అనుష్క వల్లే అతన్ని వదిలేశా, లేదంటేనా... విరాట్ అంటే పిచ్చి అంటున్న బాలీవుడ్ బ్యూటీ మృనాల్...
టీమిండియా కెప్టెన్ విరాట్ కోహ్లీకి ఉన్న ఫాలోయింగ్, క్రేజ్ గురించి ప్రత్యేకంగా చెప్పాల్సిన అవసరమే లేదు. అనుష్క శర్మను ప్రేమించి, పెళ్లాడిన విరాట్ కోహ్లీ, అంతకుముందు కొందరు బాలీవుడ్ భామలతో ప్రేమాయణం నడిపించాడు. ఆ లిస్టులో లేకపోయినా తనకి విరాట్ అంటే పిచ్చి... అంటోంది బాలీవుడ్ బ్యూటీ మృనాల్ ఠాకూర్...
హను రాఘవపూడి దర్శకత్వంలో దుల్కర్ సల్మాన్ హీరోగా తెరకెక్కుతున్న మల్టీలాంగ్వేజ్ చిత్రం ద్వారా తెలుగులోకి ఎంట్రీ ఇవ్వబోతోంది మృనాల్...
హిందీ సిరీయల్స్‌తో ప్రేక్షకుల్లో మంచి గుర్తింపు తెచ్చుకున్న మృనాల్, సోషల్ మీడియాలో ఏ మాత్రం మొహమాటం లేకుండా అందాలను ఆరబోస్తూ ఉంటుంది...
నాని నటించిన ‘జెర్సీ’ మూవీని బాలీవుడ్‌లో రీమేక్ చేస్తున్నాడు గౌతమ్ తిన్ననూరి. షాహిద్ కపూర్ హీరోగా నటిస్తున్న ఈ సినిమాలో మృనాల్ హీరోయిన్‌గా నటించింది...
ఈ చిత్ర ప్రమోషన్‌ కార్యక్రమాల్లో పాల్గొన్న మృనాల్ ఠాకూర్... విరాట్ కోహ్లీపైన తనకున్న ఇష్టాన్ని బయటపెట్టంది...
‘మా అన్నయ్యకి క్రికెట్ అంటే చాలా ఇష్టం. వాడు ఏ క్రికెట్ మ్యాచ్ వచ్చినా, వదలకుండా చూసేవాడు. అలా నేను క్రికెట్ చూడడం మొదలెట్టా...
క్రికెట్‌పై ఇంట్రెస్ట్ పెరిగాక, విరాట్ కోహ్లీకి, అతని ఆటకి వీరాభిమానిని అయిపోయా. అతని ఆటకు తన ప్రేమలో పడిపోయా...
విరాట్ కోహ్లీ కోసం స్టేడియానికి వెళ్లి మ్యాచ్ కూడా చూశాను. అతనంటే ఎంత ఇష్టమంటే మాటల్లో చెప్పలేను. అయితే ఈలోపే అతనికి అనుష్కతో పెళ్లి అయిపోయింది...
అయితే నేను బ్లూ కలర్ జెర్సీలో మ్యాచ్ చూస్తూ, విరాట్ కోహ్లీని ఎంకరేజ్ చేసిన మూమెంట్ మాత్రం ఎప్పటికీ మరిచిపోలేను...’ అంటూ కామెంట్ చేసింది మృనాల్ ఠాకూర్...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
