కెప్టెన్‌గా ఛతేశ్వర్ పూజారా... ఫామ్‌లో ఉన్న సీనియర్ ప్లేయర్‌కి ప్రమోషన్ ఇచ్చిన సుసెక్స్...

ఫామ్‌లో లేకపోతే ఘన విజయాలు అందించిన కెప్టెన్ కూడా కెప్టెన్సీ కోల్పోవాల్సి వస్తుంది. అదే బీభత్సమైన ఫామ్‌లో ఉండి పరుగులు చేస్తుంటే... కెప్టెన్‌గా చేసిన అనుభవం లేని ప్లేయర్లకు కూడా కెప్టెన్సీ చేసే అవకాశం వెతుక్కుంటూ వస్తుంది... ఇప్పుడు ఛతేశ్వర్ పూజారాని కూడా ఇలాంటి అవకాశమే వెతుక్కుంటూ వచ్చింది...

Image credit: Getty

తాజాగా భారత సీనియర్ టెస్టు స్పెషలిస్టు ప్లేయర్ ఛతేశ్వర్ పూజారాకి కెప్టెన్సీ అప్పగించింది కౌంటీ క్లబ్ సుసెక్స్... రంజీ ట్రోఫీ 2022 సీజన్ ముగిసిన తర్వాత సుసెక్స్ క్లబ్ తరుపున కౌంట ఛాంపియన్‌షిప్ 2022లో పాల్గొన్నాడు ఛతేశ్వర్ పూజారా...

ఇప్పటిదాకా 6 మ్యాచులు ఆడి 9 ఇన్నింగ్స్‌ల్లో 109.43 సగటుతో 766 పరుగులు చేశాడు ఛతేశ్వర్ పూజారా. ఇందులో 4 సెంచరీలు, రెండు డబుల్ సెంచరీలు ఉన్నాయి. 

కౌంటీ ఛాంపియన్‌షిప్ 2022 టోర్నీలో అత్యధిక పరుగులు చేసిన ప్లేయర్ల జాబితాలో మూడో స్థానంలో ఉన్నాడు ఛతేశ్వర్ పూజారా. అయితే పూజారా కంటే ముందున్న పాక్ ప్లేయర్ షాన్ మసూద్, వేన్ మ్యాడ్సన్ కూడా ఇప్పటికే 8, 9 మ్యాచులు ఆడగా... పూజారా 6 మ్యాచులు మాత్రమే ఆడాడు...

తాజాగా మిడిల్‌సెక్స్‌తో జరగాల్సిన మ్యాచ్‌కి ముందు సుసెక్స్ క్లబ్ కెప్టెన్ టామ్ హేయిన్స్ గాయం కారణంగా తప్పుకున్నాడు. దీంతో అతని స్థానంలో తాత్కాలిక సారథిగా ఛతేశ్వర్ పూజారాకి బాధ్యతలు అప్పగించింది సుసెక్స్...

Cheteshwar Pujara

పేలవ ఫామ్ కారణంగా సౌతాఫ్రికా టూర్ తర్వాత భారత జట్టులో చోటు కోల్పోయిన ఛతేశ్వర్ పూజారా... రంజీ ట్రోఫీతో పాటు కౌంటీ ఛాంపియన్‌షిప్‌లో పర్ఫామెన్స్ కారణంగా టీమిండియాలోకి రీఎంట్రీ ఇచ్చాడు...

ఇంగ్లాండ్‌తో జరిగిన నిర్ణయాత్మక ఐదో టెస్టు ముందు రోహిత్ శర్మ కరోనా పాజిటివ్‌గా తేలడం, కెఎల్ రాహుల్ గాయం కారణంగా అందుబాటులో లేకపోవడంతో శుబ్‌మన్ గిల్‌తో కలిసి ఓపెనింగ్ చేశాడు ఛతేశ్వర్ పూజారా...

తొలి ఇన్నింగ్స్‌లో 46 బంతుల్లో 2 ఫోర్లతో 13 పరుగులు చేసిన ఛతేశ్వర్ పూజారా, రెండో ఇన్నింగ్స్‌లో 168 బంతుల్లో 8 ఫోర్లతో 66 పరుగులు చేసి ఆకట్టుకున్నాడు...