లో 150 పరుగులు చేసిన గంభీర్‌కి ‘మ్యాన్ ఆఫ్ ది మ్యాచ్’ అవార్డు దక్కితే, దాన్ని కోహ్లీతో పంచుకున్నాడు గౌతీ...

గౌతమ్ గంభీర్ పొగిడితే ఠంగ్ పవర్‌తో ఆ ప్లేయర్ తర్వాతి మ్యాచ్‌లో ఫ్లాప్ అవుతాడేమో కానీ గౌతీ సపోర్ట్ ఇచ్చిన ప్రతీ యంగ్ ప్లేయర్, స్టార్‌గానే ఎదిగాడు. అలాగే విరాట్ కోహ్లీ కూడా టీమిండియాలో స్థిరమైన చోటు దక్కించుకున్నాడు. ఆ మ్యాచ్ తర్వాత విరాట్ కోహ్లీకి మళ్లీ వెనక్కి చూసుకోవాల్సిన అవసరం రాలేదు.

Image credit: Getty

ప్రస్తుతం ప్రపంచ క్రికెట్‌లో సూపర్ స్టార్లుగా వెలుగొందుతున్న స్టీవ్ స్మిత్, కేన్ విలియంసన్, జో రూట్ వంటి ప్లేయర్లు టెస్టుల్లో, డేవిడ్ వార్నర్, బట్లర్, ఆరోన్ ఫించ్, బాబర్ ఆజమ్ వంటి ప్లేయర్లు వన్డే, టీ20 ఫార్మాట్లలో పరుగుల వరద పారిస్తుంటే... విరాట్ కోహ్లీ ఒక్కడే ఫార్మాట్‌తో సంబంధం లేకుండా మూడు ఫార్మాట్లలోనూ రికార్డుల మోత మోగించాడు...

virat kohli

విరాట్ కోహ్లీకి ఇక్కడ హేటర్స్ ఉండడానికి ప్రధానంగా మూడు కారణాలు ఉన్నాయి... మొదటిది విరాట్ కోహ్లీ అగ్రెసివ్ యాటిట్యూడ్... క్రికెటర్‌గా స్టార్‌గా ఎదిగినా ఆవేశంలో కంట్రోల్ చేసుకోలేని యువకుడిగా సీనియర్ సిటిజన్స్‌లో ఓ విధమైన ఇమేజ్ తెచ్చుకున్నాడు విరాట్...

Virat Kohli Smile

ఇక రెండోది భారత మాజీ కెప్టెన్  మహేంద్ర సింగ్ ధోనీ, ‘హిట్ మ్యాన్’ రోహిత్ శర్మల కంటే ఎక్కువ పరుగులు చేస్తూ వారిని మించిన స్టార్‌డమ్ తెచ్చుకోవడం, వారి అభిమానులకు కోహ్లీ విలన్‌గా మార్చేసింది.... ధోనీ, రోహిత్‌లకు ఇక్కడ మంచి ఫాలోయింగ్ ఉంది. విరాట్ చూపించిన నిలకడ, సంపాదించిన క్రేజ్ ఈ ఇద్దరు క్రికెటర్ల అభిమానులు తట్టుకోలేకపోయారు. ఇప్పటికీ వారికి విరాట్ ఓ అన్‌మెచ్యూర్డ్ క్రికెటర్‌గానే మిగిలాడు. 

Virat Kohli

అదీకాకుండా తనకంటే ముందే జట్టులోకి వచ్చిన రోహిత్ శర్మకు కెప్టెన్సీ దక్కకుండా కోహ్లీ అడ్డుగా నిలిచాడని, ‘హిట్ మ్యాన్’ ఫ్యాన్స్... విరాట్‌పై ద్వేషాన్ని పెంచుకున్నారు. ఐపీఎల్‌లో ఐదు టైటిల్స్ గెలిచిన రోహిత్‌కి చాలా లేటుగా కెప్టెన్సీ దక్కడానికి ఓ రకంగా విరాట్ కోహ్లీ సక్సెసే కారణం... 

‘బృందావనం’ సినిమాలో ప్రకాశ్ రాజ్ డైలాగ్ చెప్పినట్టుగా... విరాట్ కోహ్లీ నచ్చడం లేదంటే దానికి రెండే కారణాలు. అతను మీ ఫెవరెట్ టీమ్‌పై టాప్ క్లాస్ పర్ఫామెన్స్‌లు ఇచ్చి ఉండాలి... లేదంటే మీ అభిమాన క్రికెటర్ కంటే విరాట్ కోహ్లీ ది బెస్ట్ అయినా అయ్యుండాలనేది కోహ్లీ ఫ్యాన్స్ అభిప్రాయం...

విరాట్ కోహ్లీ అంటే అగ్రెసివ్, యాటిట్యూడ్. అయితే అది క్రీజు వరకే. బయట విరాట్ వేరు, అతని ప్రపంచం వేరు. గ్రౌండ్‌లో కొరికేలా చూసే ప్లేయర్లను, బౌండరీ దాటిన తర్వాత భుజం తట్టి ప్రోత్సహిస్తాడు విరాట్ కోహ్లీ...   క్రికెట్ ప్రపంచంలో విరాట్ కోహ్లీ నేటి తరానికి పర్ఫెక్ట్ బ్రాండ్ అంబాసిడర్...