అప్పుడెలా ఉన్నాడో, ఇప్పుడు అలాగే ఉన్నాడు! బాబర్ ఆజమ్ వరల్డ్ బెస్ట్ బ్యాటర్లలో ఒకడు.. - విరాట్ కోహ్లీ

ప్రస్తుతం ఐసీసీ బ్యాటర్ల ర్యాంకింగ్స్‌లో మూడు ఫార్మాట్లలో టాప్ 5లో ఉన్న ఏకైక బ్యాటర్ బాబర్ ఆజమ్. జింబాబ్వే, నెదర్లాండ్స్ వంటి చిన్న జట్లపై ఆడతాడని టీమిండియా ఫ్యాన్స్ ఎన్ని విమర్శలు చేసినా, కొన్నేళ్లుగా వన్డే ర్యాంకింగ్స్‌లో టాప్‌లో కొనసాగుతున్నాడు బాబర్ ఆజమ్.. 

Virat Kohli-Babar Azam

మూడేళ్లుగా సెంచరీ చేయలేక తెగ ఇబ్బందిపడిన విరాట్ కోహ్లీ గురించి.. ‘ఈ సమయం గడిచిపోతుంది. బీ స్ట్రాంగ్’ అంటూ బాబర్ ఆజమ్ వేసిన ట్వీట్, అప్పట్లో తెగ వైరల్ అయ్యింది. యాదృచ్ఛికంగా ఆ ట్వీట్ తర్వాత విరాట్ కోహ్లీ ఏకంగా 6 సెంచరీలు బాదాడు..

Virat Kohli - Babar azam ind vs pak

2019 వన్డే వరల్డ్ కప్ సమయంలో బాబర్ ఆజమ్‌తో జరిగిన సంభాషణ గురించి తాజాగా బయటపెట్టాడు విరాట్ కోహ్లీ. ‘2019 వన్డే వరల్డ్ కప్‌ సమయంలో మాంచెస్టర్‌లో జరిగిన మ్యాచ్ సమయంలో బాబర్ ఆజమ్‌తో మొదటిసారి మాట్లాడాను..

Virat Kohli-Babar Azam

అండర్19 వరల్డ్ కప్ నుంచే ఇమాద్ వసీంతో నాకు పరిచయం ఉంది. అతను వచ్చి, బాబర్ ఆజమ్ నీతో మాట్లాడాలనుకుంటున్నాడని చెప్పాడు. మేం ఇద్దరం కూర్చొని, చాలా సేపు మాట్లాడుకున్నాం. బాబర్ చాలా వినయంగా ఉంటాడు..

సీనియర్లను ఎంతగానో గౌరవిస్తాడు. అప్పటి నుంచి ఇప్పటిదాకా అతనిలో ఎలాంటి మార్పు రాలేదు. ఇప్పుడు మూడు ఫార్మాట్లలో బాబర్ ఆజమ్ వరల్డ్ టాప్ బ్యాటర్లలో ఒకడనే విషయాన్ని మరిచిపోకూడదు. అతని ఆటను చూడడానికి నేను కూడా ఇష్టపడతాను..’ అంటూ కామెంట్ చేశాడు విరాట్ కోహ్లీ..

2019 వన్డే వరల్డ్ కప్‌లో పాక్‌తో జరిగిన మ్యాచ్‌లో 89 పరుగుల తేడాతో భారీ విజయం అందుకుంది టీమిండియా. రోహిత్ శర్మ 140 పరుగులు చేయగా కెఎల్ రాహుల్ 57, విరాట్ కోహ్లీ 77 పరుగులు చేశారు.. ఈ మ్యాచ్‌లో బాబర్ ఆజమ్ 48 పరుగులు చేసి కుల్దీప్ యాదవ్ బౌలింగ్‌లో అవుట్ అయ్యాడు.

kohli babar azam

వన్డే వరల్డ్ కప్ 2023 టోర్నీకి ఐసీసీ రూపొందించిన ప్రోమోలో బాబర్ ఆజమ్‌ కనిపించలేదు. నిజానికి 2019 వన్డే వరల్డ్ కప్‌లో కుల్దీప్ యాదవ్ బౌలింగ్‌లో బాబర్ ఆజమ్ క్లీన్ బౌల్డ్ అయిన దృశ్యాన్ని ఈ ప్రోమోలో చూపించడంపై పాక్ క్రికెట్ ఫ్యాన్స్ తీవ్రంగా అభ్యంతరం వ్యక్తం చేస్తున్నారు..