ఛాంపియన్స్ ట్రోఫీ: రోహిత్ పాకిస్థాన్ వెళ్లాల్సిందేనా? ఐసీసీ రూల్స్ ఏం చెబుతున్నాయి?

Rohit Sharma: ఐసీసీ ఛాంపియన్స్ ట్రోఫీ 2025 టోర్నమెంట్ ప్రారంభానికి ముందు ప్రారంభ వేడుకలు నిర్వహించనున్నారు. అయితే రోహిత్ పాకిస్థాన్ వెళ్తాడా లేదా అనే ప్రశ్న తలెత్తుతోంది. 

Rohit Sharma: ఐసీసీ ఛాంపియన్స్ ట్రోఫీ 2025 ఫిబ్రవరి 19 నుండి ప్రారంభమవుతుంది. ఈ టోర్నీకి పాకిస్థాన్ ఆతిథ్యం ఇస్తోంది. 2017 తర్వాత తొలిసారిగా ఈ టోర్నీని నిర్వహిస్తున్నారు. ఈ టోర్నీలో మొత్తం 8 జట్లు పాల్గొంటున్నాయి.

అయితే, భార‌త్ పాకిస్తాన్ వెళ్ల‌మ‌ని ఐసీసీకి తేల్చి చెప్పింది. దీంతో ఈ టోర్నీకి పాకిస్థాన్ ఆతిథ్యమిచ్చినా, భారత జట్టు మ్యాచ్‌లు హైబ్రిడ్ మోడల్‌లో దుబాయ్‌లో జరుగుతాయి.

కెప్టెన్ ఫోటో షూట్ ఎలా చేస్తారో?

ఐసీసీ ఛాంపియన్స్ ట్రోఫీ 2025 టోర్నమెంట్ ప్రారంభానికి ముందు పాకిస్థాన్ క్రికెట్ బోర్డు ఓపెనింగ్ వేడుకను నిర్వహించనుంది. అయితే ఈ వేడుక కోసం రోహిత్ శర్మ పాకిస్థాన్ వెళ్తాడా లేదా అనే విషయంపై ఇంకా క్లారిటీ లేదు.

మీడియా కథనాల ప్రకారం రోహిత్‌ను పాకిస్థాన్‌కు పంపేందుకు బీసీసీఐ నిరాకరించింది. అయితే రోహిత్ లేకుండా ఓపెనింగ్ వేడుక, కెప్టెన్ ఫోటో షూట్ ఎలా చేస్తారన్నది పీసీబీ ముందున్న అతిపెద్ద ప్రశ్న.

Rohit Sharma

రోహిత్ పాకిస్థాన్ వెళ్లాలా? ఐసీసీ  రూల్స్ ఏం చెబుతున్నాయి? 

ఏదైనా ఐసీసీ టోర్నమెంట్ నిర్వహించినప్పుడు దీనికి ముందు గ్రాండ్‌గా ప్రారంభోత్సవం నిర్వహిస్తారు. ఫిబ్రవరి 19 నుంచి పోటీలు ప్రారంభం కానున్నాయి. అందువల్ల ఫిబ్రవరి 16 లేదా 17 తేదీల్లో ప్రారంభోత్సవం నిర్వహించవచ్చు.

ఐసీసీ నిబంధనల ప్రకారం జట్టు కెప్టెన్లందరూ ఓపెనింగ్ సెర్మనీకి హాజరుకావడం తప్పనిసరి. ఐసీసీ నిబంధ‌న‌ల ప్రకారం కెప్టెన్ రోహిత్ శ‌ర్మ పాకిస్తాన్ లో వేడుక‌లు జ‌రిగితే అక్క‌డ‌కు వెళ్లాల్సి ఉంటుంది. 

Ajit Agarkar-Rohit Sharma Press

ఓపెనింగ్ వేడుక‌ల‌కు అంద‌రు కెప్టెన్ల‌తో ఫోటో షూట్

ఐసీసీ ఛాంపియ‌న్స్ ట్రోఫీ ప్రారంభ‌ వేడుకలో కెప్టెన్లందరినీ వేదికపైకి పిలుస్తారు. దీనితో పాటు, ఆతిథ్య దేశం ద్వారా విలేకరుల సమావేశం ఏర్పాటు చేస్తారు. దీనితో పాటు కెప్టెన్లకు ప్రశ్నలు అడుగుతారు. అంతకుముందు 2023 వన్డే ప్రపంచకప్ ఉత్కంఠ భారత్‌లో జరిగింది. ఈ టోర్నీ కోసం పాకిస్థాన్ జట్టు భారత్‌కు వచ్చింది.

అయితే, జ‌ట్టును పంప‌డానికి నిరాక‌రించిన బీసీసీఐ ఎలాంటి నిర్ణ‌యం తీసుకుంటుంద‌నేది ఆస‌క్తిని పెంచుతోంది. రోహిత్‌ని పాకిస్థాన్‌కు పంపడాన్ని బీసీసీఐ ఇప్ప‌టికే వ్య‌తిరేకించింది. అయితే ఐసీసీ జోక్యం చేసుకుంటే రోహిత్ పాకిస్థాన్ వెళ్లాల్సి వస్తుంది.

ఐసీసీ ఛాంపియ‌న్స్ ట్రోఫీ కోసం భార‌త జ‌ట్టు

ఈ టోర్నీలో భారత జట్టు తొలి మ్యాచ్ ఫిబ్రవరి 20న బంగ్లాదేశ్‌తో ఆడనుంది. ఆ తర్వాత ఫిబ్రవరి 23న పాకిస్థాన్‌తో భారత్ తలపడనుంది. మార్చి 2న న్యూజిలాండ్‌తో భారత్‌ తలపడనుంది. ఛాంపియ‌న్స్ ట్రోఫీలో భార‌త్ ఆడే అన్ని మ్యాచ్ ల దుబాయ్‌లోనే జరుగుతాయి.

ఛాంపియన్స్ ట్రోఫీకి టీమిండియా ఎలా ఉంది?

రోహిత్ శర్మ (కెప్టెన్), శుభ్‌మన్ గిల్ (వైస్ కెప్టెన్), విరాట్ కోహ్లీ, శ్రేయాస్ అయ్యర్, కేఎల్ రాహుల్, వాషింగ్టన్ సుందర్, కుల్దీప్ యాదవ్, జస్ప్రీత్ బుమ్రా, హార్దిక్ పాండ్యా, అక్షర్ పటేల్, మహ్మద్ షమీ, అర్ష్‌దీప్ సింగ్, యశస్వి జైస్వాల్, రిషబ్ పంత్, ర‌వీంద్ర జడేజా.