ఇంగ్లాండ్ లెజెండ్స్‌కి చుక్కలు చూపించిన దిల్షాన్... రికార్డు స్పెల్‌తో శ్రీలంక లెజెండ్స్‌కి...
రోడ్ సీఫ్టీ వరల్డ్ సిరీస్‌లో ఇండియా లెజెండ్స్‌పై భారీ స్కోరు చేసిన ఇంగ్లాండ్ లెజెండ్స్ టీమ్‌కి చుక్కలు చూపించాడు లంక మాజీ ఆల్‌రౌండర్ దిల్షాన్. 4 ఓవర్లలో ఒక మెయిడిన్‌తో 6 పరుగులు మాత్రమే ఇచ్చి 4 వికెట్లు పడగొట్టాడు.
ఆరేళ్ల క్రితం క్రికెట్ నుంచి రిటైర్మెంట్ తీసుకున్నా తనలో ఏ మాత్రం సత్తా తగ్గలేదని ఆల్‌రౌండ్ షోతో నిరూపించాడు దిల్షాన్. బౌలింగ్‌లో 6 పరుగులు మాత్రమే ఇచ్చి 4 వికెట్లు తీయగా, బ్యాటింగ్‌లోనూ అదరగొట్టి శ్రీలంక లెజెండ్స్‌కి అద్భుత విజయాన్ని అందించాడు.
8 పరుగుల వద్ద 4 వికెట్లు కోల్పోయిన ఇంగ్లాండ్ లెజెండ్స్ జట్టు నిర్ణీత 20 ఓవర్లలో 9 వికెట్లు కోల్పోయి 78 పరుగులు మాత్రమే చేయగలిగింది. దిల్షాన్ 4 వికెట్లు తీయగా రంగనా హెరాత్ 2, వీరరత్నే, ఆర్నాల్డ్, మహరూఫ్ చెరో వికెట్ తీశారు.
ఓపెనర్ ముస్తద్‌ను డకౌట్ చేసిన దిల్షాన్, కెప్టెన్ పీటర్సన్ 1, అఫ్జల్ 1, ఓవైస్ షా 6 వికెట్లు పడగొట్టాడు. టఫ్టన్ 18, ట్రెంలెట్ 22 పరుగులు చేయడంతో ఈ మాత్రం స్కోరు అయినా చేయగలిగింది ఇంగ్లాండ్ లెజెండ్స్.
ఈజీ లక్ష్యచేధనలో 4 వికెట్లు కోల్పోయినా బ్యాటింగ్‌లోనూ 26 బంతుల్లో 11 ఫోర్లు, ఓ సిక్సర్‌తో 61 పరుగులు చేసి నాటౌట్‌గా నిలిచిన దిలకరత్నే దిల్షాన్, శ్రీలంక లెజెండ్స్‌కి ఘన విజయాన్ని అందించాడు..
ఇంగ్లాండ్ లెజెండ్స్ బౌలర్ మౌంటీ పనేసర్‌కే 4 వికెట్లు దక్కడం విశేషం. తాజా విజయంతో పాయింట్ల పట్టికలో శ్రీలంక లెజెండ్స్ టాప్‌లోకి దూసుకెళ్లింది. శ్రీలంకతో పాటు ఇండియా లెజెండ్స్ కూడా ఆరు మ్యాచుల్లో ఓ పరాజయం, ఐదు విజయాలు అందుకున్నప్పటికీ మెరుగైన రన్‌రేట్ కారణంగా లంకకి టాప్ ప్లేస్ దక్కింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
