2022 రౌండప్: ఆ ఇద్దరు లెజెండరీ క్రికెటర్ల రిటైర్మెంట్... లాంగ్ బ్రేక్ తర్వాత ఈ ఇద్దరి కమ్‌బ్యాక్...

2022లో ఇద్దరు భారత మహిళా క్రికెటర్లు, సుదీర్ఘ క్రికెట్‌ కెరీర్‌కి ముగింపు పలికారు. మహిళల క్రికెట్‌లో లెజెండ్‌గా కీర్తిఘడించిన మిథాలీ రాజ్, 23 ఏళ్ల సుదీర్ఘ కెరీర్‌కి ముగింపు పలికింది. అంతర్జాతీయ క్రికెట్ కెరీర్‌లో 12 టెస్టులు, 232 వన్డేలు, 89 టీ20 మ్యాచులు ఆడిన మిథాలీ రాజ్... టెస్టుల్లో 699, వన్డేల్లో 7805, టీ20ల్లో 2364 పరుగులు చేసి... అత్యధిక పరుగులు చేసిన వుమెన్ క్రికెటర్‌గా టాప్‌లో నిలిచింది...

వుమెన్స్ వన్డే వరల్డ్ కప్ 2022 టోర్నీ ముగిసిన కొన్ని రోజులకు రిటైర్మెంట్ తీసుకుంటున్నట్టు ప్రకటించింది మిథాలీ రాజ్. మిథాలీ రిటైర్మెంట్‌తో హర్మన్‌ప్రీత్ కౌర్, టీమిండియా కెప్టెన్‌గా మూడు ఫార్మాట్ల బాధ్యతలు తీసుకుంది...

మిథాలీ రాజ్‌తో కలిసి భారత జట్టుకి ఎన్నో విజయాలు అందించిన వెటరన్ ఫాస్ట్ బౌలర్ జులన్ గోస్వామి కూడా ఇదే ఏడాది అంతర్జాతీయ క్రికెట్ నుంచి తప్పుకుంటూ నిర్ణయం తీసుకుంది. 

టీమిండియా తరుపున 12 టెస్టులు, 203 వన్డేలు, 68 టీ20 మ్యాచులు ఆడిన జులన్ గోస్వామి... ఓవరాల్‌గా 353 అంతర్జాతీయ వికెట్లు పడగొట్టింది. అంతర్జాతయ క్రికెట్‌లో అత్యధిక వికెట్లు తీసిన మహిళా బౌలర్‌గా ఉన్న జులన్ గోస్వామి, వన్డేల్లో 250+ వికెట్లు తీసిన మొట్టమొదటి బౌలర్, ప్రస్తుతానికి ఏకైక బౌలర్‌గా రికార్డు క్రియేట్ చేసింది...ఇంగ్లాండ్ టూర్‌లో వన్డే సిరీస్ గెలిచిన తర్వాత లార్డ్స్‌లో ఆఖరి మ్యాచ్ ఆడింది జులన్ గోస్వామి...

ఈ ఏడాది మరో ఇద్దరు క్రికెటర్లకు బాగా కలిసి వచ్చింది. ఐపీఎల్ 2022 సీజన్‌లో రాయల్ ఛాలెంజర్స్ బెంగళూరు తరుపున ఆడిన దినేశ్ కార్తీక్... లీగ్‌లో చూపించిన పర్ఫామెన్స్ కారణంగా భారత జట్టులో చోటు దక్కించుకున్నాడు. 37 ఏళ్ల వయసులో టీమిండియాలోకి రీఎంట్రీ ఇవ్వడమే కాకుండా ఆసియా కప్, టీ20 వరల్డ్ కప్ 2022 టోర్నీల్లోనూ ఆడాడు దినేశ్ కార్తీక్...

ఈ ఏడాది చివర్లో జయ్‌దేవ్ ఉనద్కట్‌, 12 ఏళ్ల తర్వాత టెస్టుల్లో రీఎంట్రీ ఇచ్చాడు. బంగ్లాతో రెండో టెస్టులో రీఎంట్రీ ఇచ్చిన జయ్‌దేవ్ ఉనద్కట్, మంచి బౌలింగ్ పర్ఫామెన్స్‌తో ఆకట్టుకున్నాడు.