ఇప్పుడు కాదు, మీ పరువు ఎప్పుడో పోయింది... శ్రీలంక మాజీ కెప్టెన్ అర్జున రణతుంగకి ఆకాశ్ చోప్రా కౌంటర్...

ఇంగ్లాండ్‌కి మెయిన్ టీమ్‌ని పంపించి, లంకకు బీ టీమ్‌ని పంపడం మమ్మల్ని అవమానించడమేనని శ్రీలంక మాజీ కెప్టెన్‌ అర్జున్ రణతుంగ చేసిన కామెంట్లపై మాజీ క్రికెటర్, కామెంటేటర్ ఆకాశ్ చోప్రా గట్టి కౌంటర్ ఇచ్చాడు...

ఇంగ్లాండ్‌తో టెస్టు సిరీస్‌కి విరాట్ కోహ్లీ, రోహిత్ శర్మ, కెఎల్ రాహుల్, రిషబ్ పంత్, బుమ్రా, షమీ వంటి ప్రధాన జట్టును పంపించిన బీసీసీఐ, శ్రీలంక టూర్‌కి యంగ్ టీమ్‌ను పంపిన విషయం తెలిసిందే.

దీనిపై స్పందించిన శ్రీలంక మాజీ కెప్టెన్ అర్జున రణతుంగ ‘భారత జట్టు ఇంగ్లాండ్‌కి బెస్ట్ టీమ్‌ను పంపించి, శ్రీలంకు వీక్ టీమ్‌ను పంపింది. ఇది లంక జట్టును అవమానించడమే...

అయినా తప్పు వాళ్లది కాదు లంక బోర్డుది. కేవలం మార్కెటింగ్ ప్రయోజనాలు, టీవీ టెలికాస్టింగ్ డబ్బుల కోసం సెకండ్ టీమ్‌తో సిరీస్ ఆడేందుకు వాళ్లు అంగీకరించారు...’ అంటూ కామెంట్ చేశాడు...

ఈ వ్యాఖ్యలపై తాజాగా శ్రీలంక క్రికెట్ బోర్డు కూడా స్పందించింది. ‘శ్రీలంక టూర్‌కి వచ్చిన 20 మందిలో 14 మంది క్రికెటర్లు ఇప్పటికే టీమిండియా తరుపున అన్ని ఫార్మాట్లలో ఆడారు. ఇది సెకండ్ స్ట్రింగ్ టీమ్ కాదు...’ అంటూ కామెంట్ చేసింది...

భారత మాజీ క్రికెటర్, కామెంటేటర్ ఆకాశ్ చోప్రా కూడా రణతుంగకి గట్టి కౌంటర్ ఇచ్చాడు... ‘రణతుంగ చెప్పింది నిజమే, ఇది మెయిన్ టీమ్ కాదు... ఇందులో విరాట్ కోహ్లీ, రోహిత్ శర్మ, రవీంద్ర జడేజా, బుమ్రా, షమీ ఎవ్వరూ లేరు...

అయితే ఇది నిజంగా బీ టీమ్ అవుతుందా? ఈ కామెంట్లు చేసే ముందు లంక జట్టు పరిస్థితిని ఓ చూసి పరిశీలించుకోవాలి... నిక్కచ్చిగా చెప్పాలంటే ఆఫ్ఘానిస్తాన్ కూడా వరల్డ్ టీ20 క్వాలిఫైయర్స్ ఆడడం లేదు...

లంక ఆడాల్సి వస్తోంది. అదే నిజం. శ్రీలంక క్రికెట్ జట్టు ఇప్పుడు చాలా ఇబ్బంది పడుతోంది. ఇంగ్లాండ్ జట్టు, లంకపై చూపిస్తున్న పర్ఫామెన్స్ చూడండి...

నాకు తెలిసి ఇలాగే ఆడితే టీ20 వరల్డ్‌కప్‌కి అర్హత సాధించడం కూడా శ్రీలంకకి కష్టం అవుతుంది. సూపర్ 12లోకి ఎంటర్ అవ్వాలంటే కొన్ని విజయాలు సాధించడం అవసరం...’ అంటూ కామెంట్ చేశాడు ఆకాశ్ చోప్రా...

శ్రీలంక పూర్ పర్ఫామెన్స్ కారణంగా టీ20 వరల్డ్‌కప్‌కి నేరుగా అర్హత సాధించలేకపోయింది. పసికూన జట్టుగా గుర్తింపు తెచ్చుకున్న ఆఫ్ఘాన్ మాత్రం అద్భుత విజయాలతో సూపర్ 12 రౌండ్‌కి నేరుగా అర్హత సాధించింది...

2009, 2012 రన్నరప్, 2014 విన్నర్ అయిన శ్రీలంక జట్టు మాత్రం బంగ్లాదేశ్, నమీబియా, యూఏఈ, ఐర్లాండ్, ఓమన్, నెదర్లాండ్స్ వంటి చిన్న జట్లతో వరల్డ్ కప్ బెర్త్ కోసం పోటీ పడాల్సిన పరిస్థితి...

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి