Hardik Pandya: హార్దిక్ పాండ్యా కొత్త గర్ల్ ఫ్రెండ్ ఈ అమ్మాయేనా..?

టీమిండియా స్టార్ ఆల్ రౌండర్ హార్దిక్ పాండ్యా, సెర్బియా మోడ‌ల్ నటాషా స్టాంకోవిచ్ లు ప్రేమించుకుని పెళ్లి చేసుకున్నారు. ఈ స్టార్ క‌పుల్ కు ఒక బాబు కూడా ఉన్నాడు. ఇప్పుడు ఈ జంట విడిపోతున్నార‌నేది సోష‌ల్ మీడియాలో హాట్ టాపిక్. 

ఐపీఎల్ లో ముంబై కెప్టెన్ గా రోహిత్ శ‌ర్మ‌ను తొల‌గించి హార్దిక్ పాండ్యాకు ప‌గ్గాలు అప్ప‌గించిన త‌ర్వాత సోష‌ల్ మీడియాలో హాట్ టాపిక్ అయ్యాడు. ఆ త‌ర్వాత ముంబై దారుణ ప్ర‌ద‌ర్శ‌న‌తో ట్రోల్స్, విమ‌ర్శ‌లు ఎదుర్కొన్నాడు. ఇదే స‌మ‌యంలో త‌న భార్య న‌టాషాతో విడాకులు తీసుకుంటున్నార‌నే వార్త‌లు వ‌చ్చాయి. 

వ‌ర‌ల్డ్ క‌ప్ స‌మ‌యంలో పెద్దగా ప్ర‌స్తావ‌న‌లేని ఈ విడాకుల అంశం మ‌ళ్లీ తెర‌మీద‌కు వ‌చ్చింది. ఇదే స‌మ‌యంలో హార్దిక్ పాండ్యా మ‌రో అమ్మాయితో క‌లిసి క‌నిపించ‌డం.. దీనికి సంబంధించిన ఫొటోలు సోష‌ల్ మీడియాలో వైర‌ల్ అవుతున్నాయి. 

దీంతో న‌టాషాతో హార్దిక్ విడిపోతున్నార‌నీ, ఈ అమ్మాయే అత‌ని కొత్త గ‌ర్ల్ ఫ్రెండ్ అంటూ సోష‌ల్ మీడియాలో కొత్త చ‌ర్చ సాగుతోంది. హార్దిక్ మిస్టరీ అమ్మాయితో ఉన్న కొన్ని ఫొటోలు, వీడియోలు వైరల్ అవుతున్నాయి. అందులో హార్దిక్ చాలా సంతోషంగా కనిపించాడు. ఆమెతో డేటింగ్ చేస్తున్నాడని ఊహాగానాలు షురూ అయ్యాయి. 

ఆ అమ్మాయి ఎవ‌రో కాదు ప్ర‌ముఖ మేకప్ ఆర్టిస్ట్, ఇన్‌స్టాగ్రామ్‌లో దాదాపు 546K ఫాలోవర్లు ఉన్న ప్రాచీ సోలంకి. డిజిటల్ కంటెట్ క్రియేట‌ర్ గా మంచి పాపులారిటీ ఆమె సొంతం. ఆమె హార్దిక్ పాండ్యాతో దిగిన ఫొటోల‌ను షేర్ చేయ‌డంతో సోషల్ మీడియా సంచలనంగా మారింది.

అయితే, హార్దిక్ పాండ్యాతో సోలంకి డేటింగ్ రూమర్స్‌లో సోష‌ల్ మీడియాలో హాట్ టాపిక్ గా మారాయి. న‌టాషాతో నిజంగానే విడిపోయారా? హార్దిక్ కొత్త గ‌ర్ల్ ఫ్రెండ్ ఈ అమ్మాయేనా? అంటూ నెట్టింట ప్ర‌శ్న‌లు వ‌స్తున్నాయి. 

అయితే, ప్రాచీ సోలంకితో హార్దిక్ పాండ్యా డేటింగ్ చేయడం లేదని స‌మాచారం. ఆమె కేవలం ఆయ‌న‌ అభిమాని మాత్రమే. హార్దిక్‌ను కలవడం పట్ల తన ఉత్సాహాన్ని వ్యక్తం చేస్తూ ప్రాచీ ఈ పోస్టులు చేశార‌ని ప‌లు రిపోర్టులు పేర్కొంటున్నాయి. 

ప్రాచీ సోలంకి హార్దిక్ సోదరుడు కృనాల్ పాండ్యా, అతని భార్య పంఖురితో ఉన్న ఫొటోల‌ను కూడా కూడా సోష‌ల్ మీడియా వేదిక‌గా పంచుకున్నారు. డేటింగ్ పుకార్లకు ఆజ్యం పోసిన పాండ్యా కుటుంబం మొత్తం ప్రాచీకి చాలా సన్నిహితంగా ఉంది. 

ఇంతలో హార్దిక్ భార్య న‌టాషా వీడియో సోషల్ మీడియాలో వైర‌ల్ గా మారింది. కాఫీ తాగుతూ, తన ఇన్‌స్టాగ్రామ్ స్టోరీలో.. “నేను కాఫీ తాగుతూ ఇక్కడ కూర్చున్నాను.. మనం ప్రజలను ఎంత త్వరగా అంచనా వేస్తున్నామో గ్రహించాను... ఎవరైనా వ్యక్తిత్వం లేకుండా ప్రవర్తించినప్పుడు.. అంటూ త‌న స్టోరీని కొన‌సాగించింది. 

న‌టాషాతో హార్దిక్ పాండ్యా వీడాకులు గానీ, ప్రాచీ సోలంకితో డేటింగ్ విష‌యం పైన గానీ ఇప్ప‌టివ‌ర‌కు ఎలాంటి అధికారిక ప్ర‌క‌ట‌న‌లు రాలేదు. హార్దిక్ కానీ, న‌టాషాలు కాని త‌మ వివాహా బంధంలో స‌మ‌స్య‌లు ఉన్నాయ‌నే వార్త‌ల‌పై ఎలాంటి రెస్పాన్స్ ఇవ్వ‌లేదు.