Hardik Pandya: ప్రపంచంలో కేవలం 50 మాత్ర‌మే ఉన్నాయి..హార్దిక్ వాచ్ ధ‌ర 7 కోట్లా !

Hardik Pandya: ఐసీసీ ఛాంపియన్స్ ట్రోఫీ 2025 భార‌త్-పాకిస్తాన్ మ్యాచ్ లో టీమిండియా స్టార్ ఆల్ రౌండ‌ర్ హార్దిక్ పాండ్యా రూ. 7 కోట్ల విలువైన వాచ్ (చేతి గడియారం) అందరి దృష్టిని ఆకర్షించింది. ఏంటి ఆ వాచ్ ప్ర‌త్యేక‌త‌? 

Hardik Pandya wrist watch: పాకిస్తాన్‌పై విరాట్ కోహ్లీ తన సూప‌ర్ అజేయ సెంచరీతో టీమిండియా అద్భుత విజ‌యం సాధించింది. ఈ విజ‌యంతో భార‌త్ ఐసీసీ ఛాంపియన్స్ ట్రోఫీ 2025 సెమీఫైనల్‌కు చేరుకుంది. ఎంతో ఉత్కంఠ‌గా ఎదురుచూసిన ఈ మ్యాచ్ లో భార‌త‌ ఆల్ రౌండర్ హార్దిక్ పాండ్యా అంద‌రి దృష్టిని ఆక‌ర్షించాడు. దీనికి ప్ర‌ధాన కార‌ణం అత‌ను ధ‌రించిన చేతి గ‌డియారం (వాచ్). ఆ వాచ్ ఇప్పుడు ఇంట‌ర్నెట్ ను షేక్ చేస్తోంది. అస‌లు ఈ వ్యాచ్ ప్ర‌త్యేక‌త ఏంటి? 

Hardik Pandya

హ‌ర్దిక్ పాండ్యాకు ల‌గ్జ‌రీ వాచ్ లు అంటే చాలా ఇష్టం

భార‌త జ‌ట్టు ఆల్ రౌండ‌ర్ హ‌ర్దిక్ పాండ్యాకు ల‌గ్జ‌రీ వాచ్ లు అంటే చాలా ఇష్టం. ఆదివారం (ఫిబ్రవరి 23) దుబాయ్ ఇంటర్నేషనల్ క్రికెట్ స్టేడియంలో చిరకాల ప్రత్యర్థులు భార‌త్-పాకిస్తాన్ మ్యాచ్ లో హ‌ర్దిక్ పాండ్యా తన క్లాసిక్ వాచ్ కలెక్షన్లలో ఒక‌దానిని పెట్టుకుని క‌నిపించాడు. 

పాకిస్తాన్ ఓపెనర్ బాబర్ అజామ్‌ను అవుట్ చేసిన తర్వాత హ‌ర్దిక్ పాండ్యా ఉత్సాహంగా సెల‌బ్రేట్ చేసుకుంటుండ‌గా అతని రిచర్డ్ మిల్లె RM 27-02 CA FQ టూర్‌బిల్లాన్ రాఫెల్ నాదల్ స్కెలిటన్ డయల్ వాచ్ అందరి దృష్టిని ఆకర్షించింది. 

అతని చేతికి మెరిసే స్టైలిష్ వాచ్ ఇప్పుడు హాట్ టాపిక్ గా మారింది. దాని గురించి నెట్టింట వేతికి దాని ధర చూసి అందరూ ఆశ్చర్యపోయారు. ఎందుకంటే ఇది వంద‌లు వేలు కాదు.. ల‌క్ష‌ల వాచ్ కూడా కాదు.. దాని ధ‌ర కోట్లలో ఉంటుంది. అది 'రిచర్డ్ మిల్లె' కంపెనీకి చెందినది.

Kuldeep Hardik

హార్దిక్ ధ‌రించిన వాచ్ లు ప్రపంచంలో 50 మాత్ర‌మే ఉన్నాయి ! 

ఈ చేతి గడియారం ప్రముఖ ఫుట్‌బాల్ క్రీడాకారులు క్రిస్టియానో ​​రొనాల్డో, రాఫెల్ నాదల్ చేతుల‌కు కూడా క‌నిపించింది. హార్దిక్ పాండ్యా ధ‌రించిన వాచ్ దానికంటూ ప్ర‌త్యేక ల‌క్ష‌ణాలు, డిజైన్ ను క‌లిగి ఉంటుంది. గొప్ప‌ డిజైన్ మాత్రమే కాదు.. ఇది లిమిటెడ్ ఎడిష‌న్. ప్రపంచవ్యాప్తంగా కేవ‌లం 50 మాత్ర‌మే ఉన్నాయి. అందుకే దీనిని ధరించాలనేది చాలా మంది ఔత్సాహికుల కల అవుతుంది.

ఈ గడియారం కలర్ ఫుల్ ఎలాస్టిక్ బ్యాండ్‌తో, ప్రత్యేకమైన తెల్లటి క్వార్ట్జ్ కేసును కలిగి ఉంటుంది. దీంతో ఆకర్షణీయంగా కనిపిస్తుంది. తెల్లని క్వార్ట్జ్ బెజెల్, సిల్వర్-టోన్ చేతులు, ఇండెక్స్ మార్కర్లతో కూడిన సొగసైన నలుపు డయల్ కూడా అందరి దృష్టిని ఆకర్షిస్తుంది. ఈ వాచ్ లో రిచర్డ్ మిల్లె కాలిబర్ CRMA7 ఆటోమేటిక్ మూవ్‌మెంట్ ఉంది. దీనిపై ఎలాంటి గీతలు కూడా ప‌డ‌వు. ఈ వాచ్ ప్రారంభ ధ‌ర ఒక కోటి రూపాయ‌ల నుంచి రూ. 7 కోట్ల వ‌ర‌కు ఉంటుంద‌ని రిపోర్టులు పేర్కొంటున్నాయి.