IPL 2021 వాయిదా కాదు, క్యాన్సిల్ చేసేయండి సార్... సన్‌రైజర్స్ ఫ్యాన్స్ డిమాండ్.. వైరల్ మీమ్సీ...

First Published May 3, 2021, 4:59 PM IST

ఐపీఎల్ 2021 సీజన్‌పై కరోనా ప్రభావం పడిన విషయం తెలిసిందే. కోల్‌కత్తా నైట్‌రైడర్స్ ప్లేయర్ వరుణ్ చక్రవర్తి, సందీప్ వారియర్‌తో పాటు చెన్నై సూపర్ కింగ్స్ బౌలింగ్ కోచ్ బాలాజీ, సీఈవో కాశీ విశ్వనాథ్, బస్ క్లీనర్‌కి కరోనా సోకినట్టు నిర్ధారణ అయ్యింది.

ఐపీఎల్ 2021పై కరోనా ప్రభావం పడడంతో సీజన్‌ను వాయిదా వేయాలని డిమాండ్లు వినిపిస్తున్నాయి. కరోనాతో దేశం అల్లాడిపోతుంటే, వేల కోట్లు ఖర్చు పెట్టి ఐపీఎల్ నిర్వహించడం అవసరమా? అని కొందరు నెటిజన్లు కొన్నాళ్లు డిమాండ్ చేస్తున్నారు.

అయితే తాజాగా ఈ లిస్టులోకి సన్‌రైజర్స్ హైదరాబాద్ ఫ్యాన్స్ కూడా చేరిపోయారు. ఇప్పటికే 8 మ్యాచుల్ల 7 మ్యాచులు ఓడిన సన్‌రైజర్స్, ప్లేఆఫ్ అవకాశాలను దాదాపు కోల్పోయింది. మిగిలిన అన్ని మ్యాచుల్లో గెలిస్తేనే ప్లేఆఫ్‌కి అర్హత సాధించేందుకు అవకాశం ఉంటుంది.

దీంతో ఆరెంజ్ ఆర్మీ అభిమానులు, ఐపీఎల్ 2021 సీజన్‌ను వాయిదా వేయడం కాదు, పూర్తిగా క్యాన్సిల్ చేసేయాలని డిమాండ్ చేస్తున్నారు. పూర్తిగా రద్దు చేసి, కరోనా తగ్గాక మళ్లీ ఫ్రెష్‌గా స్టార్ట్ చేయాలని ఫన్నీ పోస్టులతో ట్రోల్ చేస్తున్నారు...